اسلام آباد(سرائیکی نیوز) صدر مسلم لیگ ن تے سابق وزیر اعلی شہباز شریف اپنڑیں بھیرا نواز شریف دی پیشی تے احتساب عدالت پھج گئے ایں موقع تے جوݙیشل کمپلیکس دے باہر موجود کارکناں نے شہباز شریف کوں گھیرے ءچ گھن تھیدا تے انہاں دے حق ءچ نعرے بازی کیتی جبکہ کارکناں دی طرفوں سابق وزیر اعلی پنجاب تے پھلاں دی پتیاں وی نچھاور کیتی گئیاں۔ تفصیل دے مطابق سابق وزیر اعظم نواز شریف دیخلاف نیب ریفرنسز دی سماعت اج تھیسی ، صدر مسلم لیگ ن شہباز شریف تے دیگر پارٹی رہنما احتساب عدالت پھج گئے صدر ن لیگ دی احتساب عدالت آمد تے کارکناں نے زبردست استقبال کیتا تے انہاں دے حق ءچ نعرے بازی کیتی ایندے علاوہ انہاں تے پھل دیاں پتیاں وی نچھاور کیتیاں گئیاں ایں موقع تے شہباز شریف کارکناں کوں پر امن رھاون دی تلقین کریندے رہے۔

اسلام آباد (سرائیکی نیوز۔ذکاء اللہ) پاکستان تحریک انصاف نے اپوزیشن تے الزام عائد کیتا ھِ کہ او پی ٹی آئی دے قومی اسمبلی دے اراکین کوں سپیکر تے ݙپٹی سپیکر دے انتخاب کیتے انہاں کوں ووٹ ݙیون تے قائل کرݨ کیتے آفرزدے رہے ھن،  نمائندہ سرائیکی نیوز تے مقامی انگریزی اخبار دے مطابق پی ٹی آئی لیڈر ݙو چیزاں دی وجہہ توں پریشانی دا شکار ھن ھک تاں خفیہ رائے شماری تے معمولی فرق دی وجہہ ھِ ، پی ٹی آئی دے نائب چیئرمین شاہ محمود قریشی نے خبردار کیتا کہ اے چنگا نا ہوسی اگر سینیٹ الیکشن ءچ طرز قومی اسمبلی ءچ وی دھرایا گئیا تاں ۔شاہ محمود قریشی دا آکھݨ ھا کہ او امیدوار دی کامیابی کیتے اراکین دی سپورٹ حاصل کرݨ دی کوشش کرن لیکن اساں اے ہرگز نی چاھندے کہ ایں کم کیتے خرید و فروخت کیتی ونجے انہاں دا آکھݨ ھا کہ پی ٹی آئی دے کول نمبر مکمل ھن اساں تے اعتماد ھِ کہ اساݙے نامزد امیدوار کامیاب ہوسن اگر تمام رکن قومی اسمبلی نے اپنڑیں ضمیر دی آواز دے مطابق ووٹ ݙیتے۔

اسلام آباد(سرائیکی نیوز) پاکستان مسلم لیگ ن دے پارلیمانی پارٹی اجلاس ءچ اراکین نے حلف برداری دے دوران احتجاج نا کرݨ تے شہباز شریف دے سامنڑیں سخت ناراضگی دا اظہار کیتا ھِ اجلاس ءچ اراکین دا آکھن ھا کہ الیکشن ٢٠١٨ ءچ مرکزی رہنماواں نے پارٹی مہم تے توجہ ݙیوݨ دی بجائے اپنڑیں حلقیاں تے توجہ ݙیتی جیندے نال پارٹی کوں نقصان تھیا شہباز شریف اپنڑیں سجے کھبے بیٹھے نا اہل لوگاں دے خلاف ایکشن گھنسن، نواز شریف اساݙے کیتے بہوں اہمیت رکھیندے ھن انہاں کیتے موثر مہم چلائی ویسی ، صرف دھاندلی دا شور مچاوݨ نال کجھ نا تھیسی ، ثبوت وی عوام دے سامنریں گھن تے آئے ونجن، لیگی ارکان نے تحفظات دا اظہار کریندے ہووے آکھیا کہ اساں پنجاب ءچ مسلسل حکمران رہے لیکن کوئی آزاد رکن اساݙے نال کیوں نی ملیا اساں وی جئیں آزاد رکن نال رابطہ کیتا ایں آکھیاں ݙیکھایا جئیں تے شہباز شریف نے آکھیا کہ کئی آزاد راکین نے ایہو جئی گالیں کیتیاں جو میں بیان نی کر کسدا جو فیصلے کیتے او پارٹی مفاد کو مد نظر رکھ تے کیتے گئے اجلاس ءچ ھک خاتون رکن نے ناراضگی دا اظہار کریندے ہووے آکھیا کہ نواز ریف دی احتساب عدالت ءچ پیشی دے موقع تے اساں باہر نی نکلے۔ اے اساݙے واسے شرم دی گالھ ھِ

اسلام آباد (سرائیکی نیوز) شیخ رشید کوں وزیر رویلوے بنڑاوݨ ڊا امکان ھِ عمران خان وزارت توں متعلق شیخ رشید کوں اعتماد ءچ گھنسن، سرائیکی نیوز دے مطابق شیخ رشید کوں وزیر ریلوے بنڑائے ونجن دا امکان ھِ عمران خان وزارت توں متعلق شیخ رشید کوں اعتماد ءچ گھنسن یاد رھاوے کہ ایں توں پہل شیخ رشید نے وزیر داخلہ بنڑݨ دی خواہش ڊا اظہار کیتا ھا انہاں کوں کہیں قسم دا گرین سگنل نا ݙیتا ھا جئیں وجہہ توں شیخ رشید ناراض تھئی گئے ھن۔

اسلام آباد(سرائیکی نیوز) آرمی چیف تے انہاں دی اہلیاں نے ملک گیر سرسبز شاداب پاکستان مہم دا آغاز کر ݙیتا ھِ آئی ایس پی آر دے مطابق پاک فوج قومی شجر کاری مہم ءچ بھر پور شرکت کریندی پئی ھِ ایں سلسلے ءچ آرمی چیف تے انہاں دی اہلیہ وی ملک گیر سرسبز و شاداب پاکستان مہم دا آغاز کر ݙیتا ھِ آرمی چیف نے آکھیا کہ اج ٢٠ لکھ پودے لائے ویسن ، پاکستانیاں توں اپیل ھِ کہ قومی مہم ءچ بھر پور شرکت کریندے ہوئے درخت لا تے زندگی بچاون۔

اسلام آباد(سرائیکی نیوز)یوم آزادی دے موقعے تے ہر قسم دے تیݙی پھٹاکے تے پابندی، حکم جاری، اسلام آباد انتظامیہ نے منچلیاں دی امیداں تے پانڑیں پھیرندے ہووے یوم آزادی تے ہر قسم دی آتش زدگی تے پابندی عائد کر ݙیتی ھِ نمائندہ سرائیکی نیوز دے مطابق اسلام آباد انتظامیہ نے یوم آزادی تے ہر قسم دی آتش زدگی تے پابندی عائد کر ݙیتی ھِ ایں حوالے نال نوٹیفکیشن وی جاری کر ݙیتا گئیا ھِ نوٹیفکیشن دے مطابق اسلام آباد ءچ یوم آزادی دی کہیں تقریب ءچ آتش بازی دی اجازت نی ہوندی ، پابندی امن و امان دی صورتحال کوں مد نظر رکھ تے عائد کیتی گئی ھِ جبکہ ضلعی انتظایہ نے یوم آزدی تے جاری کیتے گئے آتش بازی دے تمام این او سی منسوخ کر ݙیتے ھن۔

اسلام آباد(سرائیکی نیوز) تحریک انصاف دے رہنما شاہ محمود قریشی نے آکھیا ھِ کہ چیلنجز بہوں ھن امیداں تے پورا لہاوݨ دی کوشش کریسوں ، اپوزیشن کوں وی نال گھن تے ٹرسوں ، تحریک انصاف ملک دی سبھ توں وݙی جماعت بݨ تے ابھری ھِ پی ٹی آعی رہنما شاہ محمود قریشی نے میڈیا نال گالھ مہاڑ کریدنے ہووے آکھیا کہ پیپلز پارٹی کوں پورے پنجاب توں صرف ٦ شیٹاں ملیاںھن ، پنجاب ءچ ن لیگ دے نلا کنڈے دا مقابلہ تھئے ، پی ٹی آئی پنجاب ءچ حکومت بنڑاوݨ دی پوزیشن ءچ ھِ انہاں آکھیا کہ پنجاب ءچ واضح اکثریت کیتے ١٤٩ نمبرز درکار ھن ، امید ھِ اساݙا نمبر ١٨٠ توں ١٨٦ کوں چھو سکدا ھِ انہاں دا آکھݨ ھا کہ ووٹر نے واضح آکھیا کہ اساں روایتی سیاست نی چاھندے

