پی ایس ایل ٤ میچز،کراچی دا متبادل ٹریفک پلان جاری کر ݙیتا گئیا

کراچی(سرائیکی نیوز) شہر قائد ءچ تھیوݨ والے پی ایس ایل سیزن فور دے میچاں دی مناسبت نال ٹریفک پولیس نے متبادل ٹریفک پلان جاری کر ݙیتا، تفصیل دے مطابق کراچی دے نیشنل سٹیݙیم ءچ پی ایس ایل سیزن فور دے شیڈول میچز ١٣، ١٠، ٧ تے ١٥ جبکہ فائنل ١٧ مارچ کوں کھیڈا فیسی ۔ جیندے تحت مختلف سڑکاں تے پر امن و امان دی صورتحال دے پیش نطر ٹیفک روانی متاثر ہوسی، کراچی ٹریفک پولیس دی طرفوں متبادل رستیاں دا تعین جبکہ اسٹیڈیم ونجن والے شائقین کیتے پارکنگ دے انتظامات تے شٹل سروس پوائنٹس دا تعین کیتا گئیا ھِ سٹیڈیم ونجن والے شائقین کیتے پارکنگ دی سہولت گلشن اقبال مین واقع حکیم سعید پارک ، اردو یونیورسٹی گروانڈ تے اتوار بازار بیت المکرم مسجد دے نیڑے ہوسی، ضلع وسطی تے غربی دے او رھائشی جو اسٹیڈیم ونجݨ چاھندے ھن انہاں کوں براستہ نیپا تے لیاقت آباد نمبر ١٠ توں حسن سکوائر تے ول یونیورسٹی روڈ تے مقرر کیتی گئی جاء تے گڈی یا موٹر سائیکل پارک کرݨ دی سہولت ݙیتی ویسی جبکہ ایکسپو سینٹر نال بذریعہ شٹل سروس شائقین کوں نیشنل سٹیڈیم پہجایا ویسی۔

Similar Posts

Leave a Reply

Your email address will not be published. Required fields are marked *