گوگل دی طرفوں گوگل پلس بند کرں دی حتمی تاریخ ݙے ݙیتی گئی

ماونٹن ویو (سرائیکی نیوز) گوگل کمپنی دا اپنڑیں سوشل میڈیا پلیٹ فارم گوگل پلس کوں بند کرݨ دی حتمی تاریخ دا اعلان کر ݙیتا ھِ گزرن سال کمپنی نے اعتراف کیتا ھا کہفیس بک دے مد مقابل متعارف کرائے ونجن والے گوگل پلس نے صارفیں کوں اوں طرح متاثر نی کیتا جیویں کمپنی سوچیا ھا ایں توں پہلے گوگل دی طرفوں ایں گالھ دا وی اعتراف کیتا گیا ھائی کہ ھیکرز نے انہاں دے سسٹم تک رسائی حاصل کر تے لکھاں صارفین دا ڈیٹا چوری کیتے تے ڈوجہاں کوں فروخت وی کیتا جیندی وجہہ توں صارفین نے گوگل پلس دا استعمال ترک کر ݙیتا ھا۔

گزرن سال گوگل کمپنی دی طروں گوگل پلس دی بندش بارے آکھیا گیا ھا تاہم ایں بندش دی حتمی تاریخ دا اعلان نا کیتا گئیا ھا طویل انتظار دے بعد گوگل بالاخر اعلان کیتا ھِ کہ گوگل پلس سروس ٢ اپریل دے بعد ختم کر ݙیتی ویسی ، گوگل دی طرفوں جاری تھیون والے بلاگ ءچ ڈسایا گئیا ھِ کہ سوشل میڈیا پلیٹ فارم دی بندش اویں تاں ٢ اپریل کوں تھیسی لیکن ٤ فوری دے بعد توں صارفین نویں پروفائل پیجز وغیرہ نی بنڑاں سکدے تے نال ہی کمنٹس کرݨ دی سہولت وی ختم کر ݙیتی ویسی۔ بلاگ دے مطابق گوگل پلس سائن ان دا بٹن مارچ دے بعد کم کرݨ بالکل بند کر ݙیسی ایندے بعد کمپنی ٢ اپریل کوں صارفین دی آئی ڈیز تے پیجز کوں خود سسٹم بنڑاں ڈیسی۔

یاد رہاوے کہ گوگل نے دیگر سوشل میڈیا ویب سائٹ تے سبقت حاصل کرݨ کیتے جون ٢٠١١ ءچ گوگل پلس کوں متعارف کرایا ھا تاہم متعدد وجوھاد دی بنیاد تے گوگل پلس کوں مقبولیت حاصل نا تھئی ۔ قابل ذکر گالھ اے ھِ کہ گوگل پلیس ویب سائٹ دے ٹریف کوں ودھاوݨ ءچ معاون ھا کیونکہ ایں پلیٹ فارم تے شائع کردہ معود جلد ھی سرچ انجن تے آ ویندا ھا ۔