اسلام آباد(سرائیکی نیوز) وزیر اعظم عمران خان دی زیر صدارت وفاقی کابینہ دا اجلاس اج تھیسی ، وفاقی کابینہ دے طلب کردہ اجلاس کیتے ١٨ نکاتی ایجنڈا جاری کیتا گئیا ھِ میڈیا رپورتس دے مطابق وزیر اعظم دی طرفون طلب کیتے گئے اجلاس ءچ حکومتی اصلاحاتی ایجنڈے ءچ پیش رفت تے بریفنگ ݙیتی ویسی ۔ وفاقی کابینہ دے اجلاس ءچ ایئر بلیو ریگولر پبلک ٹرانسپورٹ لائسنس دے تجدید دی منظوری ایجنڈے ءچ شامل ھِ ای سی سی اجلاس دے ٢٦ فوری دے فیصلے دی توثیق تے پی او ایف بی دے ممبر پروڈکشن کوارڈی نیشن دی تعیناتی وی ایجنڈے دا حصہ ھِ وفاقی کابینہ دے اجلاس ءچ ھیوی انڈسٹریز ٹیکسلا بورڈ ءچ ایم پی سی تعینات کرݨ دے علاوہ پی او ایف بورڈ ءچ ممبر منسٹریل کوآرڈی نیشن دی تعیناتی ایجنڈے دا حصہ ھن

اسلام آباد (سرائیکی نیوز) ٢٠٠٨ ء ءچ امریکا توں ٥٢ بلاک دے جدید ترین ١٨ ایف سولہ طیاریاں دی خریداری دے معاھدے تے دستخط کرݨ والے پاکستان دے سابق ایئر وائس چیف مارشل (ر) شاھد لطیف نے ݙو ٹوک الفاظ ءچ تردید کر ݙیتی ھِ کہ ایں دفاعی معاھدے ءچ بھارت دے حوالے نال کوئی شرچ شامل ھائی نجی اخبار دے مطابق ریٹائرڈ ایئر وائس چیف آف ایئر سٹاف آپریشنز دی حیثیت نال معاھدے تے دستخط کیتے گئے انہاں واضح کیتا کہ پاکستان اپنڑیں دفاع کیتے اپنڑیں ایف سولہ لڑاکا طیارے بھارت سمیت کہیں وی ملک دیخلاف استعمال کر سکدا ھِ اگر آئی ایس پی آر دے ڈائریکٹر جنرل میجر جنرل آصف غفور پہلے ہی واضح کر چکے ھن کہ پاکستان نے بھارت دے نال جاری حالیہ فضاعی مقابلے دے دوران ایف سولہ لڑاکا طیارہ استعمال نی کیتا لیکن امریکا دا آکھݨ ھا کہ اے معلوم کرم دی کوشش ھِ کہ کیتھیں امریکا دے بنڑاؤے ہووئے ایف سولہ طیاراں کوں استمعال کریندے ہووئے تاں بھارتی طیارے نی سٹے گئے کیونکہ اے ممکن طور تے امریکی معاھدے دی خلاف ورزی ھِ

اسلام آباد(سرائیکی نیوز) ڈی جی آئی ایس پی آر میجر جنرل آصف غفور نے سی این این کوں ݙیتے گئے خصوصی انٹرویو ءچ آکھا کہ پاکستان تے بھارت دے درمیان کشیدگی ءچ کمی تھئی ھِ لیکن جنگ دا خطرہ موجود ھِ بھارت نے جارحیت کیتی جیندا اساں جواب ݙیتا تے بھارتی جارحیت دی وجہہ توں ݙونہے ملک جنگ دے نال ھن بھارتی پائلٹ رھا کر تے پاکستان نے امن دا پیغام ݙیتا، انہان آکھیا کہ اے بھارت تے منحصر ھِ کہ کشیدگی کوں گھٹ کرݨ کیتے کیا کریندا ھِ بال بھارت دی کوٹ ءچ ھِ بھارتی جارحیت دا علاقائی امن تے چنگا اثر نا پوسی ، پاکستان نے بھارتی فضائی حدود دی خلاف ورزی نی کیتی بلکہ بھارت نے پاکستان دی فضائی حدود دی خلاف ورزی کیتی ، ڈی جی آئی ایس پی آر دا آکھݨ ھا کہ خطے ءچ کشیدگی گھٹ کرݨ کیتےمسئلہ کشمیر دا حل ضروری ھِ کشمیریاں تے مظالم جاری رہے تا رد عمل وی آسی ، مقبوضہ کشمیر ءچ خواتین دے نال زیادتی کیتی ویندی پئی ھِ بھارت کشمیری جواناں کو بیلٹ گن نال اندھا کریندا پئے ۔ انہاں دا آکھݨ ھا کہ الزامات توں بہتر ھِ کہ بھارت پہلے اپنڑان گھر درست کرے مقبوضہ کشمیر ءچ مظالم میݙا بیان کینی بلکہ اے اقوام متحدہ دی رپورٹ ھِ ڈی جی آئی ایس پی آر دا آکھݨ ھا کہ خطے ءچ کشمیر بنیادی تنازع ھِ تے امن کیتے ایں مسئلے دا حل ضروری ھِ بھارت الزام تراشی دی بجائے مسئلہ کشمیر حل کرݨ تے توجہہ ݙیووے انہاں آکھیا کہ بھارت کشمیریاں کوں چاقت دے ذریعے دباوݨ دی کوشش کریندا پئے

اسلام آباد(سرائیکی نیوز) وزیر اعظم عمران خان دی صدر ایکس سی ایم جی تے چیئرمین ایچ ایس ایس گروپ نال ملاقات کیتی ، وزیر اعظم نے پاکستان ءچ سرمایہ کاری دے مواقعے توں آگاہ کیتا ، ڈونہاں کمپنیاں نے ہاوسنگ سیکتر ءچ ٢ ارب ڈالر دی سرمایہ کاری ءچ دلچسپی دا اظہار کر ݙیتا، میڈیا رپورٹس دے مطابق وزیر اعظم عمران خان نے صدر گلوبل سیلز تے چیئرمین ایچ ایس ایس گروپ دی ملاقات تھئی وزیر اعظم نے پاکستان ءچ سرمایہ کاری دے موقع توں اگاہ کیتا ڈونہاں نے ٢ ارب ڈالر دی سرمایہ کاری ءچ دلچسپی دا اظہار کیتا، وزیر اعظم عمران خان نے آکھیا کہ کاروبار ءچ سہولت تے لاگت ءچ کمی دے اقدامات کیتے ویندے پئن انہاں آکھیا کہ سرمایہ کاراں کوں کاروبار دوست ماحول دی فراہمی ترجیح ھِ وزیر اعظم نے آکھیا کہ ٥٠ لکھ گھراں دی تعمیر دا منصوبہ منسلک صنعتاں کیتے وی موقعے پیدا کریسی۔ ترجمان وزیر اعظم دا آکھݨ ھا کہ کمپنیاں ہاوسنگ تے مینوفیکچرنگ ءچ سرمایہ کاری کریسن، کمپنیان پاکستان ءچ ٢ ارب ڈالر دی سرمایہ کاری کریسن۔

اسلام آباد (سرائیکی نیوز) چیئرمین جوائنٹ چیف آف سٹاف کمیٹی جنرل زبیر محمود حیات د ایئر ھیڈ کوارٹرز دا دورہ کیتا ھِ تے پاک فضائیہ دے سربراہ ایئر چیف مارشل مجاھد انور خان دی ملاقات کیتی۔ نجی ٹی وی دے مطابق چیئرمین جوائنٹ چیف آف سٹاف کمیٹی جنرل زبیر محمود حیات نے ایئر چیف مارشل مجاھد انور خان نال ملاقات کریندے ہووے پاک فضائیہ دی پیشہ ورانہ مہارت دی تعریف کریندے ہوئے آکھیا کہ پاک فضاعیہ ملکی دفاع ءچ ھر اول دستے دی حیثیت رکھیندی ھِ پاک فضائیہ دشمن دے نال حالیہ کشیدگی ءچ قوم دی توقعات تے پوارا لھاندی ھِ پاک فضائیہ دے جواناں کوں خراج تحسین پیش کریندی ہووے جنرل زبیر محمود حیات نے آکھیا کہ قوم کوں اپنڑیں ایں بہادر سپوتاں تے فخر ھِ جنہاں نے دشمن دے مزموم مقاصد کو خاک ءچ ملا ݙیتا ۔ ایں موقع تے ائیر چیف نے چیئرمین جوائنٹ چیفس آف اسٹاف کمیٹی کوں پاک فضائیہ دی آپریشنل تیاریاں دے بارے آگاہ کیتا تے ایں عزم دا اعادہ کیتا کہ پاک فضائیہ کیں وی جارحیت دی صورت ءچ ملکی سالمیت دے دفاع کوں یقینی بنڑیسی۔

اسلام آباد(سرائیکی نیوز) وفاقی وزیر اطلاعات فواد چوہدری دا آکھݨ ھا کہ اگر فیصل واوݙا نے تصویر بنڑائی تاں ایندے ءچ کوئی ایہو جئی گالھ کینی صحافیاں نے وی تصویر بنڑوائی تاں ایندے ءچ قیامت تاں نی آ گئی۔ تفصیل دے مطابق فیصل واوݙا نے تباہ تھیون والے بھارتی طیارے تے کھڑے تھئی تے فوٹو بنڑوائی ھائی تے ایکوں سوشل میڈیا تے شیئر کیتا ھا جیئیں توں متعلق میڈیا ءچ خبر آئی کہ ایندے تے وزیر اعظم عمران خان نے نوٹس گھن گھیدا ھِ تاہم بعد ازاں ترجمان وزیر اعظم دی طرفوں ایہو جئی خبراں دی تردید کر ݙیتی گئی ۔