اسلام آباد(سرائیکی نیوز)قومی ائیر لائن پی آئی اے دی آݙٹ رپورٹ ءچ ٧ ارب روپے غائب تھیون دا انکشاف تھئے ، آݙیٹر جنرل آف پاکستان نے سپریم کورٹ دے حکم تے قومی ایئر لائن ءچ مالی بے ضابطگتیاں دی چھان بین شروع کر ݙیتی ھِ تے ایں حوالے نال سی ای او پی آئی اے کوں خصوصی مراسلہ ارسال کر ݙیتا گئیا ھِ مراسلے ءچ لکھا گئیا ھِ کہ وزارتِ خزانہ دی طرفوں پی آئی اے کوں فنڈ دی مد ءچ فرام کیتی ونجن والی رقم 30.81 ارب روپے ھِ تاھم ایئر لائن دے فنانس ڈیپارٹمنٹ دی طرفوں فراہم کردہ حساب ءچ 23.565 ارب روپے ظاہر کیتے گئے ھن ایں طریقے نال تقریبان ٧ ارب غائب تھیون دا انکشاف تھئے، مراسلے ءچ اے وی لکھا گئیا ھِ کہ وزارت خزانہ دی طرفوں ضمانتاں دی رقم پی آئی اے دی طرفوں 175.086 ارب ڈسائی گئی ھِ جبکہ وزارت خزانی دی طرفوں اے رقم 177.230 ارب روپے دری کیتی گئی ھِ ایں مد ءچ وی 2 ارب روپے دا فرق آندا پیا ھِ خصوصی مراسلے ءچ پی آئی اے انتظامیہ کوں 10 سالہ مالی ریکارڈ پیش کرݨ دی ھدایت کیتی گئی ھِ آݙیٹر جنرل آف پاکستان دا مراسلہ ملݨ دےبعد پی آئی اے حکام نے اپنڑیں چیف فنانس آفیسر نیئر حیات توں غلط معلومات راہم کرݨ تے وضاحت طلب کریندے ہووے اظہار وجود دا نوٹس جاری کر ݙیتا ھِ نوٹس ءچ استفسار کیتا گئیا ھِ کہ آݙٹ ٹیم کوں فراہم کردہ اداد و شمار تے ادارے کوں ملݨ والی رقماں ءچ فرق کیوں آئے تے آݙیٹر جنرل دی ول ول درخواست دے باوجود درس معلومات فراہم کرݨ ءچ ناکامی دی وجہہ پچھ گھیدی

اسلام آباد (سرائیکی نیوز) سینیٹ دے سابق چیئرمین تے پاکستان پیپلز پارٹی دے سینیٹر رضا ربانی نے نگران وزیر خزانہ دے آئی ایم ایف پیکج دی تیاری توں متعلق بیان تے رد عمل ݙیندے ہووئے آکھیا کہ نگران وزیر خزانہ نے آئی ایم ایف دا پیج تیار کیتا ھِ تاں انہاں نے اپنڑیں قانونی دائرہ کار توں تجاوز کیتا ھِ انہاں آکھیا کہ امریکا دے سیکریٹری اسٹیٹ دا بیان واضح ھِ کہ آئی ایم ایف سامراجی قوتاں دا آلہ کار ھِ سامراجی طاقتاں آئی ایم ایف تے دیگر اداریاں کوں استعمال کرݨ چاھندیاں ھن رضا ربانی نے آکھیا کہ امریکا دا ایجنݙا ھِ کہ خطے ءچ اختلافات قائم رھاون جبکہ او پاکستان دا مخصوص کردارچاھندا ھِ انہاں نے خبردار کیتا کہ آئی ایم دے کول ونجݨ تباہ کون ھوسی نویں حکومت کوئی ایہو جیاء اقدام نا چاوے اگر نویں حکومت آئی ایم ایف دے کول ونجن دا سوچیندی وی ھِ تاں ایں تے پارلیمان ءچ بحث کروائی ونجنڑی چاھیدی ھِ مائیک پومپو نے آئی ایم ایف کوں خبردار کریندے ہووے آکھیا ھا کہ پاکستان دا آئی ایم ایف توں قرض کیتے درخواست دی صورت اگر بیل آؤٹ فنڈ ݙیتا ویندا ھِ تاں ایں نال چین دے قرضے ادا کیتے ونج سکدے ھن ، خیال رھاوے کہ یکم اگست کوں نگران وزیر خارجہ عبداللہ حسین ہارون نے امریکی سیکریٹری آف اسٹیٹ مائیک پومپیو دے عالمی مالیاتی ادارے آئی ایم ایف کوں پاکستان کیتے بیل آؤٹ پیکج دے حوالے نال خبردار کرݨ دے بیان کوں مسترد کیتا ھا ، عبداللہ حسین ھارون نے آکھیا ھا کہ پاکستان حکومت پاک چین اقتصادی راھداری سی پیک منصوبہ کوں مکمل کرݨ کیتے پر عزم ھِ تے کہیں کوں پاک چین تعلیقات دے حوالے نال مدالت کرݨ دی ضرورت کینی انہاں نے آکھیا ھا کہ او سمجھدا ھِ کہ آئی ایم ایف تے چین توں متعلق امریکی بیان نا مناسب ھِ تے سی پیک دے منصوبیاں ءچ کئی تریجھا فریق رکاوٹ نی بݨ سکدا اے حکومت واضح کریندی ھِ کہ سی پیک کوں آئی ایم ایف دے پیکج نال ملاوݨ مکمل طور تے غلط ھِ امریکی سیکریٹری دے بیان کوں مسترد کریندے ہووئے انہاں آکھیا کہ آئی ایم ایف دے کول ونجن نگران حکومت دا مینڈیٹ کینی تے منتخب حکومت ایں بارے اپنڑیں پالیسی واضح کریسی۔

اسلام آباد(سرائیکی نیوز) تحریک انصاف نے بی این پی مینگل کوں مطالبات دے علمدرآمد دی یقین دھانی کرا ݙیتی ھِ تحریک انصاف نے قومی اسمبلی ءچ حمایت دے بدلے بلوچستان نیشنل پارٹی (مینگل) دے مطالبات تے عملدرآمد دی یقین دھانی کرا ݙیتی ھِ ٣ اگست کوں اسلام آباد ءچ نعیم الحق دی قیادت ءچ تحریک انصاف دے وفد نے اختر مینگل نال ملاقات کیتی ھائی جیندے ءچ انہاں عمران خان نال ملاقات دی دعوت تے قومی اسمبلی دی حمایت دی دعوت ݙیتی ھائی تاہم اختر مینگل نے آکھیا کہ اساں اتحاد ءچ شمولیت دی دعوت تے پی ٹئی آئی دے سامنڑیں بلوچستان دے مسائل رکھیندے ھیں ، لاپتہ بندیاں دی بازیابی تے سی پیک تے عمل درآمد دا مطالبہ کیتا ھِ لہذا اساں مثبت جواب ملا تاں نال تھیوݨ کوں تیار ھیں ، شاہ محمود قریشی نے وی بی این پی مینگل نال مذاکرات کیتے ھن ، ذرائع دے مطابق پی ٹی آئی رھنماواں نعیم الحق، یار محدم رند تے چوہدری سرور نے عمران خان کوں مطالبات توں آگاہ کیتا ھا ، چوھدری سرور دی ذاتی مداخلت دے بعد تحریک انصاف دی اعلی قیادت نے بی این پی مینگل کوں مطالبات دے عملدرآمد دی یقین دھانی کروا ݙیتی ھِ تے آکھیا ھِ کہ بی این پی دی طرفں جلد مثبت جواب ملسی۔

اسلام آباد(سرائیکی نیوز) عیدالاضحی دے موقع تے سرکاری محکمیاں ءچ ٤ چھٹیاں کیتے وزارت داخلہ کوں سمری روانہ، عید الاضحی دے موقع تے سرکاری محکمیاں ءچ ٤ چھٹیاں ݙیون کیتے وزارت داخلہ کوں سمری روانی کر ݙیتی گئی ۔ ذرائع دے مطابق وزارت داخلہ کوں جو سمری روانہ کیتی گئی ھِ ایں ءچ ٤ سرکاری چھٹیاں ݙیون دی سفارش کیتی گئی ھِ جیندء ءچ ٢١ توں ٢٤ اگست تک چھٹیاں دا اعلان کریندی ھِ تاں ٢٠ تاریخ کوں سوموار ھِ تے ٢٥ اگست کوں ہفتے دا ݙینھ بنڑدا ھِ وفاقی محکمیاں ءچ ہفتہ اتوار اویں ھی چھٹی ہوندی ھِ ایں طرح وفاقی محکمیاں دے ملازمین کوں ٢٠ اگست کوں چھٹی کر تے پورا ہفتہ چھٹی کر تے پورا ہفتہ چھٹیاں دے مزے لوٹیسن ، اگر سرکاری ملازمین سوموار تے ہفتہ دی چھٹیاں دی چھٹی کریندے ھیں تاں ایں طرح او مجموعی طور تے ٩ چھٹیاں کریسن ایندے برعکس صوبائی محکمیاں دے ملازمین ٨ چھٹیاں کر سکدے ھن اگر انہاں نے سوموار تے ہفتہ دی چھٹی کیتی ایں عید تے سرکاری ملازمین دیاں موجاں ھی موجاں ہوسن۔

اسلام آباد(سرائیکی نیوز) امریکی رکن کانگریس شیلا جیکسن نے انتخابات ءچ کامیابی تے عمران خان کوں مبارکباد ݙیتی ھِ چیئرمین پاکستان تحریک انصاف عمران خان تے امریکی کانگریس دی رکن شیلا جیکسن دے درمیان ٹیلی فون تے گالھ مہاڑ تھئی ھِ رابطہ سینئر پی ٹی آئی رہنما عمران اسماعیل دی توسط نال تھیا ، تحریک انصاف دے مطابق امریکی رکن کانگریس نے انتخابات ءچ کامیابی تے عمران خان کوں مبارکباد ݙیتی تے تحریک انصاف کیتے نیک تمناواں دا اظہار کیتا، انہاں نے نویں حکومت دی حمایت تے ایندے نال تعاون دا وی اعلان کیتا، شیلا بی جیکشن نے حکومت سازی دے بعد وفد دے عمران پاکستان دے دورے دا عزم ظاہر کیتا

