موجودہ حکومت سپریم کورٹ دے وقار، تقدس کوں کم کرݨ دی کوشش کریندی پئی ھِ ، چوہدری شجاعت

لاہور(سرائیکی نیوز۔ کامران مقبول) مسلم لیگ ق دے صدر و سابق وزیر اعظم چودھری شجاعت حسین نے آکھیا ھِ کہ چیف جسٹس ثاقب نثار دا ے آکھن بالکل درس ھِ کہ اساں اپنڑاں کم کریندے پئے ھیں تے حکومت اپنڑاں کم کرے لیکن اے گالھ وی درست ھِ کہ اگر حکومت انسانی حقوق یا آئین یا انہاں ڈونہاں دے خلاف کوئی کم کریندی ھِ تاں سپریم کورٹ کوں اختیار حاصل ھِ کہ او ایں کم کوں کالعدم قرار ݙے ݙیوے۔ انہاں نے اپنڑیں ھک بیان اچ آکھیا کہ امریکہ جئے ملک دا صدر جو اپنڑیں آپ کوں سبھ توں زیادہ مضبوط تے طاقتور آدمی سمجھدا ھِ ڈیتے ہووے احکامات کوں امریکی سپریم کورٹ نے انسانی حقوق دے خلاف سمجھدے ہووے کالعدم قرار ݙیتا ھِ تے ایہو جی بہوں مثالاں امریکی تاریخ اچ موجود ھن ۔ پاکستان اچ حکومت آئین دے حوالے ڈے تے بدگمانیاں پیدا کر تے سپریم کورٹ دے وقار تے تقدس کوں کم کرݨ دی کوششاں کریندی پئی ھِ حالانکہ آئین اچ ھی درج ھِ کہ سپریم کورٹ ھی آئین تی تشریح کریسی۔ جیتھاں تک پارلیمنٹ دا تعلق ھِ پارلیمنٹ آئین کوں تبدیل تاں کر سکدی ھِ لیکن تشریح نی کیونکہ آئین دی تشریح دا اختیار صرف سپریم کورٹ ھی کول ھِ حکومتاں دے کول کینی انہاں آکھیا کہ افسوسناک پہلو اے ھِ کہ موجودہ حکمران جماعت حکومت اچ وی ھِ تے اپوزیشن اچ وی ھِ ایں نے سپریم کورٹ دے خلاف منظم مہم چلا رکھی ھِ چودھری شجاعت حسین نے مزید آکھیا کہ موجودہ حکومت پہلے وی اے آکھیندی رہی ھِ کہ اپنڑاں کم کرو تے اساں کوں اپنڑاں کم کرݨ ڈیو تاں کیا پچھلے پنجھ سال اچ حکومت نے کوئی ایہو جیئا قابل ذکر کارنامہ سر انجام ڈیتا ھِ جئیں تے ایکوں فخر ھِ ؟ سپریم کورٹ نے اگر اپنڑاں ھی کم کرنا ھِ تا ملک دے مفاد دے خلاف کم کرݨ والے تمام عناصر کوں قانون دے دائرے اچ گھن آون وی ایندا فرض اولین ھِ چودھری شجاعت حسین نے آکھیا کہ میڈا چیف جسٹس کوں اے پیغام ھِ کہ او کہیں دی تنقید دی پروا کیتے بغیر اپنڑیں کم کوں جاری رکھن کیونکہ اللی نے انہاں کوں او بلند مرتبہ و مقام عطا کیتے ، جیندے تے ملک دی تقدیر دے فیصلے تھیندن انہاں نے آکھیا کہ میکوں امید ھِ کہ جلدانشاء اللہ انہاں دی ریٹائرمنٹ دے توں پہل کوئی ھک کم ضرور انجام ݙے تے ویسن جیندی وجہہ نال انہاں دا ناں پاکستان دی تاریخ اچ سنہری لفظاں اچ چمکدا رھاسی۔

Similar Posts

Leave a Reply

Your email address will not be published. Required fields are marked *