اسلام آباد(سرائیکی نیوز) امریکا نے پاکستان کیتے نویں ویزا پالیسی ڈسا ݙیتی ھِ جیندے تھت اپکستان دے سفارتی تے سرکاری اہلکاراں دے ویزا مدت ءچ کمی کر ݙیتی ، ویزا مدت پنجھ سال توں گھٹ کر تے ٣ ماہ کر ݙیتی گئی ھِ ، نجی ٹی وی چینل دے مطابق امریکا نے پاکستان واسطے نویں ویزا پالیسی متعارف کروا ݙیتی جیندے تحت پاکستان دے سفارتی تے سرکاری اہکاراں کیتے ویزا مدت ءچ کمی کر ݙیتی ویزا مدت پنجھ سال توں گھٹ کر تے ٣ ماہ کر ݙیتی ھِ

اسلام آباد (سرائیکی نیوز) ترجمان دفتر خارجہ ڈاکٹر محمد فیصل دا آکھݨ ھِ کہ پاکستان کوں اپنڑیں پرچم دے سفید حصے تے وی اتنا ھی فخر ھِ جتنا ساوے تے، ترجمان دفتر خارجہ دیا بیان ایہو جئے موقعے تے سامنڑیں آیا کہ وزیر اطلاعات پنجاب فیاض الحسن چوھان نے ھندوبرادری دے خلاف توھین آمید الفاظ آکھے، ترجمان دفتر خارجہ نے اپنڑیں ٹویٹر بیان ءچ آکھیا کہ پاکستان ھندو برادر دی اقدار تے ملک کیتے خدمات کو تسلیم تے انہاں دی قدر کریدنا ھِ ݙوجہے پاسے ھند برادری دے خلاف توھین آمید الفاظ استعمال کرݨ تے تحریک انصاف نے فیال الحسن چوھان کوں نوٹس وی جاری کر ݙیتا ھِ

اسلام آباد(سرائیکی نیوز) قومی اسمبلی دی قائمہ کمیٹی برائے انسداد منشیات ءچ انکشاف تھیا ھِ کہ پارلیمنٹ لاجز ءچ ارکان اسمبلی دے بال نشہ کریندے ھن قومی اسمبلی دی قائمہ کمیٹی برائے انسداد منشیات دا اجلاس تھیا جیندے ءچ چیئرمین کمیٹی صلاح الدین ایوبی نے انکشاف کیتا کہ پارلیمنٹ لاجز ءچ قومی اسمبلی دے ممبران دے بال نشہ کریندے ھن۔ انہاں دا مزید آکھیا ھا اسلام آباد دے اسکولاں کالجز تے یونیورسٹیاں ءچ نوجوان بال تے بالڑیاں خاموش دہشت گردی دی بھینٹ چڑھدے رھے ھن ، ڈی جی اے این ایف نے چیئرمین کمیٹی کوں ڈسایا کہ وزیر داخہ شہریار افردی نے جو نشے دے عادی طلباء و طالبات دی تعداد ڈسائی ایں توں متفیق کینی ، نشے دے عادی طلباء و طالبات دی تعداد ١۔٨٦ فیصد ھِ تاہم منشیات دے عادی تے منشیات فروشاں دیخلاف کارروائی جاری ھِ چیئرمین کمیٹی دا آکھن ھا کہ اساں منشیات دے اڈے ختم کرنا ہوسن جو منشیات وچیندے رھے ھن انہاں دے خلاف کارروائی تھیونڑی چاھیدی ھِ

اسلام آباد(سرائیکی نیوز) بیرون ملک قیدیاں توں متعلق کیس ءچ سیکرٹری داخلہ سپریم کورٹ ءچ پیش تھئے عدالت نے سیکرٹری داخلہ دی سخت سرزنش کر ݙیتی ۔ عدالت نے ریمارکس ݙیتے ھن کہ بیرون ملک پاکستانیاں دی جیل ءچ ہلاکتاں دی ذمہد ار وزارت داخلہ ھِ ، تفصیل دے مطابق سپریم کورٹ ءچ باھرلے ملک قیدیاں توں متعلق کیس دی سماعت تھئی ، عدالت دے طلب کرݨ تے سیکریٹری داخلہ عدالت ءچ پیش تھئے سپریم کورٹ دی سیکریٹری داخلی دی سرزنس کر ݙیتی ، جسٹس عظمت سعید نے ریمارکس ݙیتے کہ اج تساں کوں توھین عدالت دا نوٹس ݙیندے ھیں وزیر مملک داخلہ شہر یار آفریدی کوں طلب کریندے ھیں

اسلام آباد(سرائیکی نیوز) سپریم کورٹ آف پاکستان دا صابق وزیر اعظم نواز شریف دی درخواست ضمانت جلد سماعت کیتے قمرر کرݨ دی استدعا مسترد کر ݙیتی ، عدالت نے ریمارکس ݙیتے ھن کہ نواز شریف دی درخواست ضامنت کوں واری تے سماعت کیتے مقرر کیتا ویسی۔ تفصیلات دے مطابق سپریم کورٹ آف پاکستان ءچ سابق وزیر اعظم نواز شریف دی درخواست سماعت کیتے مقرر کرݨ دی پٹیشن دی سماعت تھئی ۔ عدالت نے نواز شریف دی درخواست ضمانت جلد سماعت کیتے مقرر کرݨ دی استدعا مسترد کر ݙیتی، عدالت نے ریمارکس ݙیتا کہ نواز شریف دی درخواست ضمانت کوں واری اوݨ تے سماعت واسطے مقرر کیتا ویسی۔ واضح رھاوے کہ نواز شریف ٦ مارچ کوں درخواست ضمانت مقرر کرݨ دی استدعا کیتی ھائی سابق وزیر اعظم نے میڈیکل گراونڈ دی بنا تے درخواست ضمانت دائر کیتی ھائی

اسلام آباد (سرائیکی نیوز) پنجاب دے صوبائی دارالحکومت لاہور توں اسلام آباد تک موٹروے کوں شدید دھند دی وجہہ توں بند کر ݙیتا گئیا ۔ لاہور سمیت مختلف شہاراں ءچ ٢ ڈینھ تک تھیون والی کݨ مݨ دی وجہہ توں سردی تاں ول آئی ھائی دھند دی سفید چادر نے وی پاکستان دے وݙٖ حصے تے پردہ پا ݙیتا، ترجمان موٹر وے پولیس دے مطابق شدید دھند دی وجہہ توں حد نگاہ انتہائی گھٹ تھئی گئی جیندی وجہہ توں لاہور تا اسلام آباد تک موٹر ووے کوں بند کر ݙیتا گئیا ، لاہور توں پنڈی بھٹیاں تے فیصل آباد موٹروے وی بند ھِ

اسلام آباد(سرائیکی نیوز) پاک فضائیہ دے نوجوان دی طرفوں گزرن ماہ ٢٧ فروری کوں فضائی سرحدی حدود دیخلاف ورزی کیتے ونجن تے ٢ بھارتی لڑاکا طیاریاں کوں تباہ کرݨ تے ھک پائلیٹ کوں گرفتار کرݨ دے بعد ڈونہاں ممالک ءچ کشیدگی پیدا تھئی گئی ھائی پاک فضائیہ دے جواناں نے بھارتی لڑاکا طیاریاں کوں تباہ کرم دے عبد بھارتی پائلٹ ابھی نند کوں گرفتار کیتا ھا ، جیندء٢ ڈینھ پاکستان نے اپنڑیں تحویل ءچ رکھا ھا ابھی نندن کوں گرفتار کرݨ دے بعد پاکستانی وزیر اعظم عمران خان دا پارلیمنٹ دے مشترکہ اجلاس ءچ جذبہ خیر سگالی دے تحت آزاد کرݨ دا اعلان کیتا ھا ، وزیر اعظم عمران خان دی طرفون گرفتار بھارتی پائلٹ کوں آزاد کرݨ دے اعلان دے بعد دنیا بھر ءچ انہاں دے امن پھیلاوݨ دے پیغام کوں سراھایا گئیا وزیر اعظم دے اعلان دے بعد گزرن روز شام کوں گرفتار بھارتی پائلٹ ابھی نندن کون واہگہ بارڈر تے بھارتی حکام دے حوالے کر ݙیتا گیا گرفتار بھارتی پائلٹ کوں جذبہ خیر سگالی دے تحت آزاد کرݨ تے خطے ءچ امن پھلاوݨ واسطے وزیر اعظم عمران خان دے فیصلیاں دے بعد سوشل میڈیا تے انہاں کوں امن دا نوبل انعام ݙیون دی مہم شروع کر ݙیتی گئی

اسلام آباد(سرائیکی نیوز) پاکستان دی حدود ءچ بھارتی فضائی حملے دے نتیجے ءچ صنوبر دے درختاں کوں پھجݨ والے نقصان تے پاکستان نے بھارت دیخلاف اقوام متحدہ ءچ ماحولیاتی دہشت گردی دی شکایت درج کرواوݨ دا فیصلہ کر گھیدا، ایں حوالے نال وزیراعظم دے مشیر برائے ماحولیاتی تبدیلی ملک امین اسلم دا آکھم ھا کہ بھارت دی طرفوں حالیہ جارحیت دے نتیجے ءچ ماحول دے تحفظ دے حکومتی منصوبے بلین ٹری سونامی دے تحت لائے گئے درختاں کوں شدید نقصان پھجیا ھِ انہاں آکھیا کہ بین الاقوامی قوانین دے تحت اے کارروائی ماحولیاتی دہشت گردی دے زمرے ءچ آندی ھِ جیندے تحت تھیون والے نقصان دا جائزہ گھن تے پاکستان اشتعال انگیزی دے ایں اقدام دے خلاف اقوام متحدہ سمیت تمام متعلقہ فورمز تے آواز چاسی ، انہاں ڈسایا کہ خیبرپختونخواہ ءچ ارب درخت لاوݨ دے منصوبی دی کامیابی دے بعد حکومت پورے ملک ءچ آئندہ ٥ سالاں ءچ ١٠ ارب درخت لاونڑاں چاھندی ھِ