اسلام آباد(سرائیکی نیوز) اسد عمر نے امریکا کوں منہ توڑ جواب ݙیندے ہووے آکھیا کہ امریکا اساݙی فکر گھٹ تے خود چین توں گھیدے گئے قرضیاں دی فکر کرے ، چین دے نال تھیون والے تمام معاھدیاں کوں منظر عام تے گھن آیا ویسی، متوقع وزیر خزانہ اسد عمر نے عالمی جریدیے کوں انٹرویو ݙیندے ہووئے آکھیا کہ اعداد و شمار دے مطابق ایں ویلے امریکا ، چین دا لگ بھگ ١٢٠٠ ارب ڈالر دا مقروض ھِ جبکہ امریکا نے جاپان توں وی ١٠٠٠ ارب ڈالر قرض گھیدا ھویا ھِ انہاں آکھیا کہ گزرن ١٣ ماہ ءچ چین نے پاکستان کوں آئی ایم ایف دے برابر قرض ݙیتے۔ اسد عمر دا آکھ ھا پاکستان کوں فوری طور تے ١٢ ارب ڈالر دی ضرورت ہوسی ، رقم دا بدوبس آئندہ ٦ ہفتیاں ءچ کرنا ہوسی، پاکستان آئی ایم ایف ، دوست ممالک تے بانڈز جاری کر سکدا ھِ خراب معاشی صورتحال عمران خان کیتے چیلنج ھِ ھک سوال دے جواب ءچ اسد عمر دا آکھݨ ھا کہ پاک چین اقتصادی راہ داری منصوبی ءچ شفافیت گھن تے آسوں تے چین دے نال تھیوݨ والے تمام معاھدیاں کوں منظر عام تے گھن تے آیا ویسی۔

اسلام آباد(سرائیکی نیوز) نگران وزیر اعظم ناصر الملک نے گلگت بلتستان ءچ سکول ونجݨ والے واقعات دی مذمت کیتی ھِ دنیا نیوز دے مطابق نگران وزیر اعظم ناصر الملک نے سکول ساڑھݨ دے واقعے دی رپورٹ طلب کر گھیدی ، وزیر اعظم نے آکھیا ھِ کہ واقعے ءچ ملوث بندیاں کوں قانون دے کٹھرے ءچ گھن آیا ویسی، سکول نذر آتش کیتے ونجݨ دی شدید مزمت کرتے ھیں یاد رھاوے کے ایں توں قبل عمران خان نے وی انہاں واقعات دی مذمت کیتی ھِ

اسلام آباد(سرائیکی نیوز) انٹرنیٹ تے سماجی روابط ڊا وݙا ذریعہ فیس بک پاکستان سمیت دنیا توں کجھ دیر واسطے بند رھاون دے بعد بحال تفصیل دے مطابق انٹرنیٹ تے سماجی رابطیاں دا وݙا ذریعہ فیس بک پاکستان ءچ اچانک بند تھئی گئی جیندے نال صارفین کوں شدید مشکلات دا سانڑاں کرنا پوسی تاہم کجھ دیر تک ویب سائٹ بند رھاوݨ دے بعد دوبارہ بحال تھئی گئی تفصیل دے مطابق جمے دی شب ٩ وجے فیس بک دا آفیشل پیج اچانک غائب تھئی گئیا ھا جیندی وجہہ نال سوشل میڈیا صارفین کوں انتہائی مشکلات دا سامنڑاں کرنا پیاء ، صارفین دی طرفوں فیس بک بند تھیون تے سخت رد عمل دا اظہار کیتا گئیا

اسلام آباد(سرائیکی نیوز)وفاق ءچ حکومت سازی کیتے تحریک انصاف کوں زمید ٢ ارکان قومی اسمبلی دی حمایت حاسل ہوسی، نو منتخب آزاد رکن قومی اسمبی ایم این اے شبیر قریشی نے تحریک انصاف دے قافلے ءچ شامل تھیوݨ دا فیصلہ کر گھیدا ھِ قومی اسمبلی دے حلقی این اے ١٨١ نال تحریک انصاف دے غلام مصطفی کھر کوں آزاد امیدوار شبیر قریشی نے شکست ݙیتی ھائی تاہم جیت دے بعد وی انہاں نے اے نشست پی ٹی آئی دے ناں کر ݙیتی ھِ گھوٹکی دے حلقہ این اے ٢٠٥ توں آزاد حیثیت توں جیتݨ والے سردار علی محمد مہر نے تحریک انصاف ءچ باقاعدہ شمولیت دا فیصلہ کیتا ھِ انہاں دی شمولیت نال پی ٹی آئی ءچ انہاں دا بطور آزاد امیدوار نمبر آٹھواں ہوسی ایں توں قبل ١٣ توں ٦ آزاد امیدوار پہلے ہی پی ٹی آئی ءچ شامل تھئی چکے ھن، جنہاں ءچ ثناء اللہ مستی خیل ، غفار وٹو ، صالح محمد ، سید فخر امام ، امجد کھوسہ تے عاصم نذیر شامل ھن، تحریک انصاف کے مرکزی ترجمان فواد چوھدری دا آکھݨ ھِ کہ تحریک انصاف ءچ آزاد ارکان قومی اسمبلی دی تعداد ٨ تھئی گئی ھِ جبکہ مزید ݙو آزاد ارکان قومی اسمبلی نال گالھ مہاڑ جاری ھِ

اسلام آ باد(سرائیکی نیوز) چیئرمین تحریک انصاف تے متوقع وزیر اعظم عمران خان نے وزارت عظمی کیتے تقریب حلف برداری سادگی نال کرݨ دی ھدایت کیتی ھِ تحریک انصاف دے مرکزی ترجمان فواد چوھدری دا آکھݨ ھا کہ عمران خان نے حلف برداری دی تقریب نہایت سادگی نال کرݨ دی ھدایت کیتی ھِ جیندے ءچ بیرونی شخصیات کوں مدعو نا کرݨ دا فیصلہ کیتا گئیا ھِ فواد چوھدری نے آکھیا کہ تقریب حلف برداری مکمل طور تے قومی تقریب ہوسی جیندے ءچ کہیں قسم دے تعیش یا تکلف دا اظاہر نا کیتا ویسی تے عمران خان ایوان صدر ءچ وزارت عظمی دا حلف چاسن، ایں توقل قبل پی ٹی آئی رہنما نعیم الحق دا آکھݨ ھا کہ عمران خان عوام دے سامنڑیں حلف چاوݨ دے خواہشمند ھیں جیندے کیتے ݙی چوک یا پریڈ راونڈ دا مقام زیر غور ھِ پی ٹی آئی دے ترجمان فواد چوہدری دا مزید آکھݨ ھا کہ عمران خان دی حلف برداری دی تقریب ءچ انہاں دے چند دوستاں کوں بیرون ملک توں مدعو کیتا ویسی تے دوستاں دے علاوہ کہیں بیرونی شخصیت دی دعوت نا ݙیتی ویسی۔

اسلام آباد(سرائیکی نیوز) سپریم کورٹ ءچ کیس دی سماعت دے دوران بحریہ ٹاون دے چیف ایگزیکٹو ملک ریاض نے ھک سال ءچ داݙوچہ ݙیم تعمیر کرݨ دی پیشکس کر ݙیتی ھِ تے نال ھی شرط وی عائد کیتی ھِ کہ او ایں صورت ءچ بنڑیسن کہ پنجاب دی بیورو کریسی ءچ مداخلت نا کرے انہاں آکھیا کہ ایں ݙیم دی تعمیر کیتے غیر ملکی کنسلٹنغ دی خدمات حاصل کیتیاں ونجن تے ایندی فیس وی خود ادا کریسن۔ سپریم کورٹ نے نجی ہاوسنگ سوسائٹی دی طرفوں بحریہ دا ناں استعمال کرݨ دے از خود نوٹس دی سماعت چیف جسٹس دی سربراھی ءچ تریھ رکنی بینچ نے کیتی، عدالت نے لاہور ہائی کورٹ تے ماتحت عدالت توں آکھیا ھِ کہ ایں معاملے تے زیر التواء درخواستاں ١٥ روز ءچ نمٹایسوں۔ نجی ہاوسنگ سوسائٹی دے وکیل اعتزاز احسن پیش تھئے تے ݙسایا کہ بحریہ دا ناں استعمال کرݨ تے ݙو مختلف درخواستاں ماتحت عدلیہ تے لاہور ہائیکورٹ ءچ زیر سماعت ھن، سپریم کورٹ ءچ ماتحت عدلیہ تے ہائیکورٹ کوں بحریہ ناݨ استعمال کرݨ دے معاملے کوں ١٥ ݙینھ ءچ نمٹاوݨ دی ھدایت کیتی۔

