پاک بھارت کشیدگی، ترک صدر رجب طیب اردگان ھک واری ول پاکستان دے حق ءچ بول پئے
انقرہ (سرائیکی نیوز۔ آن لائن )ترک صدر رجب طیب اردگان نے بھارتی پائلٹ دی رھائی کوں پاکستان دا شایان شان عمل قرار ݙیندے ہووے بھارت کوں وی ایہو جئے رویے دی توقع دا اظہار کیتا ھِ
بلدیاتی الیکشن دی انتخابی مہم دے دوران جلسے نال خطاب کریندے ہووے ترک صدر طیب اردگان ھک واری ول پاکستان دی حمایت ءچ کھل تے بولے انہاں آکھیا کہ بھارتی پائلٹ دی واپسی پاکستان دا شایان شان عمل ھِ ایندی جتنی وی تعریف کیتی ونجے کم ھِ بھارت دی طرفوں وی ایں قسم دا رویہ ڈیکھنڑاں چاھندے ھیں انہاں آکھیا کہ پاکستان تے بھارت دی کشیدگی دا کیں کوں کوئی فائدہ نا تھیسی ، حالیہ تناو ءچ کمی ڈونہاں ممالک دے اپنڑے مفاد ءچ ھِ ترک صدر دا آکھݨ ھا کہ انہاں دی پاکستان دے وزیر اعظم تے صدر نال پاک بھارت کشیدگی تے گالھ تھئی تے ترکی ایں کشیگی ءچ کمی کیتے اپنڑیں ذمہ داری ادا کرݨ کوں تیار ھِ