اسلام آباد(سرائیکی نیوز) سفارتکاری ھک فن ھِ جیندے ذریعے کوئی وی ملک عالمی سطح تے اپنڑیں ملکی مفادات دا تحفظ کریندا ھِ سفارتکاری دے ذریعے ھی دوست ملکاں نال تعلقات مضبوچ بنڑائے ویندن تے دشمن ملکاں دیاں چالاں کوں ناکام بنڑاون کیتے پالیسی بنڑائی ویندی ھِ دنیا دے کہیں ملک کوں سفارتکاری دی ایں طرح لوڑ نی ہوندی جیویں پاکستان کوں بھارت جیئے جارح ہمسیائے ملک دا سامنڑاں کریندے ہووے ضرورت ھِ او آئی سی دے رکن ٥٧ ملکاں دے وزرائے خارجہ دا ابوظہبی ءچ ٢ روزہ اجتماع شروع تھیا جیندےءچ بھارتی وزیر خارجہ سشما سوراج کوں مہمان خصوصی دے طور تے مدعو کیتا گیا ھا ، سشما کوں کانڈھا ݙیدن دی وجہہ پاکستان تے بھارت کوں دعوت نامہ منسوخ کرݨ دا مطالبہ کیتا تے موجودہ پاک بھارت کشیدگی دے تناظر ءچ وزیر خارجہ شاہ محمود قریسی دا آکھݨ ھا کہ پاکستان او آئی سی دے اجتماع ءچ شرکت کینی کریسی ۔ سعودی عرب دے ولی عہد شہزادہ سلمان تے عرب امارت دے سربراہ دا پاکستان دے وزرائے خارجہ دے اجتماع ءچ شرکت دی درخواست کیتی ھِ وزیر اعظم عمران خان دی حکومت نے حالیہ کشیدہ صورتحال ءچ بھارت کوں جیسے کوں تیسا دا جواب ݙے تے دنیا بھر توں پذیرائی حاصل کیتی ھِ ایں بحرانی صورتحال دے دوران جمعے توں ابوظہبی ءچ او آئی سی وزرائے خارجہ دا اجلاس شروع تھیا ، پاکستان دے مطالبے دے باوجود یو اے ای دی حکومت دا بھارتی وزیر خارجہ کوں کانڈھا ݙیوݨ دا فیصلہ منسوخ کرݨ توں معذرت کر گھیدی تے اے موقف اختیار کیتا ھِ کہ دعوت نامی کافی پہلے ݙیتا گئیا ھا جیکوں ھݨ واپس گھنݨ ممکن کینی۔

اسلام آباد(سرائیکی نیوز) سپریم کورٹ ءچ بھریہ ٹاون دے مجاز ڈیلر دے ریکارڈ ءچ اے انکشاف سامنڑیں آیا ھِ کہ ریئل اسٹیٹ کمپنے نے او زمین وی فروخت کر ݙیتی ھِ جو ایندی ملکیت ھی نا ھائی یا جو ملیر ڈیویلپمنٹ اتھارٹی کوں ݙیتی گئی ھائی ، جسٹس شیخ عظمت سعید دی سربراہی ءچ سپریم کورٹ دے تریھ رکنی بینچ نے بحریہ ٹاوݨ توں متعلق کیس دی سماعت کیتی ، انہاں ریمارکس ݙیتے کہ پرزم یا بحریہ کہیں ھک نے کوڑ مارے ، جئیں ویلے اعتبار ھک واری ختم تھئی ویندے تاں ختم تھئی ویندے تساں آکھیسو کہ باہر دھوپ نکلی ھِ تاں میں نا منیساں ایکوں ثابت کرنا ہوسی ۔ انہاں مزیدی آکھیا کہ بحریہ تے پرزم دے ݙیتے گئے نقشیاں ءچ فرق ھِ تساں سمجھدے ھیووے اساں ریکارڈ نی پڑھا، بحریہ دی گالھ من وی گھینوں تاں اے ثابت تھیندے کہ پرزم نے لوگاں نال فراڈ کیتا ھِ جیندے تے وکیل بحریہ ٹاون نے آکھیا کہ نقشے نا ہووݨ دے سبب او ایں ویلے کجھ ڈساوݨ توں قاصر ھن۔ بعد از جسٹس عظمت سعید نے بحریہ ٹاون دے وکیل کوں اپنڑیں موکل دی پوزیش واضح کرݨ کیتے ہفتے تک نقشہ جات تے دیگر متعلقہ دستاویزات پیش کرݨ دی ھدایت ݙیتندے ہووے سماعت ٦ مارچ تک ملتوی کر ݙیتی

اسلام آباد(سرائیکی نیوز) فیڈرل بورڈ آف ریونیو ایف بی آر نے ٣٠ جون ١٠١٨ کوں ختم تھیوݨ والے مالی سال ءچ اراکین قومی اسمبلی و سینیٹ تے چاراں صوبائی اسمبلیاں دے اراکین دی طرفوں جمع کرائے گئے انکم ٹیکس دی تفصیلات تے مشتمل پارلیمنٹرینز دی ٹیکس ڈائریکٹر ٢٠١٧ء جاری کر ݙیتی ھِ جیندے مطابق وزیر اعظم عمران خان ١ لکھ ٣ ہزار تے سابق وزیر اعظم میاں نواز شریف ٢ لکھ ٦٣ ھزار روپے ٹیکس ادا کیتا۔

اراکین قومی اسمبلی ءچ جہانگیر خان ترین 9 کروڑ 73 لاکھ روپے

ٹیکس ادا کر کے سر فہرست جبکہ اراکین سینیٹ میں طلحہ محمود 4 کروڑ 31 لاکھ روپے ٹیکس ادا کر کے سر فہرست رہے۔

سابق وزیر اعلیٰ پنجاب اور قومی اسمبلی میں موجودہ قائد حزب اختلاف شہباز شریف نے 1 کروڑ 2 لاکھ روپے، سابق وزیر اعلیٰ بلوچستان سردار ثنا اللہ زہری نے 1 کروڑ روپے، وزیر اعلیٰ سندھ مراد علی شاہ نے ذاتی اور کاروباری آمدن پر 80 لاکھ 72 ہزار روپے، سابق وزیر اعلیٰ خیبر پختونخوا اور موجودہ وزیر دفاع پرویز خٹک نے 9 لاکھ 29 روپے ٹیکس ادا کیا۔

ٹیکس ڈائریکٹری 2013 کے عام انتخابات کے نتیجہ میں بننے والی اسمبلی اور سینیٹ کے اراکین کی ٹیکس تفصیلات پر مشتمل ہے۔

سابق وزیر اعظم شاہد خاقان عباسی نے ذاتی اور کاروباری آمدن پر 37 لاکھ 89 ہزار روپے، صدر عارف علوی نے ذاتی اور کاروباری آمدن پر 18 لاکھ 6 ہزار روپے، اسفندیار بھنڈارا 2 کروڑ 29 لاکھ روپے، قومی اسمبلی میں سابق قائد حزب اختلاف خورشید شاہ نے 2 لاکھ 56 ہزار روپے، شیخ فیاض الدین 1 کروڑ 40 لاکھ روپے، سہیل منصور خواجہ 28 لاکھ 48 ہزار روپے، پیر محمد امین الحسنات نے ذاتی اور کاروباری آمدن پر 67 لاکھ 47 ہزار روپے، شیخ محمد اکرم نے ذاتی اور کاروباری آمدن پر 50 لاکھ 62 ہزار روپے، اظہر قیوم نہرہ 35 لاکھ 56 ہزار روپے، سردار اویس احمد خان لغاری 4 لاکھ 67 ہزار روپے، سردار محمد جعفر خان لغاری 1 لاکھ 92 ہزار روپے، محمد بلیغ الرحمان نے ذاتی اور کاروباری آمدن پر 87 لاکھ 50 ہزار روپے، میاں امتیاز احمد نے ذاتی اور کاروباری آمدن پر 93 لاکھ 50 ہزار روپے، میر عامر علی خان مگسی نے ذاتی اور کاروباری آمدن پر 17 لاکھ روپے، سید غلام مصطفی شاہ نے ذاتی اور کاروباری آمدن پر 36 لاکھ 43 ہزار روپے، سابق صدر آصف علی زرداری کی ہمشیرہ ڈاکٹر عذرا فضل 4 لاکھ 80 ہزار روپے، بھون داس 32 لاکھ روپے، وزیر ریلوے شیخ رشید احمد 7 لاکھ 26 ہزار روپے ٹیکس ادا کیا۔

