مستونگ سانحہ، اے پی ایس دے بعد خوفناک حملہ، ١٢٩ بندے جاں بحق

کوئٹہ(سرائیکی نیوز۔مظہر اقبال) بلوچستان ضلع مستونگ ءچ بلوچستان عوامی پارٹی (بی اے پی) دے امیدوار دے قافلے ءچ بم دھماکے نال امیدوار میر سراج خان رئیسانی سمیت ١٢٩ بندے جاں بحق تے ٢٠٠ توں ودھ زخمی تھئی گئے نگران صوبائی وزیر دالی آغا عمر بنگلزئی تے سول ڈیفنس ڈائریکٹر اسلم ترین دا آکھݨ ھا کہ حملہ خود کش ھا جیندے ءچ ٨ توں ١٠ کلو گرامی بارودی مواد تے بال بیرنگ استمعال کیتے گئے ھن۔ صوبائی وزیر نے ہلاکتاں دی تعداد توں متعلق تصدیق کریندے ہووئے سرائیکی نیوز کوں ڈسایا کہ اساں دھماکے دے نتیجے ءچ ١٢٩ بندے جاں بحق جبکہ ٢٠٠ توں زائد بندے زخمی تھئے ۔ عماق نیوز ایجنسی دے مطابق حملے دی ذمہ داری دہشت گرد تنظیم دولت اسلامیہ عراق و شام (داعش) نے قبول کر گھیدی ۔ مستونگ ءچ تھیون والا خونریز حملہ ٢٠١٤ ءچ پشاور دے آرمی پبلک اسکول اے پی ایس ءچ تھیوݨ دے بعد اے خوف ناک ترین سانحہ ھِ نگراں صوبائی حکومت نے ݙو روزہ سوگ دا اعلان کیتا۔ صوبائی وزیر صحت فیض کاکڑ نے آکھیا کہ زخمیاں تے جاں بحق تھیون والے بندیاں دی جسد خاکی کوں سول ہسپتال کوئٹہ ، بولان میڈیکل کمپس تے کمبائنڈ ملٹری ہسپتال کوئٹہ منتل کر ݙیتا گئیا ھِ جبکہ ہسپتالاں ءچ ایمرجنسی نافذ کر ݙیتی گئی جبکہ چھٹی دے موقع تے ڈاکٹراں تے طبی عملے کوں واپس سڈھ گھیدے۔ ہسپتال ذرائع دے مطابق ہلاکتاں دی ودھدی ہوٹی تعداد دی وجہہ توں سول ہسپتال کوئٹہ دے مردہ خانے ءچ میتیاں رکھݨ دی جاء گھٹ پئے گئی مردہ خانے دے علاوہ شعبہ حادثات ءچ وی میتیاں رکھیاں ہویاں ھن ۔ سول ہسپتال دے ترجام وسیم بیگ دا آکھݨ ھا کہ ہسپتال ءچ 53 لاشاں تے ٧٣ زخمیاں کوں گھن آیا ھا جیندے ءچ کم از کم ٢٠ دی تعداد تشویش ناک ھِ قبل از سول ہسپتال کوئٹی دے عہدیداراں دا آکھن ھا کہ ضلع مستونگ ءچ تھیون والے دھماکے ءچ ٤٥ بندے جاں بحق تے زخمیاں دی تعداد ٧٠ توں ودھ ھائی تے ایں توں قبل سیکریٹری داخلہ بلوچستان حدیر علی شکوہ دا آکھن ھا کہ دھماکے ءچ نوابزادہ سراج رئیسانی سمیت م از کم ٣٣ بندے جاں بحت تھئے ٥٠ توں زائد زخمی تھئی گئے ۔ اسسٹنٹ کمشنر مستونگ دے مطابق سابق وزیر اعلی بلوچستان اسلام رئیسانی سمیت کم از کم ٣٣ بندے جاں بحت تے ٥٠ توں زائد زخمی تھئے ۔ اسٹنٹ کمشنر مستونگ دے مطابق سابق وزیر اعلی بلوچستان اسلم ریئسانی دے چھوٹے بھیرا تے بی اے پی دے انتخابی امیدوار نوابزادہ سراج رئیسانی اپنڑی انتخابی مہم دے دوران قافلے دے نال درینگڑھ دے علاقے توں گزردے پئے ھن کہ نیڑے ھی زوردار دھماکہ تھیا بعد از ڈی پی او مستونگ نے سراج رئیسانی دے جاں بحق تھیوݨ دی تصدیق کیتی۔ ابتدائی اطلاعات ءچ آکھیا کہ دھماکی ءچ سراج رئیسانی شدید زخمی تھئے ھن تے انہاں دے دیگر زخمیاں دے نال طبی امداد کیتے کوئٹہ منتقل کیتا گئیا خیال رھاوے کہ سراج رئیسانی بلوچستان دے حلقہ پی پی ٣٥ مستونگ توں بی اے پی دے پلیٹ فارم توں انتخابات ءچ حصہ گھیندے رھے ھن