بھارت دیخلاف ماحولیاتی دہشت گردی دی شکایت دا فیصلہ
اسلام آباد(سرائیکی نیوز) پاکستان دی حدود ءچ بھارتی فضائی حملے دے نتیجے ءچ صنوبر دے درختاں کوں پھجݨ والے نقصان تے پاکستان نے بھارت دیخلاف اقوام متحدہ ءچ ماحولیاتی دہشت گردی دی شکایت درج کرواوݨ دا فیصلہ کر گھیدا، ایں حوالے نال وزیراعظم دے مشیر برائے ماحولیاتی تبدیلی ملک امین اسلم دا آکھم ھا کہ بھارت دی طرفوں حالیہ جارحیت دے نتیجے ءچ ماحول دے تحفظ دے حکومتی منصوبے بلین ٹری سونامی دے تحت لائے گئے درختاں کوں شدید نقصان پھجیا ھِ انہاں آکھیا کہ بین الاقوامی قوانین دے تحت اے کارروائی ماحولیاتی دہشت گردی دے زمرے ءچ آندی ھِ جیندے تحت تھیون والے نقصان دا جائزہ گھن تے پاکستان اشتعال انگیزی دے ایں اقدام دے خلاف اقوام متحدہ سمیت تمام متعلقہ فورمز تے آواز چاسی ، انہاں ڈسایا کہ خیبرپختونخواہ ءچ ارب درخت لاوݨ دے منصوبی دی کامیابی دے بعد حکومت پورے ملک ءچ آئندہ ٥ سالاں ءچ ١٠ ارب درخت لاونڑاں چاھندی ھِ
