پاکستانیاں نےھک دم چیف جسٹس دے ݙیم فنڈ ءچ کتنی رقم جمع کروا ݙیتی؟
اسلام آباد(سرائیکی نیوز) کالا باغ ڈیم دی تعمیر تے اتفاق نا ہووݨ دی وجہہ تے چیف جسٹس آف پاکستان جسٹس ثاقب نثار نے بھاشا تے مہمند ݙیم فوری تعمیر کرݨ دا حکم ݙیندے ہووے ایندے عطیات ݙیون دی اپیل کیتی ھائی تے رضاکارانہ طور تے خود وی سب توں پہلے ݙھا لکھ روپیہ عطیہ کرݨ دا اعلان کیتا گئیا ایندے بعد باضبہ طور تے اکاونٹ کھلوا تے اے اکاونٹ نمبر پبلک کر ݙیتا گئیا ۔ ٩ جولائی تک ایں ݙیم فنڈ ءچ بمشل ہی بارہ لھ روپے جمع تھئے ھن لیکن گزرن روز پاک فوج تے مختلف دیگر اداریاں دی طرفوں رقم عطیہ کرݨ دے اعلان دے بعد ریکارڈ رقم جمع تھئی گئی ۔ سپریم کورٹ دی ویب سائٹ دے ݙیتے گئے اعداد و شمار دے مطابق سٹیٹ بینک ءچ کھلوائے گئے اکاونٹ میں ھن تک ساڑھے ننانوے لاکھ روپے ہیں تے امکان ھِ کہ آئندہ ماہ دے آغاز ءچ ہی مختلف محکمیاں تے اداریاں دی طرفوں ملازمین دی ھک فو یا حسب اعلان تنخواواں ایں اکاونٹ ءچ منتقل کر ݙیتیاں ویسن۔
ایتھاں اے امر وی قابل ذکر ھِ کہ آبی ماہرین دے مطابق ڈیم بنڑاوݨ کیتے اے رقم نا کافی ھِ ھک ݙیم بنڑاون کیتے کم از کم ٢٠ ارب ڈالر دی رقم درکار ہوسی ، ایں کتے بیرون ملک مقیم پاکستانیاں تے مخیر حضرات کو اپنڑاں حصہ پاونڑاں ہوسی۔