لیفٹیننٹ جنرل (ر) عبدالقادر بلوچ 2 لاکھ 99 ہزار روپے، میر عامر علی مگسی 15 لاکھ 53 ہزار روپے، ڈاکٹر شیریں مہر النسا مزاری 15 لاکھ 69 ہزار روپے، بیلم حسنین 14 لاکھ 30 ہزار روپے، فریال تالپور 28 لاکھ 69 ہزار روپے، سید غلام مصطفی شاہ 12 لاکھ 90 ہزار روپے، عبدالستار بچانی 21 لاکھ 63 ہزار روپے، محمد علی راشد 63 لاکھ 55 ہزار روپے، جام کمال 61 لاکھ 54 ہزار روپے، زیب جعفر 26 لاکھ 54 ہزار روپے، چودھری افتخار ناظر 48 لاکھ 64 ہزار روپے، حافظ عبدالکریم 35 لاکھ 57 ہزار روپے، حمزہ شہباز شریف 82 لاکھ 68 ہزار روپے، خواجہ سعد رفیق 52 لاکھ 24 ہزار روپے، سابق وفاقی وزیر منصوبہ بندی احسن اقبال 3 لاکھ 68 ہزار روپے، سردار ایاز صادق 2 لاکھ 89 ہزار روپے، ڈاکٹر فاروق ستار 1 لاکھ 49 ہزار روپے، شفقت محمود 10 لاکھ 95 ہزار روپے، خواجہ محمد آصف 55 لاکھ 61 ہزار روپے، چودھری پرویز الٰہی 21 لاکھ 30 ہزار روپے، اسد عمر 48 لاکھ 49 ہزار روپے، چودھری نثار علی خان 17 لاکھ 23 ہزار روپے، وزیر پٹرولیم غلام سرور خان 13 لاکھ 84 ہزار روپے، شیخ آفتاب احمد 11 لاکھ 63 ہزار روپے، چودھری محمد شہباز بابر 35 لاکھ 53 ہزار روپے، میاں عبدالمنان 10 لاکھ 49 ہزار روپے، آفتاب احمد خان شیرپاؤ نے 17 لاکھ 75 ہزار روپے ٹیکس ادا کیا۔

سینیٹ ارکان میں روزی خان کاکڑ 4 کروڑ 8 لاکھ روپے ٹیکس کے ساتھ دوسرے، فروغ نسیم 2 کروڑ 78 لاکھ روپے کے ساتھ تیسرے نمبر پر رہے، پنجاب سے ممبران میں چودھری اعتزاز احسن 2 کروڑ 58 لاکھ روپے، فاروق ایچ نائیک 1 کروڑ 10 لاکھ روپے، سلیم مانڈوی والا 14 لاکھ 41 ہزار روپے، شیری رحمان 18 لاکھ 48 ہزار روپے، اسحاق ڈار 93 لاکھ 84 ہزار روپے، چودھری تنویر خان 30 لاکھ 39 ہزار روپے، لیفٹیننٹ جنرل (ر) عبدالقیوم 31 لاکھ 82 ہزار روپے، نزہت صادق 17 لاکھ 57 ہزار روپے، سعود مجید 31 لاکھ 96 ہزار روپے، ظہیر الدین بابر اعوان 47 لاکھ 84 ہزار روپے، خیبر پختونخوا کے سینیٹرز میں شاہی سید 24 لاکھ 11 ہزار روپے، نوشین عزیز 15 لاکھ، نعمان عزیز 10 لاکھ، بلوچستان سے اراکین میں سینیٹر تاج محمد آفریدی 2 کروڑ 93 لاکھ روپے، سجاد حسین 49 لاکھ 69 ہزار روپے، عثمان سیف اللہ خان 32 لاکھ 30 ہزار، اشوک کمار 26 لاکھ 9 ہزار روپے ، میر کبیر احمد 19 لاکھ 12 ہزار روپے، میر نعمت اللہ زہری نے 11 لاکھ 76 ہزار روپے انکم ٹیکس ادا کیا۔

اراکین پنجاب اسمبلی میں سابق وزیر اعلیٰ پنجاب اور قومی اسمبلی میں موجودہ قائد حزب اختلاف محمد شہباز شریف نے 1 کروڑ 2 لاکھ روپے، رانا ثنا اللہ خان 12 لاکھ 20 ہزار روپے، چودھری مونس الٰہی 57 لاکھ 37 ہزار روپے، راجہ اشفاق سرور 1 لاکھ 8 ہزار روپے، چودھری سرفراز افضل 53 ہزار روپے، انجینئر قمر الاسلام راجہ نے ذاتی اور کاروباری آمدن پر 4 لاکھ 17 ہزار روپے، راجہ راشد حفیظ نے ذاتی اور کاروباری آمدن پر 16 لاکھ 16 ہزار 5 روپے، شیر علی خان نے ذاتی اور کاروباری آمدن پر 48 لاکھ 16 ہزار روپے، سندھ اسمبلی میں مراد علی شاہ نے 80 لاکھ 72 ہزار روپے ، سید اویس قادر شاہ 1 کروڑ 92 لاکھ روپے، اکرام اللہ خان دھاریجو 12 لاکھ 30 ہزار روپے، علی نواز خان مہر 21 لاکھ 71 ہزار روپے، منظور حسین وسان 1 کروڑ 23 لاکھ روپے، سردار خان چانڈیو 65 لاکھ 50 ہزار روپے، شرجیل انعام میمن 22 لاکھ 11 ہزار روپے، گیانو مال گیان چند 12 لاکھ 19 ہزار روپے، مکیش کمار چاولہ نے 27 لاکھ 37 ہزار روپے ٹیکس ادا کیا۔

16 لاکھ 80 ہزار روپے، سرفراز احمد بگٹی نے 15 لاکھ 90 ہزار روپے انکم ٹیکس ادا کیا۔

خیبر پختونخوا اسمبلی کے اراکینءچ  سردار ظہور احمد نے 1 کروڑ 43 لاکھ روپے

نوابزادہ ولی محمد خان 60 لاکھ 89 ہزار روپے

نور سلیم ملک 1 کروڑ 57 لاکھ روپے

جمشید الدین 27 لاکھ 60 ہزار روپے

فضل شکور خان 37 لاکھ 65 ہزار روپے

سکندر حیات خان نے ذاتی تے کاروباری آمدن تے 14 لاکھ 10 ہزار روپے

اسد قیصر نے ذاتی  تے کاروباری آمدن پر 45 لاکھ 48 ہزار روپے

اکبر ایوب خان 30 لاکھ 54 ہزار روپے

محمد شیراز 19 لاکھ اور امجد آفریدی نے 63 لاکھ 60 ہزار روپے انکم ٹیکس ادا کیتا

وزیر مملکت برائے ریونیو حماد اظہر نے ایف بی آر دے دفتر ءچ ٹیکس پیئرز ڈائریکٹری ٢٠١٧ دی تقریب ءچ سرائیکی نیوز نال گالھ مہاڑ کریندے ہووےِ کہ  آکھیا کہ ھن چیک کیتا ویسی کہ کیں پارلیمنٹیرین نے کتنا ٹیکس ݙیتا تے ایندے اثاثے کتنے ھن؟ قانون دے شکنجے توں ھن کوئی نی بچ سکدا ، لوگاں کوں معلوم تھیونڑاں چاھیدا ھ کہ جنہاں کوں منتخب کیتا او کتنا ٹیکس ݙیندے ھن منی بجٹ آئندہ ہفتے منظور کرا گھیدا ویسی ، منظوری نال آف شور اکاونٹ تے اثاثیاں تے ٹیکس لایا ویسی۔

اسلام آباد(سرائیکی نیوز) وزیر اعظم عمران خان دا پاکستان نے رجسٹرڈ افغانیاں کوں بینک اکاونٹ کھولݨ دی اجازت ݙے ݙیتی ھِ ، وزیر اعظم نے سماجی رابطیاں دی ویب سائٹ ٹویٹر تے جاری اپنڑیں پیغام ءچ آکھا کہ اج افغان مہاجرین کوں بینک اکاونٹ کھولݨ دی اجازت ݙیوݨ دی ھدایت جاری کر ݙیتی ھِ انہاں لکھا کہ رجسٹرڈ افغان مہاجرین کوں بینک اکاونٹ کھولݨ دی اجازت ہوسی۔ افغان مہاجرین ملک دی معیشت ءچچ اپنڑاں کردار ادا کر سکدے ھن انہاں آکھا کہ افغان مہاجرین کوں اے اجازت بہوں پہلے مل ونجنڑی چاھیدی ھائی