اسلام آباد(سرائیکی نیوز) پاکستان تے متوقع وزیر اعظم عمران خان عہدے دا حلف گھنݨ توں پہل ھی دنیا دے ستویں پسندیدہ رہنما بݨ گئے ھن ٹویٹر تے انہاں دے مداھواں دی تعداد ٨٠ لکھ توں زیادہ تھئی گئے ، چاھوݨ والیاں دی تعداد دے حوالے نال او دنیا دے ستویں پسندیدہ رہنما بݨ گئن، نجی ٹی وی چینل دے مطابق پاکستان تحریک انصاف دی سوچل میڈیا تے آوݨ والی ٹوئٹس سوشل میڈیا تے خاصی شہرت دی وجہہ بنڑی رھیاں ھن ایں ویلے انہاں دے چاہوݨ والیاں دی تعداد ٨ لکھ ١٧ ھزار توں تجاوز کر چکی ھِ جبکہ کینیڈا دے وزیر اعظم جسٹن ٹروڈو دے چاہون والیاں دی تعداد دے لحاظ نال اٹھویں نمبر تے ھن جناں دے فالوورز یا چاہون والیاں دی تعداد ٤ لکھ ٢٦ ہزار توں زیادہ ھِ عمران خان دے چاہون والیاں دی تعداد ءچ مزید اضافہ متوقع ھِ تے خیال کیتا ویندا ھِ کہ جیویں ھی او وزیر اعظم دے عہدے دا حلف گھنسن اے تعداد خود بخود ودھ ویسی ۔

اسلام آباد (سرائیکی نیوز) پاکستان تحریک انصاف نے عام انتخابات ءچ برتری حاصل کرݨ دے بعد وفاق تے پنجاب ءچ حکومت سازی کیتے جوڑ توڑ ءچ مصروف ھِ ھک طرف آزاد امیدواراں کوں پارٹی ءچ شامل کرݨ دا سلسلہ شروع تھئے تے ݙوجہی پارٹی ھی دے مختلف رہنماواں نے پنجاب دی وزارت اعلی کیتے میڈیا تے مہم چلاوݨ شروع کر ݙیتی ھِ اپنڑیں اپنڑیں ناں پھیلاوݨ شروع کر ݙیتے جئیں تے عمران خان نے انہاں دے نال او سلوک کیتا کہ ہر کوئی حیران رہ ونجے ، معروف صحافی و تجزیہ کار خاور گھمن نے نجی ٹی وی دے ھک پروگرام ءچ گالھ مہاڑ کریندے ہووے آکھیا کہ پارٹی دے سینئر لیڈران جو عمران خان دے نال وی ھن دا آکھݨ ھا کہ عمران خان نے انہاں سارے رہنماواں دی تھوڑی نی بلکہ بہوں زیادہ طبیعت صاف کیتی ھِ انہاں آکھیا کہ عمران خان نے تمام رہنماواں کوں الگ الگ بند کمرے ءچ سݙھ تے انہاں دی طبیعت صاف کیتی تے ڈسایا کہ ھن پنجاب ءچ حکومت سازی کیتے نمبرز ہی پورے نی تھئے تے جئیں ویلے نمبر پورے تھیسن تاں ول سوچیسوں کہ وزارت اعلی کیتے کیدا ناں گھیدا ونجے ، ایں واسطے میڈیا تے جو مہم شروع کیتی گئے ھِ ایکوں بند کیتا ونجے کیونکہ جیندا ناں ݙونڑاں ہوسی ݙے ݙیتا ویسی ۔

اسلام آباد(سرائیکی نیوز) بھارتی ڈپٹی ہائی کمشنر جے پی سنگھ دی دفتر خارجہ کوں دفتر خارجہ طلب کیتا گئیا ھِ جنگ بندی معاھدے دی خلاف ورزیاں تے دفتر خارجہ نے احتجاجی مراسلہ بھارتی ڈپٹی ہائی کمشنر دے حوالے کیتا ھِ خبراں دے چینل دے مطابق بھارتی ڈپٹی ہائی کمشنر جے پی سنگھ دی دفتر خارجہ طلبی تے احتجاجی مراسلہ ءچ لکھا گئیا ھِ کہ بھارتی فورسز نے مینڈل سیکڑ ءچ شہری آبادی کوں نشانہ بنڑایا ھِ بھارتی فورسز دی فائرنگ نال خاتون شہید تھئی ھِ بھارت نے رواں سال ءچ ١٤٠٠ واری جنگ بندی معاھدے دی خلاف ورزیاں کیتیاں ھن، ترجمان دفتر خارجہ نے احتجاجی مراسلہ ءچ بھارتی ڈپٹی ہائی کمشنر دے حوالے کیتا ھِ

اسلام آباد(سرائیکی نیوز) پی ٹی آئی دے سینئر رہنما علیم خان نے آکھیا ھِ کہ نیب ءچ میں تریھ واری پیش تھئی چکیا ھاں ، تمام ثبوت راہم کیتے ، میڈا کیس سپریم کورٹ ءچ ھِ انہاں کوں ھی فیصلہ کرنا ھِ عمران خان دے نال کھڑا ھاں ایں واسطے میکوں نشانہ بنڑایا گئیا ھِ جو زمین گھیندا ھاں ایندا اسٹیٹس ھی تبدیل کر ݙیتا ویندا ھِ ، نجی چینل دے مطابق پاکستان تحریک انصاف دے رہنما علیم خان نے اسلام آباد ءچ میڈیا نال گالھ مہاڑ کریندے ہووے آکھیا کہ عمران خان دا آکھݨ ھا کہ خیبرپختونخواہ حکومت نال کوئی مفاد کینی ، سپریم کورٹ جو وی فیصلہ کریسی قبول کریساں دنیا ءچ میڈی ھک جائیداد ڈاسا ݙیون جو میں ڈکلیئر نا کیتی ہووے ، علیم خان دا آکھݨ ھا کہ میڈے کول ١١ سال توں کوئی سرکاری عہدہ نا ھا جئیں ویلے حکومت ءچ ھی کینی تاں کرپشن کیویں کر سکدا انہاں نے مخالفین تے تنقید کریندے ہووے آکھیا کہ میاں صاحبان کوں خواب ءچ وی میڈا منہ نظردے ، تریھ ݙینھ پہلے نیب دے نوٹس دی ٹائمنگ بہوں اہمیت دی حامل ھِ اپنڑیں آپ کوں احتساب کیتے سب توں پہلے پیش کیتا ھِ

علیم خان نے آکھیا کہ کہیں خاص شخصیت کوں ٹارگٹ کر تے احتساب نا کیتا ونجے پاناما لیکس کمپنیاں ءچ میڈا ناں کینی ، پاناما ءچ ناں نا ہووݨ دے باوجود انکوائری کیوں تھئیندی پئی ھِ اے نی جانڑدا ، عمران خان دے نال مل تے تبدیلی دی جنگ لڑدا پیا ھاں ، میں بیرون ملک اثاثیاں دی منی ٹریل ݙیتی ، اپنڑیں چاراں فلیٹس دے دستاویزات ݙیتے انہاں آکھیا کہ نیب ءچ تری وار پیش تھئی چکا ھاں تمام ثبوت فراہم کیتے ، یب جئیں ویلے سݙھیسی ضرور پیس تھیساں

اسلام آباد (سرائیکی نیوز) تحریک انصاف دے رہنما عارف علوی نے آکھیا ھِ کہ اطلاعات دے مطابق سپیکر آفس نے فیڈرل لاجز دی الاٹمنٹ دی ھِ نجی نیوز چینل دے مطابق تحریک انصاف دے رہنما ڈاکٹر عارف علوی نے سپیکر قومی اسمبلی ایاز صادق دے ناں مراسلہ بھیج ݙیتا ھِ جیندے ءچ آکھا گئیا ھِ کہ الیکشن کمیشن نے وی اراکین کوں نوٹی فکیشن جاری نی کیتا، اطلاعات ھن کہ سپیکر آفس نے فیڈرل لاجز دی الاٹمنٹ کر ݙیتی ھِ انہاں دا آکھݨ ھِ کہ قانونی طور تے فیڈرل لاجز دی الاٹمنٹ دا نواں سپیکر تے ڈپٹی سپیکر کریندا ھِ عارف علوی نے سپیکر قومی اسمبلی توں التماس کیتی کے ایں معاملے کوں ذاتی طور تے ݙیٹھاں ونجے

اسلام آباد(سرائیکی نیوز) پاکستان دے متوقع وزیر خزانہ اسد عمر نے آکھیا ھِ کہ معاشی بحران دا سامنڑاں ھِ لکن گھبراوݨ دی لوڑ کینی ملک کوں معاشی بحران توں کݙھ گھیدا ویسی اداریاں کوں مضبوچ کرݨ نال گردشی قرضے نا ودھسن، اداریاں نال سیاسی مداخلت ختم کر ݙیسوں، پاکستان دی قومی سلامتی تے سمجھوتہ نا کیتا ویسی۔ دنیا نیوز دے ھک پروگرام ءچ دنیا کامران خان دے نال گالھ مہاڑ کریندے ہووے اسد عمر نے آکھیا ھِ کہ ایں ویلے ملک دی معاشی صورتحال بہوں خراب ھِ تے ایں دا اساں کوں پہلے ھی پتہ ھا اساں اے چلنج قبول کیتا ھِ تاں ایں نال نمٹسوں، پاکستان دی قوم ءچ بہوں جانھِ جئیں ویلے اگوں ودھسوں تاں پتہ چلسی کہ ایں چلینج نال نمٹا وی ویندا پیا ھِ تے پاکستان اپنڑیں پیراں تے وی کھڑا ھِ کوئی وی آپشن بشمول آئی ایم ایف دے ایں کوں مسترد نی کیتا ونج سکدا پاکستان دی بہتری کیتے ہر آپشن دی طرف ونجنڑاں ہوسی ، معاشی طور تے پاکستان کوڑا گھوٹ پی سکدا ھِ لیکن قومی سلامتی تے کوئی سمجھوتہ نا کیتا ویسی انہاں آکھیا کہ پاکستان کیتے جو آپریشن بہترین ہویا ایں کوں اختیار کریسوں۔

