جیل ءچ بیٹھے نواز کیتے برطانیہ توں تشویشناک خبر آ گئی، محلے داراں کیا کم کروا ݙیتا ؟
لندن(سرائیکی نیوز) نجی ٹی وی نے دعوی کیتا ھِ کہ ایوان فلڈ لندن دے باہر تھیون والے ھنگامیاں دی وجہہ توں محلے دار تنگ آ چکے ھن انہاں نے شریف خاندان دی علاقہ بدری کیتے عدالت نال رجوع کر گھیدا ، نجی ٹی وی ٩٢ نے دعوی کیتا ھِ ک لندن دی عدالت ءچ شریف خاندان دے ایوان فیلڈ ہاوس دے ھمسائیاں نے درخواست دائر کر ݙیتی ھِ جیندے ءچ موقف بیان کیتا گیا ھِ کہ ایوان فیلڈ ہاوس ءچ پاکستانی سزا یافتہ خاندان رھاندا پئے جیندے تے پاکستانی عدالتاں نے کرپشن تے منی لانڈرنگ دا جرم عاد کیتا ھِ ایوان فیلڈ ہاوس دے نال لنگݨ والے لوگ رات کوں چور چور دیاں آوازاں ݙیندن، درخواست گزار نے استدعا کیتی ھِ کہ مجرم خاندان کوں کڈھا ونجے تاکہ او رات کوں سکون دی نیندر سم سکن۔ خیال رھاوے کہ جئیں ویلے ایوان فیلڈ ریفرنس دا فیصلہ آیا ھِ ایندے بعد شریف خاندان دی رہائش گاہ دے باہروں بھر پور احتجاج ݙیکھݨ ءچ آیا ھِ پی ٹی آئی کارکناں تے پاکستان کمیونٹی دی طرفوں ایوان فیلڈ ہاوس دے باہروں کئی واری ہنگامہ آرائی کیتی گئی ھِ جبکہ لیگی کارکن وی اپنڑیں قائدین دے حق ءچ نعرے بازی کریندے ھن جئیں ڈینھ نواز تے مریم پاکستان کیتے روانہ تھئے ھن ایندے بعد کجھ ھی ݙینھ بعد ھی مریم نواز دے صاحبزادے جنید صفدر تے حسین نواز دے پتر ذکریا حسین دی ھک بندے نال لڑائی وی تھئی جیندے تے ݙونہاںکوں گرفتار کر گھیدا۔
