پاکستانیاں کوں بھارت دینال لڑائی تے لا تے حکومت چپکے نال سبھ دے نال ہتھ کر گئی
اسلام آباد (سرائیکی نیوز) پاکستان تے بھارت ءچ حالیہ کشیدگی دی وجہہ توݨ قوم ایں معاملے ءچ پوری طرح متوجہ ھِ ایہا وجہہ ھِ کہ حکومت نے چپ چپاتے پیٹرولیم مصنوعات دیاں قیمتاں ءچ اضافہ کر ݙیتا لیکن ایندے تے کوئی خاص رد عمل ڈیکھݨ ءچ نی آیا ، مین سٹریم دے نال سوشل میڈیا تے وی پاک بھارت کشیدگی دا ھاٹ ٹاپک تھیون دی وجہہ توں پیٹرول دیاں قیمتاں ءچ اضافے دی خبر زیادہ توجہ نا گھن سکی۔ گزرن ڈینھوار ٢٦ فرور کوں بھارت دی طرفوں پاکستان دی فضائی حدود دی خلاف وری کیتی گئی جیندے جواب ءچ پاکستان نے ٢٧ فروری کوں اپنڑی دفاعی قوت دا مظاہرہ کیتا ، پوری قوم پاک فضائیہ دی کامیابی دا جشن منیندی پئی ھائی تاں اوگرا دی وزارت خزانہ کوں پیٹرولیم مصنوعات دیاں قیمتاں ءچ اضافی دی سمری بھیجوا ݙیتی ۔ ٢٩ فروری کوں پیٹرل دی قیمتاں ءچ اضافی دی منظوری ݙے ݙیتی گئی لیکن ایں روز وی پاک بھارت کشیدگی ہی میڈیا تے موضوع بحث رھیا ایں وجہہ توں ایں خبر کوں مین سٹریم تے سوشل میڈیا تے جا نہیں مل سکی۔
یکم مارچ کوں بھارتی پائلٹ ابھی نند دی رہائی تے بھارت کوں حوالگی ہی میڈیا تے بریکنگ نیوز بنڑی رہی جیندی وجہہ توں پیٹرولیم مصنوعات دی قیمتاں ءچ اضافے دی خبر دب تے رہ گئی ایں حوالے توں بے خبری دا اے عالم ھِ کہ یکم مارچ کوں پیٹرول دی قیمتاں ءچ اضفے دے خلاف مسلم لیگ ن دی رکن عنیزہ فاطمہ نے پنجاب اسمبلی ءچ قرار داد وی جمع کرائی لیکن بہوں پاکستان ایں توں لا علم رہے۔
خیال رھاوے کہ حکومت دی طرفوں پیٹرول دی قیمت ءچ ٢ روپے ٥٠ پیسے دا اضافہ کیتا گئیا ھِ یندے بعد ایندی نویں قیمت ٩٢ روپے ٨٨ پیسے فی لیٹر تھئی گئی ھِ ہائی سپیڈ ڈیزل دی قیمت ءچ ٤ روپے ٧٥ پیسے فی لیٹر اضافہ کیتا گئیا ھِ جیندے بعد ایندی نویں قیمت ١١١ روپے ٤٣ پیسے تھئی گئی ھِ ۔ نوٹی فکیشن دے مطابق مٹی دا تیل ٤ روپے جبکہ لائٹ ڈیزل ڈھائی روپے فی لیٹر مہنگا تھیا ھِ ایتھاں اے وی یاد رکھݨ دی لوڑ ھِ کہ پیٹرولیم مصنوعات دی قیمتاں ءچ اضافے دا اطلاق یکم مارچ ٢٠١٩ توں تھئے
