پاک بحریہ نے بھارت دے بیڑی طیارے کوں ڈھیر کر ݙیتا، بھارت دی ھر جارحیت دا منہ توڑ جواب ݙیسوں، ترجمان پاک بحریہ
کراچی(سرائیکی نیوز) پاک فضائیہ دے بعد پاک بحریہ نے وی بھارت کوں ناکامی نال ݙو چار کر ݙیتا تے اپنڑیں سمندری زون ءچ بھارتی آبدوز دا سراغ لا تے ایکوں پسپا کرݨ تے مجبور کر ݙیتا ، ترجمان پاک بحریہ دا آکھݨ ھا کہ حکومت دی امن پالیسی دے تحت بھارتی آبدوز کوں نشانہ نی بنڑایا گئیا ، بھارت سبق حاصل کریندہ ہووے امن دے پاسے راغب تھیوے، تفصیل دی مطابق ترجمان پاک بحریہ دی طرفوں جاری بیان ءچ آکھیا گئیا ھِ کہ پاک بحریہ نے اپنڑی سمندری حدود ءچ موجود بھارتی آبدوز دا سراغ لا گھیدا تے بھارت کوں سمندری محاذ تے وی ناکامی دا منہ ݙیکھایا ھِ پاک بحریہ اعلی پیشہ ورانہ مہارتاں دے نال ہر ویلے ھوشیار ھِ جئیں نے بھارتی بیڑی طیارے دی خفیہ رھاوݨ دی تمام کوششاں ناکام بنڑیندے ہووے نا صرف ایندا سراغ لائے بلکہ ایکوں پاکستان دے بانڑیں ءچ داکل تھیوݨ توں روک ݙیتا گئیا، نومبر ٢٠١٦ دے بعد اے ݙوجہا موقع ھِ بھارتی بیڑی چیاری دا سراغ لایا گئیا ھِ پاک بحریہ دی طرفوں جدید ٹیکنالوجی دی آبدوز دا سراغ لا تے ایکوں پسپا کرݨ بھارتی بحریہ دی ناکامی ھِ ترجمان نے مزیدی آکھا کہ امن قائم رکھݨ دی حکومتی پالیسی دے باعث بھارتی آبدوز کوں نشانہ نی بنڑایا گئیا جو پاکستان دی امن پسندی دا غمار ھِ تے ایں واقعے توسبق حاصل کر تے بھارت کوں وی امن دی طرف آونڑاں ہوسی
