عراقی پارلیمنٹ دا ایرانی جنرل دی ھلاکت دے بعد امریکی فوج دے انخلاء دا مطالبہ
عراق(سرائیکی نیوز) عراق دی پارلیمنٹ نے ایرانی جنرل قاسم سلیمانی دی ھلاکت دے بعد حکومت دے دباو ودھیندے ہووے ملک ءچ موجود ھزاراں امریکی فوجیاں کوں فوری طور تے واپس بھیجݨ دا مطالبہ کر ݙیتا ھِ خبر ایجنسی اے ایف پی دی رپورٹ دے مطابق عراقی پارلیمنٹ دے اسپیکر محدم ریکان الحلبوسی نے اعلان کیتا ھِ کہ پارلیمنٹ نے عراقی حکومت نال عالمی اتحادیاں نال داعش دیخلاف لڑݨ کیتے مدد دی درخواست کوں واپس گھنݨ دے حق ءچ ووٹ ݙیتا گئیا ھِ عراقی کابینہ کہیں وی فیصلے دی حتمی منظوری ݙیسی لیکن وزیر اعظم پہلے ہی امریکی فوجیاں دی واپسی دا اشارہ ݙے چکے ھن
وزیر اعظم نے اراکین پارلیمنٹ توں آکھیا ھا کہ انہاں کول ݙو رستے ھن یا تاں غیر ملکی فوجیاں دی فوری بے دخلی دے حق ءچ ووٹ ݙیوون یا پارلیمانی عمل دے ذریعے انہاں دےا ختیارات دا دوبارہ جائزن گھنن، خیال رھاوے کہ گزرن ݙینھوار امریکی حملے ءچ ایرانی پاسداران انقلاب دی قدس فورس دے سربراہ جنرل قاسم سلیمانی دی ھلاکت دے عبد عراق ءچ امریکی تنصیبات کوں در پیش خطرات ءچ اضافہ تھئی گئیا ھِ جیتھاں رات چرک تک بغداد ءچ امریکی سفارت خانے دے نیڑے راکٹ حملہ کیتا گئیا ھا ۔
بغداد ایئر پورٹ دے نیڑے ایرانی جنرل دے نال عراقی پیرا ملیٹری دے سربراہ ابومہدی امہندس دی ھلاکت دے بعد عراق تے امریکا دے تعلقات ءچ کشیدگی پیدا تھئی گئی ھِ عراقی وزارت خارجہ نے ایں معاملے تے امریکی سفیر کوں طلب کیتا ھا قائم مقام وزیر اعظم عادل عبدالمہدی نے پارلیمن ٹدے غیر معمولی اجلاس ءچ شرکت کیتی ھائی جیتھاں ایں حملے ءچ ھلاک بندیاں دے واقعے کوں سیاسی قتل قرار ݙیتا گئیا ھِ وزیر اعظم عادل عبدالمہدی نے پارلیمنٹ دے اجلاس ءچ شرکت کیتی جیتھاں ١٦٨ اراکین ومجود ھن جبکہ ٣٢٩ اراکین دی حامل پارلیمنٹ ءچ کورم پورا کرݨ کیتے اتنے ھی اراکین دی موجودگی ضروری ہوندی ھِ رپورٹان دے مطابق عراق ءچ موجود امریکی فوجیاں دی تعداد ٥ ہزار ٢٠٠ دے نیڑے ھِ جو مختلف علاقیاں ءچ تعینات ھن تے مقامی فوج کوں داعش دیخلاف لڑݨ کیتے تربیت وی ݙیندے پئے ھن