اسد عمر دا آکھن ھا کہ چینی سفیر سمیت دیگر سفیراں نال ملاقات تھئی ، انہاں آکھیا کہ زیادہ گھبراوݨ دی لوڑ کینی ، معاشی بحران دا قلیل المدتی حل کݙھ گھیدا ویسی۔ اصل گالھ اے ھِ کہ ایجھی اصلاحات کرنا ہوسن کہ ہر چار سال بعد آئی ایم ایف دے کول نا ونجنڑاں پوسی انہاں آکھیا کہ جئیں ویلے تک اداریاں کوں ٹھیک کر تے شفاف انداز نال چلایا نا ویسی ملک قرضیاں توں باہر نی نکل سکدا، انہاں آکھیا کہ عمران خان پولیس کوں ٹھیک کر سکدا ھِ تاں کوئی ایہو جیا ادارہ نی جیئں کوں ٹھیک نا کیتا ونج سکے انہاں آکھیا کہ ایف بی آر دی لیڈر شپ ایہو جئی باصلاحیت ھ تے پاکستان ءچ ایہو جئے افسر موجود ھن جو سائیڈ لائن تھئی ویندن ایہو جئے بندیاں دی تقرری دے حوالے نال نتائج بہوں جلد سمانڑیں آ ویسن اتنے وݙے قومی چلینج نال نمٹݨ کیتے ھک سیاسی جماعت تے ھک فرد دے کول اتنی صلاحیت کینی جئیں ویلے تک اساں بحیثیت قوم ایندا مقابل ناکریسوں کامیاب نی تھئی سکدے ایں حوالے نال اساں ݙو کونسلز بنڑیسوں، اے اکنامک کونسل تے بزنس ایڈوائزری کونسلز ہوسن ایندے ءچ حکومت تے نجی شعبے دے باصلاحیت بندیاں کوں شامل کیتا ویسی تاکہ مسئلے کوں ختم کیتا ونج سکے۔

اسلام آباد (سرائیکی نیوز) قومی اسمبلی دی نشست این اے ١٣ مانسہرہ توں نو منتخب رکن قومی اسمبلی صالح محمد نے پاکستان تحریک انصاف پی ٹی آئی ءچ شمولیت اختیار کر گھیدی ھِ صالح محمد نے چیئرمین عمران خان نال ملاقات کیتی تے دوران پی ٹی آئی ءچ شمولیت دا باضابہ اعلان کیتا۔

نجی ٹی وی جیو نیوز دے مطابق ملاقات دے دوران سینئر مرکزی رہنما جہانگیر ترین ، سینیٹر اعظم سواتی تے پرویز خٹک وی موجود ھن صالح محمد نے تحریک انصاف دی قیادت تے منشور تے مکمل اعتماد دا اظہار کریندے ہووے شمولیت دی تصدیق کیتی ۔ صالح محمد خان نے آکھیا کہ امید ھِ کہ زیادہ تر آزاد امیدوار تحریک انصاف وی شامل ہوسن۔ خیال رھاوے کہ الیکشن کمیشن دی طرفوں فراہم کردہ نتائج دے مطابق تحریک انصاف قومی اسمبلی دی ٢٧٢ توں ١١٦ نشستیں حاصل کر چکی ھِ تاہم ایں کوں حکومت بنڑاوݨ کیتے ١٣٧ نشستاں درکار ھن ۔ مطلوبہ نشستاں پوری کرݨ دے حوالے نال آزاد امیدوار دا کردار انتہائی اہمیت اختیار کر گئیا ھِ

اسلام آباد(سرائیکی نیوز) پاکستان ءچ عام انتخابات ءچ دھاندلی دے الزامات تے متحدہ مجلس عمل نے اج اسلام آباد ءچ آل پارٹیز کانفرنس طلب کر رکھی ھِ تاہم پی ٹی آئی دے ایم کیو ایم پاکستان نال رابطے دے بعد رہنما ایم کیو ایم پی سی ءچ شرکت نا کریسی ۔ تفصیل دے مطابق عام انتابات ءچ ابتر نتائج دا سامنڑاں کرݨ دے عبد مسلم لیگ ن نے جمعہ کوں اسلام آباد ءچ طلب کیتی گئی متحدہ مجلس عمل دی آل پارٹیز کانفرنس ءچ شرکت کرݨ دا اعلان کر ݙیتا مسلم لیگ ن تے ایم ایم اے انتخابی نتائج مسترد کر چکی ھِ اے پی سی ءچ پی ٹی آئی دے علاوہ تمام سیاسی پارٹیاں دے سربراہان کوں شرکت دا آکھا گئیا ھا، میڈیا رپورٹس دے مطابق ایم کیو ایم پاکستان دے فاروق ستار تے کنور نوید اے پی سی ءچ شرکت کیتے اسلام آباد وی پھج گئے لیکن پاکستان تحریک انصاف دے رہنماء جہانگیر ترین نے انہاں نال ٹیلی فونک رابطہ کیتا جیندے بعد انہاں نے آل پارٹیز کانفرنس ءچ شرکت نا کرݨ دا فیصلہ کر گھیدا

اسلام آباد(سرائیکی نیوز) پاکستان ءچ تعینات سعودی سفیر نواف سعید بن المالکی نے پاکستان تحریک انصاف دے چیئرمین عمران خان نال بی گالہ ءچ ملاقات کیتی تے انتخابات ٢٠١٨ ءچ پی ٹی آئی دی کامیابی تے سعودی فرمانوا دی طرفوں مبارکباد تے تہنیتی پیغام پھجایا۔ ملاقات دے بعد جاری تھیون والے اعلامیہ ءچ ڈسایا گئیا کہ سعودی سفیر نواف سعید بن المالک نے پاکستان ءچ انتخابی عمل دی تکمیل تے مسرت تے اطمینان دا اظہار کیتا ھِ آکھیا ھِ کہ چیئرمین تحریک انصاف دا خطاب نہایت مثبت تے جامع ھا جبکہ عمران خان نے سعودی عرب بارے خیالات تے جذبات کو او قدر دی نگاہ نال ݙیکھدے ھن ۔ سعودی سفیر نے آکھیا کہ سعودی ولی عہد اقتدار دی منتقلی دے بعد پاکستان دا دورہ کریسن تے اپنڑیں دورہ دے دوران ݙونہاں ملکاں دے تعلقات دے حوالے نال ھک نویں دور دی بنیاد رکھسن، پاکستان تحریک انصاف دے چیئرمین عمران خان نے آکھیا کہ سعودی عرب برادر اسلامی ملک تے پاکستان کا با اعتماد دوست ھِ تے اساݙی خارجہ پالیسی ءچ خاص مقام حاصل ھِ عمران خان نے سعودی سفیر دی تھیون والی یں ملاقات ءچ جہانگیر خان ترین ، فواد حسین چوہدری ، نعیم الحق سمیت تحریک انصاف دے دیگر رہنما وی شریک ھن

اسلام آباد(سرائیکی نیوز) پاکستان تحریک انصاف دے چیئرمین عمران خان نال سعودی فرمانروا دا پیٹام پھجایا، عمران خان نے پاکستان تے سعودی عرب نال تعلقات کوں مزید مضبوط بنڑاوݨ دے عزم دا اعادہ کیتا۔

نجی ٹی وی دنیا نیوز دے مابق سعودی سفیر نے عمران خان نال ملاات کیتی تے عام انتخابات ءچ برتری حاصل کرݨ تے مبارکباد ݙیندے ہووے سعودی فرمانروا دا پیغام وی پھجایا ، ملاقات دے دوران عمران خان نے آکھیا کہ خطے ءچ سعودی عرب دا کردار اہمیت دا حامل ھِ تے پاکستان سعودی عرب دے نال تعلقات کوں بہوں اہمیت ݙیندا ھِ سعودی عرب دے نال تعلقات مضبوط بنڑیسوں

اسلام آباد(سرائیکی نیوز) دنیا بھر دے ممالک دی معیشتاں دی درجہ بندی کرݨ والے ادارے موݙیز دے مطابق پی ٹی آئی دیگر چھوٹی جماعتاں تے آزاد امیدواراں دے نال مل تے حکومت بنڑیسی ، موڈیز دے مطابق پاکستان دی بیرونی ادائیگاں دی صورتحال دا وݙا چیلنج ھِ تے مسئلہ دا ممکنہ حل مانیٹری تے فسکل پالیسی کوں سخت کرݨ ءچ ھِ ٹیکس آمدنی دا سوید نا ہووݨ گورننس بہتر بنڑاوݨ تے کرپشن دا خاتمہ کرݨ والی حکومت کیتے وݙا چیلنج ہوسی ایندے علاوہ عالمی مسابقت نا ہوݨ کمزور ادارے گورننس دی خامی تے کرپشن ھن تے پی ٹی آئی نے ٹیکس گھٹ کرݨ تے توانائی دی قیمتاں گھٹ کرݨ دے وعدے کیتے ھن جبکہ انہاں تمام مسئلہ دا ممکنہ حل مانیٹری ت مالیاتی پالیسی کوں سخت کرݨ ءچ ھِ موݙیز دا مزید آکھݨ ھا کہ سی پیک توں بجلی دی ترسیل تے انفرا سٹرکچر بہتر تھئے لیکن روپے دی قدر ءچ کمی تھئی سکدی ھِ جئیں وجہہ نال ادائیگیاں دی فنانسنگ کیتے آئی ایم ایف پروگرام ءچ ونجنڑاں ہوسی۔

