سپیکر ڊا انتخاب تھئی ویسی تاں وزیر اعلی ڊا وی اعلان تھئی ویسی، نامزد سپیکر پنجاب اسمبلی پرویز الہی
لاہور(سرائیکی نیوز۔محمد جمشید) مسلم لیگ ق دے رہنما تے نامزد سپیکر پنجاب اسمبلی چوھدری پرویز الہی نے آکھیا کہ جئیں ویلے سپیکر دا انتخاب تھئی ونجے تاں وزیر اعلی دا وی اعلان تھئی ویسی تے سپیکر تے ݙپٹی سپیکر کیتے انشاء اللہ اساݙے امیدوار کامیاب ہوسن۔
پنجاب اسمبلی آمد دے موقع تے نمائندہ سرائیکی نیوز تے صحافیاں نال گالھ مہاڑ کریندے ہووے مسلم لیگ ق دے رہنما تے نامزد سپیکر پنجاب اسمبلی چوہدری پرویز الہی دا آکھݨ ھا کہ اساں اسمبلی ءچ ١٣، ١٤ سال بعد آندے پئے ھیں اساݙی کوشش ہوسی کہ اساں بہتری دی طرف چلوں، اج تاں اسمبلی دا پہلا ݙینھ ھِ بہوں گالھیاں تھیسین۔ اساں دباو نا گھینسوں تا کجھ نا تھیسی ۔ ھک سوال دے جواب ءچ انہاں نے آکھیا کہ احتجاج دی اے کالی نیلی پٹیاں چلدیاں رھاسن۔ اسمبلی ایں طرح چلسی کہ آپ بھل ویسوں اسمبلی دا ماحول کݙھیں خراب نی تھیونڑاں چاھیدا ۔ میں پہلے وی وزیر بلدیات ، وزیر اعلی تے سپیکر دے ور تے زمہ داری ادا کر چکیا ھاں انہاں دا مزید آکھݨ ھا کہ سپیکر تے ݙپٹی سپیکر کیتے انشاء اللہ اساݙے امیدوار کامیاب ہوسن تے جئیں ویلے سپیکر دا انتخاب تھیسی تاں وزیر اعلی دا اعلان وی تھئی ویسی۔