اسلام آباد(سرائیکی نیوز) وزیر ریلوے شیخ رشید نے آکھیا ھِ کہ پاکستان تحریک انصاف کوں احتساب دا ووٹ لا لیکن کھیر دی رکھوالی تے بلے کوں بِلھا ڈیتا میڈا مطالبہ ھِ کہ ھن عمران خان چھوٹے چوراں کوں وی رھا کر ڈیوون، وزیر ریلوے شیخ رشید احمد نے آکھیا ھِ کہ وزیر اعظم عمران خان نے شہباز شریف کوں پبلک اکاونٹس کمپنی دا چیئرمین بنڑاں تے غلط فیصلہ کیتا ، پی ٹی آئی کوں احتساب دا ووٹ ملا لیکن کھیر دی رکھوالی تے بلے کوں بلھا ڈیتے ، قومی خزانے تے ڈاکہ مارݨ  والیاں دے سامنڑیں اے حکومت بے بس ھِ میڈا مطالبہ ھِ کہ وزیر اعظم چھوٹے چوراں کوں وی رھایا کرے ھک مقامی ٹی وی چینل دے پروگرام ھاسٹ دے نال گالھ مہاڑ کریندے ہووے شیخ رشید دا آکھݨ ھا کہ وزیر اعظم عمران خان نے میکوں خود ٹیکسٹ کیتا ھِ کہ انہاں نال کوئی ڈیل نی تھئی انہاں دا آکھݨ ھا کہ نواز تے شہباز شریف دے مسئلے نال سعودی عرب تے متحدہ عرب امارات دا کوئی تعلق واسطہ کینی ۔ ھک سوال دا جواب ݙیندے ہووے وزیر ریلوے دا آکھݨ ھا کہ سپیکر دا کم قومی اسمبلی چلاوݨ ھِ پبلک اکاونٹس کمیٹی چلاوݨ کینی ، سپیکر اسمبلی کم از کم ݙو واری ممبر اسمبلی ہونڑاں چاھیدے لیکن سر تسلیم خم ھِ انہاں آکھیا کہ ایجھا تاثر ݙیتا ویندا پیا ھِ کہ جیوین پبلک اکاونٹس کمیٹی ءچ لڑݨ ویندا پیاں ، میں پی اے سی ءچ انہاں دا کچا چٹھا عوام دے سامنڑیں ڈساوݨ ویندا پیا ھاں ۔ انہاں ڈسایا کہ شہباز شریف کوں چیئرمین پی اے سی بنڑاوݨ تے سپریم کورٹ ویندا پیا ھاں ، پروگرام ءچ شیخ رشید نے انکشاف کیتا کہ میں ٧ تاریخ کوں عمران خان نال ملستان تے ٨ تاریخ کوں اہم اعلان کریساں ۔ وزیر اعظم عمران خان کوݨ قوم نے ووٹ ݙیتا ھِ کہ او چوراں توں نجات ڈیویسی۔ چوراں دے بھجݨ تے خاموش رھے تاں عوام وی اساں کوں انہاں دا ساتھ سمجھسی میں کڈھیں خیرات دی سیاست نی کریندا، کڈھیں عوام کوں دھوکا نا ڈیساں، ھک سوال دا جواب ݙیندے ہووے انہاں آکھیا کہ عمران خان انہاں دے بندے نی توڑیندا رھیا ورنہ تے او جاگرز پہنے تیار ھن ۔ پروگرام ءچ گالھ مہاڑ کریندے ہووے شیخ رشید آکھیا کہ رولز پروسیجر دے تحت پبلک اکاونٹس کمیٹی دا چیئرمین بݨ چکا ھاں میڈا مطالبہ ھِ کہ سعد رفیق تے رانا ثناء اللہ کو وی پی اے سی ممبر بنڑاں ڈیتا ونجے گارنٹی ݙیندا ھاں کہ کوئی لڑائی جھگڑا نا تھیسی ۔ قانون تے آئین دی گالھ تھیسی ۔ شہباز شریف دی پی اے سی کانفرنس دے ١٠ منٹ بعد میں کریساں ۔ انہاں دا آکھݨ ھا کہ میڈی والدہ دا انتقال تھئیا میکوں ساڑھے تریھ سال پروڈکشن آرڈر نی ملا، پروڈکشن آرڈر گن تے مندے ݙیندے ھن ول رد عم تے بائیکاٹ کر ویندے رہے ھن۔

اسلام آباد(سرائیکی نیوز) وزیر اعظم عمران خان نے آکھیا ھِ کہ ملکی تاریخ ءچ پہلی واری گربت ختم کرݨ کیتے پروگرام گھن تے آندے پئے ھیں تمام خیراتی اداریاں کوں ھک طھتری تلے جمع کریسوں۔

وزیر اعظم عمران خان نے اسلام آباد ءچ ہیلتھ کارڈ اجراء دی تقریب نال خطاب کریندے ہووے ڈسایا کہ پہلے مرحلے ءچ اسلام آباد تے قبائلی علاقہ جات ءچ ایندا اجراء کیتا ویسی ۔ فاٹا دے تمام قبائلی خانداناں کوں اے کارڈ ڈے ڈیتے ویسن جبکہ ایک مہینے دے اندر اندر پنجاب ءچ ھک کروڑ خانداناں کوں اے کارڈ فراہم کیتے ویسن انہاں دا آکھݨ ھا کہ پہلے مرحلے ءچ ٨ لکھ غریباں دا مفت علاج تھیسی جبکہ مجمعوی طور تے ٩ کروڑ پاکستانی علاج معالجے دی سہولت نال مستفید تھیسن ، ہیلتھ کارڈ دا اجراء خوش آئند ھِ خیبر پختونخواہ ءچ اساں ہیلتھ کارڈ ڈیتے۔ انہاں آکھیا کہ ہیلتھ کارڈ دا اجراء خوش آئند ھِ اگر کوئی بیمار تھیوے تاں گھر دا سارا بجٹ متاثر تھئی ویندے علاج دی وجہہ نال بہوں لوگ غربت ءچ چلے ویندے ھن لیکن ھن اے نا تھیسی ۔ اساݙی ساریاں پالیسیاں غریباں کیتے ہوسن ۔ ہیلتھ کارڈ نال ہر خاندان ٧ لکھ ٢٠ ہزار تک مفت علاج کروا سکدے ۔ ہیلتھ کارڈ نال غربت گھٹ تھیوݨ ءچ مدد ملسی انہاں مزید آکھیا کہ امپورٹ تے ایکسپورٹ ءچ کمی نال روپے دی قدر ٣٥ فیصد ڈھہ گئی ، جبکہ روپیہ ٣٥ فیصد ڈھاوݨ دے نال مہنگائی تاں آونڑی ھائی ، عوام کوں کافی مشکلات دا سامنڑاں کرنا پوندا پئے ۔ لیکن اے مشکلات تھوڑت وقت کیتے ھِ بہوں جلد چنگا وقت آوݨ والا ھِ تے ملک ءچ سرمایہ کار وی آسن۔

اسلام آباد(سرائیکی نیوز) وفاقی دارالحکومت اسلام آباد تے راوالپنڈی ءچ ڈرائیوراں دی ہڑتال دی وجہہ توں میٹرو بس سروس جمعہ دے ڈینھ بند رہی، ڈرائیوراں دی طرفوں بساں کوں سیکریٹریٹ میٹرو سٹیشن ءچ کھڑا کر تے مطالبات مݨ تک نا چلاوݨ دا اعلان کیتا گئیا ھا، ڈرائیوراں نے مطالبہ کیتا ھا کہ انہاں دے اوقات کار ١٢ گھنٹیاں توں گھٹ کر تے ٨ گھنٹے کر ݙیتے ونجن انہاں دیاں تنخواہواں ءچ اضافہ دا وی مطالبہ کیتا گئیا ھِ

ڈرائیوراں دا آکھݨ ھا کہ انہاں کوں تنخواہ دی مد ءچ ٢٥ ھزار روپے ݙیتے ویندے ھن جیندے نال بمشکل زندگی بسر تھیندی ھِ انہاں دے مطابق چھوٹی چھوٹی غلطتیاں تے تنخواہواں ءچ کٹوتی وی تھیندی رھاندی ھِ میٹرو انتظامیہ دی ڈرائیواں دے نال کامیاب مذاکرات دے بعد اج سروس ول توں بحال کر ݙیتی گئی ھِ تاہم ڈرائیوراں نے خبردار کیتا ھِ کہ مطالبات تریھ ڈینھ ءچ نا منے گئے تاں او ول ہڑتال شروع کر ݙیسن۔

اسلام آباد(سرائیکی نیوز) اوگرا دی طرفوں ایل پی جی دی قیمت ءچ فی کلو ٦ روپے دا اضافہ کر ݙیتا گئیا ھِ جیندے بعد گھریلو سیلنڈر دی قیمت ءچ ٦٦ روپے تے کمرشل سلنڈر ءچ ٢٥٠ روپے دا اضافہ تھئی گئیا ھِ اوگرا دا بین الاقوامی قیمت کوں مد نظر رکھیندے ہووے ایل پی جی دی قیمتاں ءچ اضافہ کیتا گیئا ھِ بین الاقوامی مارکیٹ ءچ ایل پی جی دی قیمتاں ءچ ٦٥٠٠ روپے فی ٹن اضافہ تھئیا ھِ تے ٤٣٠ ڈالر توں ودھ تے ٤٦٠ ڈالر فی ٹن تھئی گئی اھِ اوگرا دی طرفوں قیمتاں ءچ اضافہ دا باضابہ نوٹی فیکیش وی جار کر ݙیتا گئی اھِ اوگرا دا ماہ فروری کیتے ایل پی جی دی قیمتاں ءچ ٥ روپے ٥٨ پیسے فی کلو اضافہ کیتا ھِ تے ھن ایل پی جی ١١٥۔٣ دی بجائے ١٢٠۔٨ روپے فی کلو دے حساب ملسی۔ گھریلو سلنڈر ١٣٦١ دی بجائے ١٤٢٨ روپے تے کمرشل سلنڈر ٥٢٤٠ دی بجائے ٥٤٩٣ روپے ءچ دستیاب ہوسن، نوٹی فکیشن دے مطابق ایل پی جی دی پیداواری قیمت ءچ ٤٧٧٦ روپے فی میٹرک ٹن اضافی کر ݙیتا گئیا ھِ گزشتہ ماہ ایل پی جی دی پیداواری قیمت ٥٨ ھزار ٩٦٢ روپے ھائی جو ھن نویں قیمت دے نال ٦٣ ہزار ٧٢٨ روپے ہوسی۔

