بھارت نال کشیدگی ودھاوݨ تے کݙھیں پہل نا کریسوں، وزیر اعظم
وزیر اعظم عمران خان دا آکھݨ ھِ کہ پاکستان تے بھارت ݙو جوہری ممالک ھن جنہاں دے درمیان کشیدگی ودھی تاں ایندے نال پوری دنیا کیتے خطرہ پیدا تھئی ویسی ، جبکہ پاکستان کشیدگی ودھاوݨ ءچ کݙھیں پہل نا کریسی
لاہور ءچ سکھ برادری دے کنونشن نال خطاب کریندے ہووے وزیر اعظم نے آکھیا کہ وزیر اعظم بنڑݨ تاں پہلی کوشش ھائی کہ بھارت نال چنگے تعلقات ہوون بھارتی وزیر اعظم کوں پہلا پیٹام ݙیتا ھا کہ ھک قدم ودھاو اساں ݙو ودھیسوں انہاں دا آکھݨ ھا کہ غربت دے خاتمے کیتے مل تے کم کرنا چاھیدا ھِ نریندر مودی نال مل تے موسمیاتی تبدیلی نال نمٹݨ تے کم کرنا ہوسی۔ انہاں آکھایا کہ بھارتی وزیر اعظم کشمیر دے مسئلے کوں مذاکرات نال حل کر سکدے ھیں لیکن بدقسمتی نال بھارت نے مذاکرات کیتے شرطاں رکھݨ شروع کر ݙیتیاں کوئی وی مسئلہ جنگ نال حل نی تھئی سکدا لیکن افسوس ھِ کہ بھارتیہ جنتا پارٹی دی حکومت این نظریے تے چلدی پئی ھِ جیندی وجہہ نال پاکستان بنڑا ھا ، آر ایس ایس دی حرکتاں انسانیت دے خلاف ھن جیندی کوئی وی دین اجازت نی ݙیندا۔
