پاکستان سمیت دنیا ءچ یوم یکجہتی کشمیر اج منایا ویسی
اسلام آباد(سرائیکی نیوز) پوری دنیا ءچ وسن والے پاکستانی ا یوم یکجہتی کشمیر ایں عہد دی تجدید دے نال منیدے پئے ھن کہ آزادی دی جدوجہد ءچ ہمیشہ مظلوم کشمیریاں دے شانہ بشانہ کھڑے رھاسن، پاکستان دی عسکری قیادت نے وی بھارت کوں خبردار کیتا ھِ کہ مقبوضہ کشمیر ءچ انسانی حقوق دی خلاف ورزیاں بند کیتیاں ونجن تے کشمیر دے حق خود ارادیت دا احترام کیتا ونجے بھارت مظالم دے حوالے نال سال ٢٠١٨ بد ترین رھیے ٤٢٥ بے گناہ کشمیری شہید تھئے جبکہ پیلٹ گن دے استعمال دے نال وی ھزاراں شہری بینیائی توں محروم تھئی چکے ھن جیندے ءچ معصوم بالاں تے عورتاں دی وڈی تعدادشامل ھِ ، سری نگر ، شوپیاں، کلگلام، پلوامہ تے بارہ مولا سمیت ریاست ءچ گھر گھر تلاشی تے محاصریاں دے دوران انسانیت سوز مظالم دا سلسلہ جاری رھیے ۔ سال دا شاید ھی کوئی ڈینھ ایہو جیاء گزرا ہوسی کہ بھارتی فوج نے سرحد دے ڈونہاں طرف رھاون والے کشمیریاں دے خون نال تر نا تھیا ہوسی۔ جنوری دے مہینے ءچ بھارتی فوج نے فائرنگ تے تشدد کر تے ٢٥ بندیاں کوں شہید کر ݙیتا ھا فروری دے مہینے ءچ ١٦ جبکہ مارچ ءچ ٣٥ نہتنے کشمیریاں کوں مار ݙیتا گیا ھا ، اپریل تے مئی ء چبھارتی فوج نے ظلم دی ہر حد پار کر ݙیتی ھِ اپریل ءچ ٤٣ مئی ءچ ٤٧ کشمیریاں کوں شہید کیتا گئے جون ءچ ٢٦ ، جولائء ءچ ٢١ ، اگست ءچ ٣٥ جبکہ ستمیر ءچ ٤٣ کشمیریاں کوں شہید کر ڈیتا گئیا ھا ، بھارتی فوج دا کشمیریاں کوں اپنڑیں وحشیانہ طاقت دا نشانہ بنڑیندے ہووے اکتوبر ءچ ٤٣ ، نومبر ءچ ٥٢ جبکہ دشمیر ءچ مزید ٢٩ بے گناہ کشمیریاں کوں شہید کیتا گیا بھارتی بربریت دے باوجود پاکستان دی عسکری قیادت اپنڑیں دیرینہ موقت تے قائم ھِ قتل و غارت دے باوجود بھارت اج تک کشمیر دے جذبہ آزادہ کوں دنا نی سکیا ، ہر ڈینھ کشمیری اپنڑیں پیاراں کوں ایں عہد دے نال قبراں ءچ لہیندے کہ کشمیر دی آزادی تک تکمیل پاکستان دی اے جنگ جاری رھاسی۔