اسلام آباد(سرائیکی نیوز) ڈائریکٹر جنرل آئی ایس پی آر میجر جنرل آصف غفور آکھیدے ھن کہ پاکستان افغان طالبان تے امریکا دے درمیان مذاکرات ءچ سہولت کار ھا افغان طالبان پاکستان کوں امن توں نی کڈھیندے پئے ، پاکستان دا اہم کردار اہم ھا تے رھاسی اساں طالبان کوں مذاکرات دی میز تے گھن تے آ تے اپنڑاں کم پورا کر ݙیتے، پاک فوج دے ترجمان میجر جنرل آصف غفور دا عرب اخبار کوں انٹرویو ءچ آکھݨ ھا کہ طالبان کوں مذاکرات دی میز تے گھن تے آ تے اپنڑاں کم پورا کر ݙیتا ھِ ھن کیا گالھ مہاڑی تھیندی ھِ کہ عمل کیویں اگوں ودھدا ھِ ایندا انحصار تھیون والی ہر ملاقات دی پیش رفت تے ھِ پاکستان نے مذاکرات کیتے جگہ تے تاریخ دی تجویز نی ڈیتی، ایں عمل ءچ طالبان دے کئی گروپ تے اسٹیک ہولڈرز ھن جنہاں دے نال رابطے ءچ وقت لگدا ھِ انہاں آکھیا کہ امریکی فوج دے انخلاء دے بعد افغانستان ءچ افراتفری نی پھیلنی چاھیدی امریکا کوں افغانستان نال دوستانہ انداز ءچ نکلنا ہوسی، افغانستان دے کول دہشت گرداں دی پناہ گاھواں ختم کرݨ دی صلاحیت کینی ، ڈی جی آئی ایس پی آر آکھیدے ھن کہ بھارت کوں سوچنڑاں چاھیدا ھِ کہ پاکستان ءچ عدم استحکام اوندے کیتے وی چنگا کینی بھارت پاکستان دیخلاف پراکسی استعمال نہ کرے، ھک سوال دے جواب ءچ آصف غفور دا آکھݨ ھا کہ پاکستان ءچ فوجی عدلاتاں تے پارلیمنٹ کوں فیصلہ کرنا ھِ

اسلام آباد (سرائیکی نیوز) حکومت دا اسرائیلی باشنداں کوں پاکستان آمد تے ویزا ملݨ دی خبر کوں بے بنیاد قرار ڈے ݙیتا، وزارت اطلاعات و نشریات نے انڑیں بیان ءچ آکھیا کہ اسرائیلی باشندیاں کیتے ویزے دی کوئی سہولت جاری نی کیتی ویندی پئی، میڈیا تے پریس ءچ نشر تھیون والی خبر غلط تے بے بنیاد ھِ جیندے ءچ اسرائیلی شہریاں کوں پاکستان ہوائی اڈے تے لہاندے ھی ویزا فراہم کرݨ دا آکھیا گئیا ھِ ترجمان نے ݙو ٹوک تے واضح انداز ءش آکھای ھِ پاکستان دے اسرائیل نال سفارتی تعلقات کینی ایں واسطے ویزا سہولیات دا کوئی سوال ہی پیدا نی تھیندا، ترجمان نے اپنریں بیان ءچ اے توقع وی ظاہر کیتی کہ میڈیا تے اخبارات اگلی واری کہیں حساس موضوع تے حکومتی خبر شائر کرݨ توں قبل پاکستان حکومت دے موقف ضرور معلوم کرن

اسلام آباد(سرائیکی نیوز) وزیر اعظم عمران خان ڊا آکھݨ ھِ کہ غیر قانونی کچی آبادیاں تے قبضہ شدہ اراضی کوں خالی کرویندے ہووے ایں گالھ کوں یقینی بنڑایا ونجے کہ غریب لوگاں کوں متبادل رھائش ڈیتی ونجے، سرائیکی نیوز دے مطابق وزیر اعظم عمران خان دی زیر صدارت سرکاری زمیناں تے جائیداداں کوں مناسب طور تے بروئے کار گھن آؤݨ دے حوالے نال وزیر اعظم دفتر ءچ اجلاس تھیا ، اجلاس ءش وزیر دفاع پرویز خٹک ، وزیر اطلاعات چوہدری فواد حسین ، وزیر قانون ڈاکٹر فروغ نسیم ، سیکرٹری ، ہاوسنگ ڈاکٹر عمران زیب خان تے دیگر افسران نے شرکت کیتی، سرکاری املاک دی نشاندھی تے انہاں دے مستقبل کیتے استعمال دے حوالے نال قائم کیتی گئی کمیٹی نے ھن تک دی پیش رفت توں وزیر اعظم کوں آگاہ کیتا تے ڈسایا کہ ھن تک وفاقی حکومت ھک ھزار ٤١٢ املاک دی نشاندھی کتی گئی ھِ جیندے ءچ ١١٢ املاک دی تصدیق تھئی ھِ انہاں دا رقبہ ٤٤ ھزار ٢٥٠ کنال تے مالیت ارباں روپے ھِ بریفنگ ءچ ڈسایا گئیا کہ پنجاب ءچ ھن تک ٤٤٣٥٠ کنال تے مشتمل ٤٣ پراپریٹیز جبکہ خیبر پختونخواہ ءچ ٩١ املکا دی نشاندھی کیتی گئی ھِ اسلام آباد لاہور کراچی ملتان ایبٹ آباد تے بئے وڈے شہاراں ءچ ارباں دی سرکاری املاک کوں استعمال ءچ گن تے نا صرف انہاں دا صھیح استعمال یقینی بنڑایا ونج سکدے بلکہ انہاں کوں کثیر آمدنی دا مستقل ذریعہ بنڑایا ونجن سکدے، وزیر اعظم عمران خان نے وزیر قانون بیرسٹر فروغ نسیم کوں تصدیق شدہ املاک کوں بروئے کار لاوݨ دے حوالے نال قانونی پہلوواں دا جائزہ گھݨ دی ہدایت کریندے ہووئے آکھیا کہ وڈے شہاراں ءچ قائم غیر قانونی کچی آبادیاں تے قبضہ شدہ سرکاری اراضی کوں خالی کریندے ہووے ایں گالھ کوں یقینی بنڑایا ونجے کہ غریباں کوں متبادل تے معیاری رھائش ڈیتی ونجے۔

اسلام آباد(سرائیکی نیوز) وزیر خارجہ شاہ محمود قریسی ہفتہ دے روز کابل دا دورہ کریسن یتھاں او افغان قیادت نال دیر پا امن تے سیاسی مفاہمت دے حوالے نال گالھ مہاڑ کریسن تفصیل دے مطابق گزرن ڈینہوار قومی اسمبلی ءچ اظہار خیال کریندے ہووے وزیر خارجہ شاہ محمود قریشی نے آکھیا کہ افغانستان ءچ امن کیتے سیاسی حل تلاش کرنا ہوسی، افغان مہارین دی تریھ دھائیاں توں میزبان کریندے پئے ھیں افغان مفاہمتی عمل ءچ پیش رفت تھئی ھِ لیکن تمام تر ذمہ داری پاکستان دی نی سٹی ونج سکدی

اسلام آباد(سرائیکی نیوز) وزیر اعظم عمران خان دی زیر صدارت وفاقی کابینہ دا اجلاس تھئیا، ٨ نکاتی ایجنڈے تے گالھ مہاڑ کیتی گئی گلگت بلتستان کوں عبوری صوبہ بنڑاون دے معاملے کوں موخر کر ݙیتا گئیا ، وزیر اعطم عمران کان دی زیر صدارت وفاقی کابینہ الاس ءچ حکومت دی سو ڈینھ دی کارکردگی دا جائزہ گھیدا گئیا وفاقی کابینہ نے اہم اقدامات کرݨ تے وزیر اعظم عمران خان نیازی کوں خرا تحسین پیش کیتا، ذرائع دے مطابق وزیر اعظم دا آکھݨ ھا کہ اساݙی حکومت دا ١٠٠ روز ءچ انتہائی اقدامات کیتے حکومت نے کفایت شعاری نال کروڑاں روپے دی بچت کیتی ، اساں تباہ حال معیشت ورثے ءچ حاصل کیتی ٥٠ لکھ گھراں دی تعمیر دا منصوبہ انقلابی قدم ھِ حکومت دی معاشی پالیسیاں دے ثمرات جلد سامنڑیں آوݨ شروع تھئی ویسن، وفاقی کابینہ اجلاس ءچ پاک افغان سرحد تے باڑ تے لائٹنگ ، وزارت تجارت دی نویں قومی ٹیرف پالیسی تے ریڈیو پاکستان کیتے تکنینکی ضمنی گرانٹ جاری کرݨ دی وی منظوری ڈیتی گئی ، وفاقی وزیر خزانہ اسد عمر دا ملکی معاشی صورتحال تے کابینہ کوں بریفنگ ڈیتی۔

