امریکا نال مذاکرات حمتہ مراحل ءچ داخل تھئی چکے ھن، طالبان
دوحہ ءچ طالبان دے ترجمان نے تصدیق کر ݙیتی ھِ کہ افغانستان نال امریکی فوجیاں دی بیدخلی توں متعلق مذاکرات حتمی مراحل ءچ داخل تھئی چکے ھن خبر رساں ادارے اے ایف پی دے مطابق طالبان دے ترجمان سہیل شاھین نے صحافیاں نال گالھ مہاڑ کریندے ہووے ڈسایا کہہ دوحہ ءچ مزاکرات دے پنجویں مرحلے ءچ مثبت پیش رفت تھئی تے ھن اساں باقی ماندہ نکات کون حتمی شکل ڈیندے پئے ھیں واضح رھاوے کہ امریکا تے طالبان دے مابین مذاکرات دا اے پنجھواں مرحلہ ھا ، ترجمان طالبان آکھیا کہ جیویں ھی باقی ماندہ نکات کو حتمی شکل ݙیتی ویسی ول معاھدے طے پا ویسی ۔ ڈوجہے پاسے امریکا دے سیکریٹری اسٹیٹ مائیک پومپیو دا سابق فوجیاں نال خطاب ءچ مذاکرات کیں بنیاد تے اختتام پذیر ہوسن، ایں بارے پیشنگوئی نی کر سکدے
انہاں آکھیا کہ امریکا دے صدر ڈونلڈ ٹرمپ دی ترجیح ھِ کہ مذاکرات صحیح پاسے مکمل تھیون، سیکریٹری اسٹیٹ دا آکھݨ ھا کہ ایں ضمن ءچ امریکی صدر دی میکوں تے میڈے عسکری دوستاں کوں واضح ھدایت ھِ کہ اساں کوں جلد از جلد افغانستان توں کڈھا ونجے انہاں دا آکھݨ ھا کہ اساں ایں گالھ کوں یقینی بنڑیسوں کہ دوبارہ امریکا کہیں دہشت ءچ نا پھنس ونجے ، مائیک پومپو دا آکھݨ ھا کہ میکون یقین ھِ کہ اساں کامیابی حاصل کریسوں تے ایں لڑائی ءچ اپنڑیاں جاناں دا نظرانہ پیش کرݨ والیاں کوں خراج عقیدت پیش کریسوں۔
واضح رھاوے افغانستان ءچ ایں ویلے امریکا دے فوجیاں دی تعداد ١٤ ھزار تے مشتمل ھِ