اسلام آباد(سرائیکی نیوز) عام انتخابات ٢٠١٨ دے کامیابی انعقاد دے بعد یبن الاقوامی جریدے بلوم برگ نے پاکستان کوں در پیش مسائل توں متعلق رپورٹ جاری کر ݙیتی ، بلوم برگ دی رپورٹ دے مطابق پاکستان ءچ معاشی مسائل عمران خان دا انٹطار کریندے پئن تے نویں حکومت کوں فوری طور تے ١٠ توں ١٥ ارب دی ضرورت پوسی کیونکہ نویں حکومت کوں ڈھاندے ہووے زر مبادلہ دے ذخائر کوں سہارا ݙیونڑاں ہوسی ، بلوم برگ دا مزید آکھݨ ھا کہ پاکستان کیتے آئی ایم ایف توں مزید قرض گھݨ مشکل مرحلہ ہوسی تے آئی ایم ایف نویں شرائظ وی عاد کر سکدا ھِ جبکہ آئی ایم ایف اپنڑیں اصلاحاتی ایجنڈے تے عمل درآمد کرویسی جیندے نال نجکاری تے ٹیکس نیٹ ءچ اضافہ دا امکان پیدا تھئی ویسی ۔ ایں موقع تے حکومت تے اپوزیشن کوں فوری طور تے دشوری دا سامنڑاں کرݨ کیتے متحد تھیونڑاں چاھیدہ ھِ ۔ بین الاقوامی جریدے دا مزید آکھݨ ھا کہ سابق کرکٹ اسٹار دی پارٹی نے بدھ دے انتخاب دے بعد فتح دا دعوی کیتا ھِ تے ابتدائی نتائج دے مطابق انہاں کول سب توں زیادہ ووٹ ھن، عمران نے ھک ٹی وی نال خطاب کریندے ہووے آکھیا کہ او غریباں دی زندگیاں کوں بہتر بنڑاوݨ تے فساد توں لڑݨ تے توجہ مرکوز کریسن تے اگلے روز کے ایس ایس ایس ١٠٠ انڈیکس ءچ ١ٌ٨ فیصد اضافہ تھیا تے ڈالر دے خلاف روپیہ وہ بہتر تھئے ۔

اسلام آباد(سرائیکی نیوز) وارسا رپورٹ دے مطابق چشمہ جھیل ءچ پانڑیں دا ذخرہ ھک لکھ ٢٥ ھزار ایکڑ فٹ ، منگلا ݙیم ءچ پانڑی دا قابل استعمال ذخیرہ ١٥ لکھ ٢٩ ھزار ایکڑ فٹ جبکہ تربیلا ݙیم ءچ قابل استعمال پانڑیں دا ذخیرہ ٣٥ لکھ ٨٨ ہزار ایکڑ فٹ ھِ ارسار دا اپنڑی رپورٹ ءچ آکھݨ ھا کہ دریاواں ءچ پانڑی دی آمد ٥ لکھ ٩ ھزار ٦٠٠ کیوسک جبکہ ݙیماں توں پانڑیں دا اخراج ٢ لکھ ٦٥ ہزار ٤٠٠ کیوسک ریکارڈ کیتا گئیا ھِ ایں طرح ٹیماں ءچ قابل استعمال پانڑیں دا ذخیرہ ٥٢ لکھ ٦٢ ہزار ایکڑ فٹ تک پھج گئیا ھِ

اسلام آباد(سرائیکی نیوز) پاکستان تحریک انصاف دے چیئرمین عمران خان نے وفاق تے صوبیاں نے وفاق تے صوبیاں ءچ حکومت سازی کیتے کمیٹیاں تشکیل ݙیون دا فیصلہ کر گھیدا ھِ سرائیکی نیوز دے مطابق انتخابات ءچ واضح کامیابی حاصل کرݨ دے بعد چیئرمین پی ٹی آئی عمران خان نے وفاقی تے صوبائی حکومت سازی کیتے کمیٹیاں تشکیل ݙیون دا فیصلہ کیتا ھِ کمیٹیاں دی سفارشات دی روشنی ءچ حکومت سازی دا عمل مکمل کیا ویسی۔ ذرائع دا آکھݨ ھِ کہ کمیٹیاں کیتے ناواں دی نامزدگی چیئرمین پی ٹی آئی آج بنی گاہ ءچ تھیون والے اجلاس ءچ کریسن۔ اے کمیٹیاں آزاد امیداوراں دے نال رابطہ دی وی مجاز ہوسی۔

اسلام آباد(سرائیکی نیوز) پاکستان دی تاریخ دے اہم ترین الیکشن دا انقاد گزرن روز ٢٥ جولائی کوں تھئی جیندے ءچ پاکستانی عوام حق رائے دہی دا استعمال کیتا تے ھن تک دے غیر سرکاری نتائج دے مطابق تحریک انصاف نے واضح برتری حاصل کر گھیدی ھِ ایں موقع تے عمران خان دی سابقہ اہلیہ دے بھیرا زیک گولڈ سمتھ نے وی پاکستانیاں کیتے پیغام بھیجا ھِ

مایکرو بلاگنگ ویب سائٹ تے زیک گولڈ سمتھ نے پاکستان ءچ سب توں زیادہ مشہور نعرہ پاکستان زندہ باد پوسٹ کیتا ایں تے تحریک انصاف دے کارکنان نے اپنڑیں جذبات دا اظہار وی کیتا ، ھک شہری آکھیا جیتے رھو عمران خان

اسلام آباد(سرائیکی نیوز) پاکستان تحریک انصاف دے رہنماء نعیم الحق نے آکھیا ھِ کہ عمران خان اج ڈوپہاراں ٢ وجے خطاب کریسن تے جشن منایا ویسی۔ نعیم الحق نے سماجی رابطیاں دے ویب سائٹ تے ٹویٹر تے جاری اپنڑیں پیغام ءچ آکھیا کہ عمران خان ٢٠١٨ء دے انتخابات ءچ پاکستانی عوام دے بے انتہاء تعاون تے جشن دے موقع تے ڈوپہار ٢ وجے قوم توں خطاب کریسن اے اچھائی تے برائی دے درمیان مقابلہ ھا

اسلام آباد (سرائیکی نیوز) سیکریٹری الیکشن کمیشن بابر یعقوب دا آکھݨ ھا کہ ھک آدھے گھنٹے ءچ نتائج آون شروع تھئی ویسن ، نتائج ءچ تاخیر دی وجہ آر ٹی ایس سسٹم بنڑے جئیں کوں پہلے نا آزمایا گئیا ھا ، تاخیر دی وجہہ کوئی دباو یا گھناونی سازش نا ھائی ۔ نجی ٹی وی چینل نال گالھ مہاڑ کریندے ہووے بابر یعقوب ڈسائے کہ سسٹم بیھے ونجن دی وجہہ توں تمام پریزائیڈنگ افسران کوں نتائج گھن تے خود آر اوز دے کول پھجݨ دی ھدایت کیتی ھِ آر ٹی ایس سسٹم دے بیھ ونجن نال نتائج ءچ تاخیر دا مسئلہ پیدا تھئے ایں نظام کوں پہلی واری آزمایا گئیا ھِ لیکن تمام پریزائڈنگ آفیسر نے آر ٹی ایس سسٹم دے ذریعے جلدی ءچ آر زوز تک نتائج پھجاوݨ دی کوشش کیتی تاں آر ٹی ایس سسٹم بیھ گئیا جیندی وجہہ توں تاخیر دا سامنڑاں تھئیا ۔ انہاں آکھیا کہ اگر ایں سسٹم کوں استعمال نا کیتا ویندا تاں ول اعتراضات چاوݨ ٹھیک ھا، انہاں آکھیا کہ ھن پرایزائیڈنگ افسران خود آر اوز دے کونل نتائج گھن تے ونجݨ شروع تھئی گئے ھن تے او ھک ادھا گھنٹے تک نتائج ملݨ شروع تھئی ویسن۔

اسلام آباد(سرائیکی نیوز) تجزیہ کار سہیل وڑائچ نے آکھیا کہ الیکشن 2018 دا وفا بریک تھرو پوٹھوہار دا مسلم لیگ ن دے ہتھ توں نکل ونجݨ ھِ نجی ٹی وی دی خصوصی ٹرانسمیشن ءچ گالھ مہاڑ کریندے ہوون انہاں آکھیا کہ ن لیگ پوٹھوھار دے خطے توں کوئی سیٹ وی حاسل نا کر سکی پھوٹوھار دی قومی اسمبلی ءچ گیارہ سیٹیاں توں ٩ سیٹاں تے تحریک انصاف کوں برتری حاصل ھِ جبکہ ھک سیٹ شیخ رشید کول ھِ تے او وی تحریک انصاف دے نال ھن جبکہ ھک سیٹ چودھری پرویز الی دی ھِ جئیں کوں تحریک انصاف دی حمایت حاصل ھِ انہاں آکھیا کہ ٣٠ سالاں ءچ اے پہلی واری تھئے کہ اے علاقے مسم لیگ ن دے ہتھوں نکل گئن جیتھاں مسلم لیگ ن دی وݙی مضبوط پوزیشن ہوندی ھائی انہاں آکھیا کہ کے پی کے دا اثر پوٹھوہار تے نمایاں نظر آندا پئے

