پاکستان ریلوے ڊا عیڊ تے ٥ سپیشل گڈیاں چلاوݨ ڊا اعلان
لاہور(سرائیکی نیوز) پاکستان ریلوے نے مسافراں دی سہولت کیتے عید الاضھی تے ٥ سپیشل ٹریناں چلاوݨ ڊا اعلان کیتا، ٹریناں دا شیڈول چیف ایگزیکٹیو پاکستان ریلوے محمد آفتاب اکبر دی منظوری دے بعد جاری کیتا گئیا ، سرائیکی نیوز دے مطابق شیڈول دے مطابق پہلی سپیشل عید ٹرین ١٩ اگست کوں کراچی توں سویرے ١٠ وجے پشاور کیتے روانی تھیسی ، ݙوجہی ٹرین کوئٹہ توں ١٩ اگست دی سویر ٧ وجے راولپنڈی ویسی ، تریجھی ٢٠ اگست ݙینھ ١١ وجے کراچی کینٹ توں لاہور روانہ تھیسی ، چوتھی سپیشل عید ٹرین ٢١ اگست کوں راوالپنڈی توں سویرے ٧ وجے ملتان کیتے ، پنجھویں ٢٥ اگست کوں ملتان کینٹ توں سویرے ٧ وجے روانہ تھیسی۔