اسلام آباد(سرائیکی نیوز) پاکستان تحریک انصاف (پی ٹی آئی) دی حکومت دے ابتدائی ١٠٠ ڈینھ پورے تھیون دے بعد اج وزیر اعظم عمران خان تقریب نال خاب کریسن تے عوام کوں اعتماد ءچ گھنسن۔ ١٠٠ ڈینھ دے منصوبے دے سلسلے ءچ کنونشن سینٹر اسلام آباد ءچ رکھی گئی ھِ بنیاد نویں پاکستان دے عنوان دے نال ھک خصوصوی تقریب منعقد تھیندی پئی ھِ جیندے ءچ وزیر اعظم خطاب کریسن۔ خطاب دے دوران وزیر اعظم حکومت دی کارکردگی تے عوام کوں اعتماد ءچ گھنسن۔ معیشت دی بہتری کیتے اقدامات، ٥٠ لکھ گھراں دی تعمیر دے منصوبے ، کفایت شعاری مہم، سماجی تحفظ دے پروگرام خارجہ پالیسی ، تعلیمی اصلاحات ، احتساب تے لٹی ہوئی دولت دی واپسی کیتے اقدامات دے بارے قوم کوں آگاہ کریسوں، خیال رھاوے کہ ڈو روز قبل وزیر اعظم ہاوس ءچ اجلاس تھیا ایندے دوران عمران خان تحریک انصاف دی حکومت دی کارکردگی دا جائزہ گھیدا، چھیکڑ ءچ وزیر اعظم دے مشیر برائے اسٹبلیشمنٹ محمد شہزاد ارباب نے ٦ نکاتی سو ڈینھوار پلان تے بریفنگ ڈیتی ایں حوالے نال وزیر اعظم ہاوس ءش موجود ذرائع نے ڈسایا کہ شہزار ارباب نے ھن تک حاصل کیتے گئے اھداف دے نال نال مستقبل دے سنگ میل دے بارے ءچ عمران خان کوں آگاہ کیتا ۔ خیال رھاوے کہ ١٠٠ روزہ پلان ٦ نکات تے مرکوز ھا ، جیندے ءچ طرز حکمرانی ءچ تبدیلی وفاق دی مضبوطی اقتصادی ترقی دی بالی ، زراعت دی ترقی تے پانڑیں دے تحفظ ، سماجی خدمات ءچ انقلاب تے قومی سلامتی کوں یقینی بنڑاوݨ شامل ھا مجموعی طور تے حکومت دی طرفوں عوام توں ٤٨ وعدے کیتے ھن جیندے ءچ اکثر وعدیاں تے کم ھی نی تھئی سکیا، جنہاں وعدیاں تے کم تھئے انہاں ءچ ھک پائیہ تکمیل کوں پھجے چار جزوی طور تے مکمل تھئے ، ٢٨ تکمیل دے مراحل ءچ ھن جبکہ ١٦ کوں شروع ھی نی کیتا ونج سکا

اسلام آباد(سرائیکی نیوز) سپریم کورٹ دے جج جسٹس عظمت سعید دا آکھݨ ھا کہ اساں وفاقی حکومت توں بالکل خوش کینی، صنعتی کارکناں کوں ورکرز ویلفیئر فنڈ توں ادائیگیاں دے معاملے دی سماعت تھئی ، سیکریٹری خزانہ تے سیکریٹری سمندر پار پاکستانی عدالت ءچ پیش تھئے سپریم کورٹ نے وفاقی حکومت کوں ١٧ جنوری تک ادائیگیاں کرݨ دا حکم ݙیندے ہووے آکھیا کہ ورکرز ویلفیئر فنڈ دے تحت چلݨ والے ااریاں دے ملازمین کوں تنخواہواں ݙیتیاں ونجن۔ جسٹس عظمت سعید دا آکھݨ ھا کہ کہیں طرح دی چرک برداشت نا کیتی ویسی ، ١٢٤ ارب روپے دا تعین تھئی چکا ھِ غبن تھئے تاں معاملہ نیب کوں بھجوایسوں، ٢٠١٣ توں کہیں کوں فوتگی تے رقم نی ملی، جسٹس عظمت سعید نے ریمارکس ݙیتے کہ اساں وفاقی حکومت نال بالکل خوش کینی لیکن حکومتی پالیسیاں ءچ مداخلت کینی کریسوں ، بیورو کریسی اساݙے کندھیاں تے بندوقاں رکھ تے نا چلاون، ڈپٹی اٹارنی جنرل ساجد الیاس بھٹی دا عدالت ءچ رپورٹ جمع کروائی جیندے تے عدالت نے برھمی دا اظہار کیتا۔ جسٹس عظمت سعید شیخ نے آکھیا کہ حکومت دے لوگ عدالت نال ادھا سچ بولیندے پئے ھن حکومتی عہدے دار ھک شمال دی گالھ کریندے تے ڈوجہا جنوبی دے پاسے ٹر ویندے ، وفاقی حکومت کیوں پیسہ ورکرز ویلفیئر فنڈ ءچ منتقل نی کریندی پئی ، تساں صرف اے ڈسا ڈیو کتنے سالاں توں ڈیتھ گرانٹ ریلیز نی تھئی ، کیا بندے اپنڑیاں لاشاں گھن تے سیکریٹریٹ ءچ رکھ ڈیون؟ حکومت ڈساوے کہ اے پیسہ کیندا ھِ ڈپٹی اٹارنی جنرل ساجد الیاس بھٹی نے جواب ڈیتا کہ اے پیسہ ورکرز ویلفیئر فنڈز دا ھی ھِ جسٹس عظمت سعید دا آکھݨ ھا کہ تساں کوں امانت ڈیتی ونجے تاں تساں لوگ گدھ بݨ تے بہہ ویندے وے، سیکریٹری اوورسیز اتنی ٹال مٹول مناسب کینی ، عدالت اپنڑاں کم کریسی، باقی ادارے وی اپنڑاں کم کرن، حکومت اگر کم نی کریندی تاں کہیں تریجھے فریق توں کم کروا گھینسوں۔

اسلام آباد(سرائیکی نیوز) کیپٹل ڈویلپمنٹ اتھارٹی (سی ݙی اے) نے ١٤ وݙے اعتراضات چاوݨ دے بعد بنی گالا ءچ وزیر اعظم عمران خان دی نجی رھائش گاہ کوں ریگولرائز کرݨ دے عمل کوں روک ݙیتا گئیا سرکاری ادارے دی طرفوں وزیر اعظم کوں ڈسایا گئیا ھِ کہ جئیں ویلے تک او مطلوبہ کاغذات فراہم نی کریندے انہاں دے گھر دی ریگوائزیشن دا معاملہ مزید اگوں نی ودھ سکدا، سی ڈی اے دی طرفوں ٢٠ نومبر کوں لکھے گئے خط ءچ آکھا گئیا کہ گھر دی ریگولرائزیشن کیتے ݙیتی گئی وزیر اعظم دی درخواست ءچ کئی چیزاں موجود کینی ، خط دے مطابق عمران خان اپنڑی درخواست ءچ دستاویز ءچ تحصیلدار دی طروفوں جاری کردی حقداراں زمین (فرد) رجسٹر دی تصدیق شدہ نقل فراہم نی کیتی بلکہ صرف جمائمہ خان دے ناں دی پرانی فرد انتقال دی نقل فراہم کیتی گئی تے عمران احمد خان نیازی دے ناں دی ملکیت دا کوئی ثبوت پیش نی کیتا گیا۔ خط ءچ آکھیا گئیا کہ ریگولرائزیشن دے عمل کیتے مالک (عمران خان) دے کمپیوٹرائزݙ شناختی کارڈ دی مصدقی نقل ضروری ھِ بکہ کیش کوں ڈیکھݨ والے شخص دے کول مالک عمران خان توں اتھارٹی لیٹر گھنݨ وی ضروری ھِ سی ݙی اے دی طرفوں آکھا گئیا کہ وزیر اعظم عمران خان نے عمارت دے غیر دستخط شدہ خاکے جمع کرائے جو ریگولرائزیشن دے عمل کیتے قابل قبول نا ھن۔

نال ھی سرکاری ادارے نے درخواست گزار کوں آکھیا کہ او شناختی ڈرائنگ تے ڈیزائن سمیت شناختی مضبوطی تے استحکام دے حوالے نال سی ڈی اے دے نامزد کردہ انینئر دی طرفوں جاری کردی سرٹیفکیٹ پیش کرے ایندے علاوہ سی ڈی اے دی طرفوں درخواست گزار نال نکاسی تے سولڈ ویسٹ منیمنٹ کیتے پلان پیش کرن، خط دے مطابق ادارے نے تحصیل دار توں ملکیت دے حوالے نال قبضے دی تصدیق کیتے ایندی شرہ دی مصدقہ نقل وی منگ گھیدی

ایندے علاوہ تحصیل دار توں ھک سرٹیفکیٹ تے سائٹ پلان ضروری ھِ جو موجودہ ریونیو روڈ تک رسائی ظاہر کرے اگر ریونیو روڈ توں سائٹ تک رسائی نی ملدی تاں ریونیو روڈ توں سائٹ تک موجود سڑک کیپٹیل ایڈمنسٹریشن دے ناں تے منتقل تھئی ویسی وزیر اعظم کوں اے وی آکھیا گئیا ھِ کہ سی ڈی اے دی طرفوں مقرر کردی منتقلی تے ڈویلپمنٹ چارجز جمع کرواوݨ کیتے حلف نامہ جمع کرواون، ایں حوالے نال لیٹر ءچ آکھیا کہ تساں(عمران خان) کوں تجویز ݙیتی گئی کہ او ایں درخواست دی وصولی کیتے ست ڈینھ ءچ جواب ݙیون تاکہ قانون دے مطابق تساڈی گھر دی ریگولرائزیشن توں متعلق فیصلے کوں ݙیٹھا ونج سکے، علاوہ ازیں متعلق عہدیدار نے مقامی چینل کوں ڈسایا کہ مطلوبہ دستاویزات حاصل کیتے بغیر سی ڈی اے وزیر اعظم دے گھر دی ریگولرائزیشن دے کم نی کر سکدا۔