اسلام آباد(سرائیکی نیوز) پشاور موڑ دے نیڑے ہفتہ وار بازار ءچ بھا لگݨ ال سیکڑاں دکاناں سڑھ گئیاں ۔ اسلام آباد ءچ پشاور موڑ دے نیڑے واقع ہفتہ وار بازار ءچ اچانک بھا لگ گئی جیئ نے ݙیکھدے ھی ݙیکھدے سیکنڑاں دکاناں کوں لپیٹ ءچ گھن گھیدا بھا مسماون کیتے سی ڈی اے دے فائر ٹینڈرز دے علاوہ پاک بحریہ تے راوالپنڈی انتظامیہ نے وی مدد کیتی تے کئی گھنٹیاں دے جدوجہد دے بعد بھا تے قابو پا گھیدا گئیا

سی ݙی اے حکام دا آکھݨ ھا کہ بھا لگݨ دی وجوھات دا تعین ھن تک نی کیتا ونج سکا، آج ہفتہ وار بازار بند ھا ایں کیتے فی الحال کہیں قسم دے جانی نقصان دی اطلاع نی ملی بھا تے قابو پا گھیدا گئیا ھِ تے ھن کولنگ دا عمل جاری ھِ

اسلام آباد(سرائیی نیوز) پاکستان پیپلز پارٹی دے چیئرمین بلاول بھٹو زرداری نے آکھیا ھِ کہ پاکستان تحریک انصاف پی ٹی آئی دے چیئرمین عمران کان دی غلط فہمی ھِ کہ او سازشاں کر تے وزیر اعظم بݨ سکدے ھن لیکن او انہاں سازشاں ءچ کامیاب نا تھیسن۔ لالہ موسی ءچ صحافیاں نال گالھ مہاڑ کریندے ہووے بلاول بھٹو زرداری دا آکھݨ ھا کہ عمران خان صاف تے شفاف انتخابات توں ڈردے ھن تے ایندے واسطے کٹھ پتلی اتحاد بنڑاوݨ دیاں کوششاں جاری ھن۔ بلاول زرداری دا آکھݨ ھا کہ اگر عمران خان معروف تھئے یا سیاست ءچ جگہ رکھیندے تاں ول کیوں انہاں کوں اتنی اہمیت ݙیتی ویندی ، عمران خان تے شفاف انتخابات توں ایں واسطے ڈردے ھن کیونکہ او جانڑدے ھن کہ او ایں طرح مقابلہ نی کر سکدے انہاں دا آکھݨ ھا مندے گالھیں تے نفرتاں دی سیاست کر تے مختصر وقت ءچ شاید فائدہ مل ونجے لیکن ایں نال معاشرے تے نوجواناں کیتے طویل مدت ءچ بہوں نقصان پھجسی انہاں آکھیا کہ پاکستان دے عوام اپنڑی خواھش دے مطابق جیکوں چاھوں ووٹ ݙیون تے اساں کوں امید ھِ کہ اساں انہاں تمام سازشاں کوں شکست ݙیسوں۔

اسلام آباد(سرائیکی نیوز) ارسا نے آکھیا ھِ کہ برف پھگلݨ دے نال پانڑی دے ذخیرے ءچ اضافہ تھئیا ھِ تے بہتری آئی ھِ جیندے نال پانڑیں دا ذخیری ٨ توں ١٥ ایکڑ فٹ تک پھج چکا ھِ ارسا دے مطابق تربیلا ݙیم ءچ پانڑی دی سطح ءچ اضافہ تھیا ھِ تے ھک ھی روز ءچ پانڑی دی سطح ٧ فٹ تک ودھ گئی ھِ جیندے بعد تربیلا ݙیم ءچ پانڑی دی سطح ١٤٢٠ فٹ تک پھج گئی ، ارسا دا مزید آکھݨ ھا کہ ٤ روز ءچ تربیلا ݙیم ءچ پانڑی دی سطح ٣٢ فٹ ودھ گئی تے برف پگلھݨ نال پانڑی دے ذخیرے ءچ مزید اضافی جاری ھِ

اسلام آباد(سرائیکی نیوز،١٦ جولائی) اسلام آباد ءچ نیشنل ڈیزاسٹر رسک منیجمنٹ فنڈز دی لانچنگ تقریب تھئی جیندے ءچ نگران وفاقی وزیر خزانہ ڈاکٹر شمشاد اختر تقریب دی مہمان خصوصی ھن وفاقی وزیر خزانہ ڈاکٹر شمشاد اختر دا نیشنل ڈیزاسٹر رسک منیجمنٹ فنڈ تقریب توں خطاب کریندے ہووے آکھیا ھا کہ موسمیاتی تبدیلیاں ءچ بہوں پچیدہ تھیندی ویندی ھِ تے قدرتی آفات دے نقصانات کم توں کم کرݨ کیتے اساں اپنڑیں آپ کوں تیار کرنا ھِ انہاں دا مزید آکھݨ ھا کہ قیمتی جاناں تے مال دی حفاظ کیتے ڈیزاسٹر رسک منیجمنٹ بہوں اہمیت دی حامل ھِ تے ایشیائی ترقیاتی بینک نیشنل ڈیزاسٹر رسک منیجمنٹ فنڈ ءچ 2030 تک ھک ارب ڈالر فراہم کریسی۔

اسلام آباد(سرائیکی نیوز، ١٦ جولائی)چیف جسٹس میاں ثاقب نثار نے حکومت کوں آکھیا ھِ کہ ڈیم دی تمعیرات کیتے واٹر پراسسنگ دے ذریعے ٢٥ فیصد رقم عوام توں وصول کر سکدے ھیں، انگریزی جریدے ڈان نے میٹنگ نٹس دے حوالے نال ڈسایا کہ وزارت پانڑیں ، توانائی ، قانون، ماحولیات تے کابینہ دے ارکان مارہرین تے تیکنیکی ایجنسیاں و صوبائی حکومتاں دے نمائندگان تے مشتمل اجلاس ءچ چیف جسٹس ثاقب نثار نے واضح کیتا کہ ݙیم دی تعمیرات کیتے رقم کٹھی کرم کیتے واٹر پراسسنگ دے نظام ءچ بہتری گھن تے آئی ویسی۔ چیف جسٹس دی زیر صدارت تھیون والے اجلاس ءچ لا اینڈ جسٹس کمیشن آف پاکستان ایل جے سی پی دے اعلی حکام سمیت انڈس ریور سسٹم اتھارٹی ، نیشنل سروس پاکستان، واٹر اینڈ پاور ڈویلپمنٹ اتھارٹی (واپڈا ) تے انڈس واٹر کمیشن سمیت نجی اداریاں دے ماہرین نے شرکت کیتی۔ پلاننگ کمیشن نے اجلاس ءچ ڈسایا کہ سابق مسلم لیگ ن دی حکومت نے نیشنل واٹر پالیسی دی منظوری ݙے ݙیتی جیندے ءچ 30 توں 40 مقامات دی نشاندھی کیتی جیتھاں فوری کام دی لوڑ ھِ تاہم تکمیل ءچ 5 سا درکار ھن تے ڈسایا کہ پاکستان اپنڑیں محدود آبی وسائل ھن جبکہ ضرورت دا سارا پانڑیں ہمسائی ملک توں آندا ھِ حکام دا آکھݨ ھا کہ پانڑی دا ضائع تے ݙیم تعمیر نا کرݨ تے پاکستان ورلڈ بینک تے عالمی عدالتاں ءچ اپنڑیں حقوق دے حصول ءچ ناکام رھا ھِ ایں موقع تے چیف جسٹس نے آکھیا کہ ملک ءچ پانڑی دی کمی خطر ناک حد تک پھج چکی ھِ پانڑیں دی عدم موجودگی نال شہریاں دی زندگی خطرے ءچ ھِ متعلقہ اداریاں دے ذمہ داران نے اپنڑیں فرائض دی انجام دہی ءچ کوتائی برتی جیندے نتیجے ءچ انسان حقوق متاثر تھئے تے ایں بنا تے سپریم کورٹ نے معاملے کوں چا رکھا ھِ چیف جسٹس میاں ثاقب نثار نے واضح کیتا کہ تمام ہاوسنگ سوساٹی دے کول اپنڑاں سیوریج نظام ہونڑاں چاھیدا ھِ واضح رھاوے کہ واپڈا دے سابق چیئرمین تے صوبائی وزیر شمس الملک نے آکھیا ھا کہ ݙیم نا ہون دی وجہہ نال ٧٠ ملین ایکڑ فٹ ایم اے ایف پانڑیں سمندر ءچ چلا ویندے تاہم انہاں آکھیا کہ چھوٹے ݙیمز بنڑاں تے پانڑی دی کمی کوں کہیں حد تک پورا کیتا ونج سکدا ھِ لیکن کالا باغ ݙیم دی تعمیر دے بغیر مسئلہ مکمل ختم نا تھیسی ۔ ایل جے سی پی واپڈا تے دیگر افسرا نے چیف جسٹس آف پاکستان کوں ݙسایا کہ کالا باغ ݙیم دی تعمیر ناگزیر ھِ تے ملک ءچ پانڑیں تے بجلی دی کمی صرف مذکورہ ٹیم دی تعمیر دے بعد ہی پوری کیتی ونج سکدی ھِ کالا باغ ݙیم دے سابق ڈائریکٹر ممتاز نے واٹر انڈس کمشنر دی پیشہ وارانہ غفلت تے کرپشن تے کڑی تنقیدی کریندے ہووے چیف جسٹس آف پاکستان نے جوݙیشنل کمیشن توں تحقیقات دا مطالبہ کیتا انہاں الزام لایا کہ انڈس کمیشن ءچ غدار کم کریندے پئے ھن جیندے باعث کالا باغ ݙیم دی تعمیر ممک نی تھئی سکی۔ پاکستان انڈس واٹر دے کمشنر سید مہر علی شان نے آکھیا کہ سیلاب دے بائچ ملک کوں گزشتہ ٦ سال ءچ ١٩ ارب ڈالر دا نقصان تھئی شکا ھِ تے ٩٥٠ توں اب تک مجموعی طور تے ٣٨ ارب ڈالر دا خسارا تھئیا ھِ

