امریکی صڊر نے پینٹاگون ڊءِ ریکارݙ ٧١٦ ارب ڊءِ ٻڄٹ ڊی منظوری ݙءِ ݙیتی
واشنگٹن(سرائیکی نیوز۔آئی این پی) امریکی صدر ݙونلڈ ٹرمپ نے سال ٢٠١٩ء کیتے پینٹاگون دے ریکارڈ ٧١٦ ارب دے بجٹ دی منظوری ݙے ݙیتی ، مختص رقم امریکی عسکری اہلکاراں کوں آتشی قوت فرام کریسی۔ ٦٩ ارب ڈالر دی رقم بیرون ملک افغانستان ، شام ، عراق ، صومالیہ واسطے مختص کیتی گئی ھِ اہلکاراں دیاں تنخواہواں ءچ ٢ توں ٦ فیصد اضافہ کیتا گئیاھِ بین الاقوامی میڈیا ڊے مطابق امریکی صدر نے سال ٢٠١٩ء کیتے وزارت دفاع پینٹاگون دے ریکارڈ بجٹ تے دستخط کر ݙیتے جیندا حجم ٧١٦ ارب ڈالر ھِ نیو یارک ءچ فورٹ ݙریم عسکری اݙے ءچ تھیون والی تقریب دے دوران ٹرمپ دا آکھݨ ھا کہ مختص کیتی گئی رقم امریکی عسکری اہلکاراں کوں ھک آتشی قوت فراہم کریسی ، جیندے نال انہاں کوں کہیں وی مشن ءچ جلد تے فیصلہ کن کامیابی تھیسی ۔ ٹرمپ دے دستخط کردہ دفاعی بجٹ ءچ ٦٩ ارب ڈالر دی رقم بیرون ملک افغانستان ، شام ، عراق ، صومالیہ ءچ جاری کارروائی کیتے ھِ مسلح افواج دے اہلکاراں دیاں تنخواہواں ءچ ٢ توں ٦ فیصد دا اضافہ وی کیتا گئیا ھِ انہاں دے علاقہ بحریہ فضائیہ تے دفاعی میزائل نظام کوں جدید بنڑاون کیتے وی ارباں ڈالر رکھے گئے ھن جیتھاں تک خلائی فورس ڊا تعلق ھِ تاں ایندی تشکیل کیتے علاحدہ توں فنڈنگ دی ضرورت ھِ جیندی کانگریس توں منظوری ناگزیر ھِ
ٹرمپ دء مطابق فضائیہ ، بحریہ تے زمینی افواج دے نال ھن خلاء ءچ وی لڑائی دا میدان بݨ چکا ھِ انہاں ݙسایا کہ چین نے وی اپنڑیں مسلح افواج ءچ ھک نویں شاخ قائم کیتی ھِ جو خلاء ءچ ایندے عسکری پروگرام دی نگرانی کریندی پئی ھِ تاہم امریکی صدر نے روس دی خلائی فورس دا ذکر نی کیتا جو کئی سالہاں پہل توں موجود ھِ ٹرمپ دے مطابق خلاء ءچ محض امریکی وجود کافی نا ہوسی بلکہ خلاء ءچ امریکی غلبہ تھیونڑاں چاھیدے۔