اسلام آباد (سرائیکی نیوز۔ مانیٹرنگ ڈیسک) وزیر اعظم عمران خان نے پنجھ سالہ اشتراکی اقتصادی پلان دی منظوری ݙیندے ہووے آکھیا ھِ کہ پلان ءچ چھوٹے چھوٹے تے درمیانی کاروبار ، زراعت تے اسلامی بینکاری کوں فروغ ملسی، اسلام آباد ءچ ھک اجلاس دی صدارت کریندے ہووے ویر اعظم عمران خان پنجھ سالہ اشتراکی اقتصادی پلان دی منظوری ݙیتی، پلان ءچ نیشنل ویژن ، فریم ورک ، ایکشن پلان تے ملک دی اشتراکی اقتصادی اھداف شامل ھن ایں موقع تے بریفنگ ءچ ݙسایا گیا کہ 2015 تک پاکستان ءچ سب توں گھٹ شرح دی اشتراکی معیشت ھاءی ملکی آبادی دی صرف ١٦ فیصد شرح دے بینک اکاونٹ ھن عورتاں ءچ بینک اکاونٹ دی شرح ١١ فیصد ھاءی ، مذیبی تے دیگر تحفظات دی وہہ توں ملک دی ودھدی ہوئی آبادی ایں عمل توں دور رھاندی ھائی۔ کانفرنس ءچ ڈسایا گیا کہ اشتراکیت ءچ کمی دی وجہہ توں زراعت ، چھوٹے درمیانے کاروبار تے تعمیرات ءچ فنانسنگ دی شرح گھٹ ھاءی گورنر اسٹیٹ بینک نے ڈسایا کہ پنجھ سالہ حکمت عمل نال ٣٠ لکھ نوکریاں پیدا تھیسن چھوٹے تے درمیانے درے دے کاروبار کیتے مالی وسائل فراہمی توں برآمدات ءچ ساݙھے پنجھ ارب ڈالر اضافہ تھیسی ، پلان دے تحت بینکاں دے ڈیپازٹ دی وی جی ڈی پی دے ٥٥ فیصد تک ودھسی۔ وزیر اعظم عمران خان نے اشتراکی معیشت دے فروغ کیتے اقدامات کوں سراھیندے ہووئے آکھیا کہ پائیدار تے اشتراکی معاشی ترقی کیتے مالی وسائل دی فراہمی اہمیت رکھیندی ھِ ایں طرح مساوی معاشی مواقع فراہم کرݨ نال مالی استحکام دی راہ کھولسی۔

وزیر اعظم نے آکھیا کہ پنجھ سالہ پلان نال شہریاں تے مالی اداریاں خاص طور تے معیشت دے شعبیاں کوں سہولت ملسی ، پلان نال چھوٹے تے درمیانے کاروبار ، زراعت تے اسلامی بینکاری کوں فروغ ملسی۔

اسلام آباد(سرائیکی نیوز) قومی احتساب بیورو (نیب) ڊے چیئرمین سٹس ریٹائرݙ ڄاوید اقبال ڊا آکھݨ ھِ کہ بدعنوانی دے وݙے مقدمات کو ترجیحی بنیاداں تے منطقی انام تک پھجایا ویسی، ریڈیو پاکستان دی رپورٹ دے مطابق رینل بیوروز دی مموعی کارکرگی دا ڄائزہ گھینݨ توں متعلق جسٹس ریٹائرݙ جاوید اقبال دی زیر صدارت اجلاس تھئے جیندے نال خطاب کریندے ہووے چیئرمین نیب آکھیا کہ ایہو جیے مقدمات کوں جنہاں ءچ گھٹ رقم ملوث ھِ ١٠ مہینیاں دے اندر تحقیقات مکمل کرݨ کیتے متعلق اداریاں کول بھیج ݙیتا ویسی۔ انہاں نے آکھیا کہ نیب بدعنوانی دے خاتمے کوں قومی ذمہ داری سمجھدا ھِ بہترین صلاحیتاں دا استعمال کریندے ہووے کرپشن فری پاکستان کیتے کوشاں ھیسے۔ انہاں آکھیا کہ اپنڑیں افسران دی استعداد کار ودھاوݨ کیتے جدید ٹیکنالوی تے تربیتی پروگراماں دے ذریعے نیب ءچ سزا دی شرح ٧٧ فیصد ھِ بکہ بدعنوانی دے خلاف بیورو دی کوششاں دے نیتجے ءچ پاکستان دی رینکنگ ءچ بین الاقوامی درجہ بندی ءچ ٩ پوائنٹس دا اضافہ تھیا ھِ

اسلام آباد(سرائیکی نیوز۔میثم نقوی) نویں قومی اسمبلی ءچ اَج اگلے پنجھ سال کیتے سپیکر تے ݙپٹی اسپیکر ڊ انتخاب کیتا ویسی، تحریک انصاف دی طرفوں اسد قیصر سوری جنہاں دا تعلق بلوچستان توں ھِ ݙپٹی سپیکر کیتے امیدوار نامزد کیتا گئیا ھِ جبکہ اپوزیشن دی طرفوں سپیکر کیتے مشترکہ امیدوار خورشید شاہ تے ݙپٹی سپیکر کیتے مولا نا اسد محمود کوں امیدوار نامزد کیتا گئیا ھِ

نمائندہ سرائیکی نیوز  دے مطابق پھرولی دے بعد چاراں امیدوارں ڊے کاغذات نامزدگی منظور کر گھیدے گئے ھن عددی اعتبار دے نال تحریک انصاف کوں برتری حاصل ھِ خفیہ رائے شماری ءچ اپنڑیں اراکین کوں منحرف ہووݨ توں بچاوݨ وݙا چیلنج ہوسی۔

تحریک انصاف کوں ایم کیو ایم ، بلوچستان عوامی پارٹی ، بی این پی مینگل ، جی ݙی اے ، ق لیگ ، عوامی مسلم لیگ تے جمہوری وطن پارٹی دی حمایت حاصل ھِ ۔ تحریک انصاف دی قومی اسمبلی ءچ ١٥١ نشستاں ھن جبکہ ایم کیو ایم دیاں ٧، بلوچستان عوامی پارٹیاں دیاں ٥ ، بی این پی مینگل دی ٤ ، جی ݙی اے دیاں ٣ ، عوامی مسلم لیگ تے جمہوری وطن پارٹی دی ھک نشست ھِ ۔ ٤ اچوں ٢ آزاد امیدواراں نے وی تحریک انصاف دی حمایت دی یقین دھانی کرا رکھی ھِ ایویں تحریک انصاف دے مجموعی ووٹاں دی تعداد ١٧٧ بنڑدی ھِ

ݙوجہے پاسے سید خورشید شاہ تے مولانا اسعد محمود کوں مسلم لیگ ن دے ٨١ پیپلز پارٹی دے ٥٣، ایم ایم اے دے ١٥ تے اے این پے دے ھک رکن دی حمایت حاصل ھِ ایں طرح اپوزیشن اتحاد ڊے امیدواراں کوں ١٥٠ ووٹ دے قریب مل سکدن، ووٹاں اچوں اکثریت حاصل کرݨ والا رکن اسپیکر قومی اسمبلی منتخب تھئی ویسی۔سپیکر ایاز صادق نویں منتخب سپیکر توں حلف گھنسن، نواں سپیکر اپنڑی نشست سنبھالݨ دے بعد ݙپٹی سپیکر دا انتخاب کرویسی۔

اسلام آباد(سرائیکی نیوز۔عمران عباس) سابق وزیر اعظم نواز شریف کوں نیب ریفنرنسز ءچ پیشی کیتے احتساب عدالت پھجا ݙیتا گئیا ، ایں موقع تے مسلم لیگ ن دے صدر شہباز شریف پارٹی رہنماواں تے کارکناں دی وݙی تعداد احتساب عدالت دے باہروں موجود ھِ جبکہ سیکورٹی کیتے پولیس دی وݙی تعداد جوݙیشل کمپلیکس دے باہروں تعینات ھِ مسلم لیگ دے صدر شہباز شریف نے احتساب عدالت دے اندر ونجن دی کوشش کیتی تاں پولیس اہلکاراں نے انہاں کوں روک گھیدا ایں تے ن لیگ دے کارکناں تے پولیس ءچ جھڑپ تھئی گئے صدر ن لیگ شہباز شریف تے کارکناں کوں کوں اگوں ودھݨ توں روک ݙیتا گئیا تاہم بعد ءچ پولیس اہلکاراں نے صدر ن لیگ شہباز شریف کوں عدالت ونجن دی اجازت ݙے ݙیتی۔

اسلام آباد(سرائیکی نیوز۔ اسد علی) پاکستان تحریک انصاف دے رہنما شاہ محمود قریشی نے آکھیا ھِ کہ پیپلز پارٹی ن لیگ دے امیدوار تے تحفظات ظاہر کیتے ھن پہلے ھی آکھا ھا ن لیگ تے پیپلز پارٹی ءچ دراڑ پووݨ والی ھِ امید ھِ ݙپٹی سپیکر کیتے قاسم سوری کامیاب ہوسن۔ قومی اسمبلی دے اجلاس ءچ شرکت کیتے آون والے پاکستان تحریک انصاف دے رہنما شاہ محمود قریشی دا آکھݨ ھا کہ ن لیگ تے پیپلز پارٹی ءچ غیر فطری اتحاڊ ھِ  انہاں ݙونہاں جماعتاں ءچ دراڑ دی نشاندھی کریندا رھیا ھاں کیونکہ پیپلز پارٹی تے ن لیگ دے درمیان خلیج ودھدی ہوئی نظر آندی پئی ھِ پی پی پی تے ن لیگ دے امیدوار تے تحفظات ظاہر کیتے ھن پہلے ھی آکھا ھم کہ ن لیگ تے پییپلزپارٹی ءچ دراڑ پوسی، انہاں دا مزید آکھݨ ھا کہ اساݙے ارکان دا نویں پاکستان کیتے عمران خان نال وعدہ ھِ امید ھِ ݙپٹی سپیکر کیتے قاسم سوری کامیاب تھیسن۔