کراچی، کلفٹن ءچ چینی قونصلیٹ تے حملہ ناکام، ٣ دہشت گرد ہلاک، ٢ اہلکار شہید
کراچی(سرائیکی نیوز) پاک چین دوستی دے دشمناں دی کراچی ءچ دہشت گردی دی کارروائی ناکام بنڑاں ݙیتی گئی ، چینی قونصلیت تے دہشت گرداں دی فائرنگ نال ٢ پولیس اہلکار شہید تے ٣ سویلین زخمی تھئے ، فائرنگ دے تبادلے ءچ تریھے دھشت گرد مار ݙیتے گئے ، مرݨ والے دہشت گرداں دے قبضے توں خود کش جیکٹس تے اسلحہ برآمد کر گھیدا گیئا ، آپریشن مکمل کر تے قونصلیٹ عمارت کوں کلیئر کر ݙیتا گئیا، دہشت گرد سفید رنگ دی کار ءچ سویرے ٩ ونجے دے نیڑے پھجے چینی قونصلیٹ دی ونجن والے رستے تے لگی رکاوٹاں دی وجہہ توں گڈی دور کھڑی کر تے دہشت گرداں نے قونصلیٹ ءچ وڑݨ دی کوشش کیتی تے حفاظت تے مامور گارڈز نے فائرنگ شروع کر ݙیتی عینی شاھد دے مطابق حملہ آواراں دی تعداد ٣ توں ٤ ھائی فائرنگ دے دوران دھماکے دی آواز وی سنڑائی ڈیتی گئی ۔ اطلاع میلدے ھِ پولیس رینجرز ، ایف سی تے پاک فوج دے دستے وی پھج گئے قانون نافذ کرݨ والے دارایاں نے قونصلیٹ توں ملحقہ علاقیاں کوں سیل کر ݙیتا گئیا جناح ہسپتال دی میڈیکل ݙائریکٹر سیمی مالی نے ڈسایا کہ ہسپتال اچ گھن تے آ ونجݨ والے ٢ پولیس اہلکار یونیفارم تے ھک زخمی سول ڈریس ءچ ھا ۔ دہشت گرداں دے خلاف آپریشن دی مانیٹرنگ کراچی پولیس چیف امیر شیخ نے خود کیتی ، امیر شیخ نے میڈیا کوں ڈسایا کہ پولیس دے ٢ جواناں نے اپنڑیں جاناں تے کھیڈ تے خود کش حملہ آوراں دی قونصلیٹ ءچ داخلے دی کوشش ناکام بنڑاں ݙیتی ، ڈی آئی جی ساوتھ جاوید عالم اوڈھو نے میڈیا کوں ڈسایا کہ دہشت گرداں دی کار قبضے اچ گھن تے تحقیقات شروع کر ݙیتی گئی ھِ