اسلام آباد(سرائیکی نیوز) نیشنل کاونٹر ٹیرازم اتھارٹی (نیکٹا) دے سربراہ ڈاکٹر سلیمان احمد نے الیکشن کمیشن آف پاکستان ای سی پی کوں آگاہ کیتا ھِ کہ سیاسی رہنماواں تے انتخابی امیداواران کوں سیکیورٹی خطرات لاحق ھن تے تقریبان تمام وڈیاں سیاسی جماعتاں دے قائدین کوں نشانہ بنڑاے ونجن دا خدشہ ھِ ۔ ذرائع دے مطابق سیاسی قیادت تے امیدار کو لاحق سیکیورٹی خطرات تے ملک دی مجموعی سیکورٹی صورتحال تے الیکشن کمیشن کوں بریفنگ ݙیندے ہوئے نیکٹا دے سربراہ دا آکھݨ ھا کہ دہشت گرداں دی طرفں خود ساختہ دھماکا خیز موائی آئی ای ݙیز تے خود کش حملہ آوراں کوں استعمال یتا ونج سکد۔ بریفنگ دا انعقاد طیف الیکشن کمشنر جسٹس ر سردار محدم رضا دے چیمبر ءچ کیتا گئیا تے ایں الیکشن کمیشن دے سینئر حکام تے دیگر اراکین نے شرکت کیتی

اسلام آباد(سرائیکی نیوز) الیکشن کمیشن نے ملکی تاریخ ءچ پہلی واری انتخابی عملے توں حلف گھنݨ دا فیصلہ کیتا ھِ الیکشن کمیشن نے پولنگ عملے کیتے ہدایات جاری کر ݙیتیاں ھن جیندے مطابق پولنگ شروع تھیون توں قبل پریزائیڈنگ افسران ہر ضلع دے ریٹرننگ افسر توں عہدے دا حلف گھنسن۔ الیکشن کمیشن دے مطابق پریزائیڈنگ افسر پولنگ دے باقی عملے توں حلف گھنسن جبکہ انتخابی عملے کوں پولنگ دے ویلے کم از کم ٢ گھنٹے پہلے پولنگ اسٹیشن تے پھجن دی ہدایت کر ݙیتی گئی ھِ الیکشن کمیشن دا آکھݨ ھا کہ پولنگ عملے کوں امیدار دی طرفوں مالی معاون یا تحفے کوں رشوت تصور کیتا ویسی جبکہ پولنگ عملے تے فرائض دی ادائیگی دے دوران سیاسی رائے دے اظہار تےو پابندی ہوسی۔

اسلام آباد(سرائیکی نیوز، ١٥ جولائی) چیف الیکشن کمشنر جسٹس ریٹائرڈ سردار رضا خان نے آکھیا ھِ کہ عوام امن و امان دی موجودہ صورتحال نال مایوس نا تھیون، انتخابی عمل ھر ھال ءچ جاری رھاسن، صوبائی حکومتاں متعلقہ اداریاں دے نال مل تے عوام تے سیاسی شخصیات دی سیکیورٹی یقینی بنڑاون نیکٹاکوآرڈی نیٹر ڈاکٹر محمد سلیمان خان نے الیکشن کمیشن حکام کوں ملک دی سیاسی شخصیات تے حساس مقامات توں متعلق سکیورٹی خدشات تے بریفنگ ݙیتی، چیف الیکشن کمشنر نے آکھیا کہ امن و امان دی موجودہ صورتحال نال عوام مایوس نا تھیون۔ تمام ادارے باہمی تعاون ، سیاسی جماعتاں تے مقامی انتظامیہ دے نال مل تے نیشن مربوچ کریسن۔ الیکشن کمیشن نے صوبائی حکومتاں کوں ہدایت کیتی کہ متعلقہ اداریاں نال مل تے لائحہ عمل اختیار کیتا ونجے تے نیکٹا الیکشن کمیشن کوں سیکیورٹی توں متعلق تازہ ترین صورتحال توں مسلسل آگاہ کرے

اسلام آباد(سرائیکی نیوز) کالا باغ ڈیم دی تعمیر تے اتفاق نا ہووݨ دی وجہہ تے چیف جسٹس آف پاکستان جسٹس ثاقب نثار نے بھاشا تے مہمند ݙیم فوری تعمیر کرݨ دا حکم ݙیندے ہووے ایندے عطیات ݙیون دی اپیل کیتی ھائی تے رضاکارانہ طور تے خود وی سب توں پہلے ݙھا لکھ روپیہ عطیہ کرݨ دا اعلان کیتا گئیا ایندے بعد باضبہ طور تے اکاونٹ کھلوا تے اے اکاونٹ نمبر پبلک کر ݙیتا گئیا ۔ ٩ جولائی تک ایں ݙیم فنڈ ءچ بمشل ہی بارہ لھ روپے جمع تھئے ھن لیکن گزرن روز پاک فوج تے مختلف دیگر اداریاں دی طرفوں رقم عطیہ کرݨ دے اعلان دے بعد ریکارڈ رقم جمع تھئی گئی ۔ سپریم کورٹ دی ویب سائٹ دے ݙیتے گئے اعداد و شمار دے مطابق سٹیٹ بینک ءچ کھلوائے گئے اکاونٹ میں ھن تک ساڑھے ننانوے لاکھ روپے ہیں تے امکان ھِ کہ آئندہ ماہ دے آغاز ءچ ہی مختلف محکمیاں تے اداریاں دی طرفوں ملازمین دی ھک فو یا حسب اعلان تنخواواں ایں اکاونٹ ءچ منتقل کر ݙیتیاں ویسن۔

ایتھاں اے امر وی قابل ذکر ھِ کہ آبی ماہرین دے مطابق ڈیم بنڑاوݨ کیتے اے رقم نا کافی ھِ ھک ݙیم بنڑاون کیتے کم از کم ٢٠ ارب ڈالر دی رقم درکار ہوسی ، ایں کتے بیرون ملک مقیم پاکستانیاں تے مخیر حضرات کو اپنڑاں حصہ پاونڑاں ہوسی۔

اسلام آباد(سرائیکی نیوز) سپریم کورٹ نے جعلی بینک اکاونٹ کیس ءچ وزارت داخلہ کوں ٢٠ بندیاں دے ناں ایگزٹ کنٹرول لسٹ ای سی ایل ءچ پاون دا حکم ݙے ݙیتے جیندے ءچ سابق صدر آصف علی زرداری تے انہاں دی بھیݨ فریال تالپور دا ناں وی شامل ھِ چیف جسٹس پاکستان جسٹس میاں ثاقب نثار نے جعلی بینک اکاونٹ توں پیسیاں دی منتقلی تے نوٹس دی سماعت کیتی ایں موقعے تے عدالت نے جعلی بینک اکاونٹ رکھݨ والے ٧ بندیاں سمیت ایں توں فائدہ چاوݨ والے ١٣ بندیاں کوں ١٢ جولائی کوں سݙھ گھیدا، سپریم کورٹ دی طرفوں سابق صدر آصف عی زردری ، انہاں دی بھیݨ فریال تالپور، طارق سلطان ، ارم عقیل ، محمد اشرف ، محمد اقبال آرائیں تے دیگر دے نال وی ای سی ایل ءش پاون دے احکامات جاری کیتے گئے ھن۔ عدالت نے آئی جی سندھ کوں تمام بندیاں دی پیشی یقینی بنڑاوݨ دی ہدایت کیتی ھِ کہ عدالت نے اسٹیٹ بینک کوں سمٹ بینک دی جمع کرائی گئی ٧ ارب روپے دی ایکویٹی وی روکݨ دا حکم ݙے ݙیتا۔ جعلی بینک اکاونٹ دے ١٣ بینفیشریز ءچ ناصر عبداللہ، انصاری شوگر ملز ، اومنی پولیمئر پیکجز، پاک ایتھنول پرائیویٹ لمیٹڈ چمبڑ شوگر ملز ، ایگرو فارم ٹھٹھہ ، زرداری گروپ ، پارتھیون پرائیویٹ لمیٹڈ ، اے ون انٹرنیشنل ، لکی انٹرنیشنل ، لاجسٹک ٹریڈنگ ، رائل انٹرنیشنل تے عمیر ایسوسی ایٹ شامل ھن