شام ڊے شہر رقہ ءچ 150 توں 200 لاشاں دی اجتماعی قبر ڊا انکشاف

قامشلی (سرائیکی نیوز۔ این این آئی ) شام ءچ داعش تنظیم ڊے سابقہ گڑھ رقہ شہار ءچ ھک اجتماعی قبر ڊا انکشاف تھیا ھِ جیندے اندر شدت پسنداں تے شہریاں دیاں درجناں لاشاں ملیاں ھن۔ عرب ٹی وی دے مطابق رقہ شہار دی شہری کونسل ءچ تعمیر نو کمیٹی دے سربراہ عبداللہ العریان نے ݙسایا کہ ھن تک اجتماعی قبر توں 50 لاشاں کوں کڈھ گھیدا ھِ قبر ءچ شہریاں تے شدت پسنداں دی 150 توں 200 دے درمیان لاشاں موجود ھن اے اجتماعی قبر ھک ہسپتال دے نیڑے ھک فٹ بال گراونڈ دے تلے واقع ھِ شدت پسند عناصر رقہ دے معرکے ءچ ھزیمت نال ڈو چار تھئے ایں توں قبل ایں ہسپتال ءچ رو پوش تھئی گئے ۔ سال 2017 ءچ شدت پسند تنظیم دے واسطے وڈے دھچکیاں دا سال رھا ، ایں سال داعش دے قبضے توں انہاں علاقیاں دا کنٹرول نکل گیا جیتھاں 2014 ءچ عرات تے شام ءچ ایں نے اپنڑی خلافت دے نظام دا اعلان کیتا ھا ۔

Similar Posts

Leave a Reply

Your email address will not be published. Required fields are marked *