امریکا چین دی نفرت ڊا غصہ پاکستان تے کݙھیندا پئے نگران وزیر خارجہ
حیدر آباد(سرائیکی نیوز) نگراںوزیر خارجہ عبداللہ حسین ھارون دا آکھݨ ھِ کہ چین توں قرض گھنݨ تے امریکا برا من گئے تے ھن چین دا غصہ اساں تے کݙھیندا پئے حیدر آباد ءچ میڈیا نال گالھ مہاڑ کریندے ہووے نگران وزیر خارجہ عبداللہ حسین ہارون دا آکھݨ ھا کہ سابق حکومت نے ویندے ویندے ݙو سو ارب روپے دے چیک دے دستخط کر تے گئی لیکن اساں کوں کجھ نی ملا، پاکستان آئی ایم ایف توں ١٢ ارب ڈالر منگدا پیا ھِ جیندے ءچ ٥٠ فیصد رقم نال آئی ایم ایف دا قرض لھاونڑاں ھِ نگران وزیر کارجہ دا آکھݨ ھا کہ آئی ایم ایف توں منگے ونجن والی رقم دا چین نال کوئی تعلق کینی ، چین توں پیسہ گھنݨ تے امریکا برا منا گئے امریکا دے کول پاکستان کوں ݙیوݨ واسطے پیسے کینی تے بھارت کوں ٩ ارب ڈالر جنگی اخراجات کیتے جاری کر ݙیتے ھن، امریکا چین دا غصہ اساں تے کڈھیندا پئے ، عبداللہ حسین ہارون نے آکھیا کہ پاکستان کوں جنہاں نے کئی سالاں تک استعمال کیتا انہاں دے رویئے نال تکلیف تھیندی ھِ جان و مال دی قربانی دے باوجود دوست آکھݨ ءچ فخر محسوس کرݨ والیاں کوں نطر انداز کریندے پئے ھن اساں امریکا دی لڑای ءچ اپنڑیں ݙو تریھ نسلیاں قربان کیتیاں تے اج اساݙے نال اے سلوک اپنایا ویندا پیا ھِ ، ضیاء دور ءچ روس نال جھیڑا کروا ݙیتا تے لکھاں افغان مہاجرین کوں پاکستان رھاوݨ دی اجازت ݙیتی، اساں ایں نہج تک پھجاوݨ دا تمام تر ذمہ دار امریکا ھِ
