گھر ءچ ڈکیتی، مزاحمت تے ڈاکٹر تے پولیس افسر دا گارڈ قتل

کراچی ءچ ݙو گھراں ءچ ڈکیتی دے مختلف واقعات ءچ مزاحمت دے دوران باھرلے ملک توں آوݨ والی ڈاکٹر تے ھک پولیس افسر دے نجی گارڈ کوں فائرنگ کر تے قتل کر ݙیتا گئیا

حکام دے مطابق بظاہر ڈکیتی مزاحمت دے دوران اے واقعات گلستان جوہر تے شادمان دے علاقیاں ءچ پیش آئے گلستان جوہر ءچ گھر ءچ ڈاکوواں دی فائرنگ نال ڈاکٹر شہزاد رحمن دی اہلیہ ٤٠ سالہ ڈاکٹر عائشہ جاں بحق تھئی گئی ، سپرنٹنڈنٹ پولیس(ایس پی ) گلشن شاھنواز چھاچھر دے مطابق دارالصحت دے پیچھوں بلاک ١٣ ءچ واقع ھک بنگلے ءچ سویرے ساڈھے آٹھ ونجے ٤ مسلح بندے داخل تھئے جنہاں پینٹ ، شرٹ تے ٹائی پاتی ہوئی ھائی ، انہاں ڈسایا کہ ڈاکٹر عائشہ ایتھاں اپنڑیں رشتہ داراں دی شادی دی تقریب ءچ شرکت کیتے ھک ہفتہ پہل کینڈا توں ائی ھائی ۔ پولیس دے مطابق ڈکیتی دے دوران مکیناں دی طرفوں مزاحمت کیتی گئی جیندے تے ڈاکوواں نے انہاں دے فائرنگ کر ݙیتی تے فرار تھئی گئے، ایں دوران باھرلے ملک توں آئی ڈاکٹر گولی لگݨ نال شدید زخمی تھئی گئے جیکوں آغا خان یونیورسٹی روڈ ہسپتال منتقل کیتا گئیا جیتھاں او دوران علاج مر گئی، ایس پی گلشن نے ڈسایا کہ ملزمان اپنڑی گڈی چھوڑ تے فرار تھئی گئے جیندے بعد پولیس نے قبضے ءچ گھن گھیدے ، انہاں دعوی کیتا کہ کار دی تلاشی دے دوران ٣٠ بور پستول تے راونڈز دے نال ھک ایس ایم جی رائفل برآمد کر گھیدی ھِ ڈسایا گئیا کہ قبضے ءچ گھیدی گئی گڈی دی نمبر پلیٹ جعلی ھِ ایس پی گلشن دا آکھݨ ھا کہ تفتیش کاراں کوں اہم شاھد ملے ھن تے امید ھِ کہ قاتلاں کوں جلد گرفتار کر گھیدا ویسی۔