وزیراعظم عمران خان دے دورہ روس  بارے  افواہیں غلط ہن،  شیڈول دے مطابق اڄ رات پاکستان واپس روانہ تھیسن ،وفاقی وزیر اطلاعات و نشریات چوہدری فواد حسین

اسلام آباد۔24فروری  (اے پی پی):وفاقی وزیر اطلاعات و نشریات چوہدری فواد حسین آکھیے جو وزیراعظم عمران خان دے دورہ روس  بارے  افواہیں غلط ہن، خمیس کوں آپݨے ھک ٹویٹ اچ وفاقی وزیر اطلاعات و نشریات چوہدری فواد حسین آکھیے جو دورہ جاری اے تے وزیراعظم شیڈول دے مطابق اڄ رات پاکستان واپس روانہ تھیسن۔

اسلام آباد ـ مانیٹرنگ ڈیسک۔ ھک پاسے پاکستان اپنڑیں فوجی صلاحیتاں اچ اضافے پاروں چین نال ٢٥ جے ١٠ سی لڑاکا طیارے حاصل کر ݙیتا ھِ تے ݙوجہے پاسے ترکی دے نال مل تے ففتھ جنریشن ٹی ایف ایکس سٹیلتھ فائٹر جیٹ تیار کرݨ تے وی کم کریندا ھِ ۔

ڈیلی پاکستان گلوبل دے مطابق پاکستان تے ترقی دے مابین اے پیش رفت امریکا دی طرفوں ترکی کوں ایف ٣٥ ڈیوݨ توں انکار دے بعد تھئی۔ ترکی دے نال کیتی گئی ایں ڈیل کوں سابق امریکی حکومت منسوخ کر ݙیتا ھا تے تاحال مذاکرات اچ ڈیل دے بحال تھیوݨ دا کوئی امکان سامنڑیں کینی آیا۔

لاہور  (اے پی پی) لاہور ہائیکورٹ ، پیکا ترمیمی آرڈیننس دے خلاف  درخواست گزار دے وکیل کوں مہلت ݙے ݙتی اے۔ لاہور ہائیکورٹ دے جسٹس شمس محمود مرزا ، درخواست گزار مقامی وکیل رانا محمد ایوب خاور دی درخواست تے ابتدائی سݨٰیڄ کیتی۔ درخواست اچ وفاقی حکومت سودھے ٻئے فریق ٻݨایا ڳیا۔ عدالت ابتدائی سݨیج کریندیں ہوئیں درخواست گزار دے وکیل کوں بحث کیتے تیاری دی مہلت ݙیندیں ہوئیں سݨیج ملتوی کر ݙتی۔

پشاور  (اے پی پی) غربت دے خاتمے اتے سماجی تحفظ بارے وزیراعظم دی معاون خصوصی سینیٹرڈاکٹر ثانیہ نشتر خمیس کوں چارسدہ روڈپشاوراچ “احساس پناہ گاہ “داافتتاح کیتا۔ منیجنگ ڈائریکٹربیت المال پاکستان ملک ظہیرعباس کھوکھر وی انہاں دے رلے ہن۔ ایں موقع تے سینیٹرثانیہ نشتر پناہ گاہ دے مختلف حصیاں دا معائنہ کیتا اتے ضرورت منداں کوں ݙتی ڳئی سہولتاں، انتظامات اتے انفراسٹرکچر دا جائزہ ڳھدا۔ ایں موقع تے میڈیا نال ڳالھ مہاڑ کریدنیں ہوئیں انہاں آکھیا جو پورے ملک اچ احساس پروگرام دے تحت پناہ گاہیں اتے لنگر خانے ٻݨائے ویندے پئن، لنگر خانیاں دے پروگرام کوں ٻیا ودھایا ویندا پئے۔ جتھاں پناہ گاہ یا لنگر خانے نی کھولیے ڳئے اتھاں کوئی بھوکا نہ سوئے پراجیکٹ دے تحت ٹرک توں وی کھانا ݙتا ویندا پئے۔

اسلام آباد   (اے پی پی) وزیر مملکت اطلاعات تے نشریات فرخ حبیب آکھیا جو عمران خان دا احساس پروگرام ڳھٹ آمدݨ آلے لوکاں دے ٻالاں دی یونیورسٹیاں اچ اعلیٰ تعلیم دے خواب دی تعبیر کوں ممکن ٻݨیندا پئے، پبلک یونیورسٹیز اچوں 92 ہزار طلباء تے طالبات کوں میرٹ تے سکالرشپس ݙتے ڳئن۔ ایں سال ملک اچوں بشمول آزادوجموں کشمیر،گلگت بلتستان توں احساس سکالرشپس کیتے ہک لکھ 22 ہزار 744 درخواستاں ملین۔ خمیس کوں آپݨے ٹویٹ اچ انہاں آکھیا جو جون 2022 تئیں سکروٹنی دا عمل تھیوݨ دے بعد چار یا پنڄ سالہ گریجوایشن پروگرام دے طلباء تے طالبات کوں سکالرشپس ݙتے ویسن۔

اسلام آباد   (اے پی پی):چیئرمین سرمایہ کاری بورڈ اظفر احسن آکھیے جو حکومت دےاصلاحاتی اقدامات تے اڳونہی ݙیوݨی چاہیدی اے ،پاکستان  اچ مڈل کلاس توں تعلق رکھݨ آلے لوکاں دی تعداد اچ ودھارا تھیندا پئے ،پاکستان بہترین علاقائی تجارتی مرکز  وی اے ۔اے ڳال انہاں خمیس کوں سرمایہ کاری، صنعت کاری اتے برآمدات دے حوالے نال ورکشاپ توں خطاب کریندے ہوئیں آکھی اے چیئر مین سرمایہ کاری بورڈ آکھیے جو پاکستان دی مارکیٹ مقامی اتے غیر ملکی سرمایہ کاری کیتے بہترین اے،اساکوں برآمدات اچ ودھارے دے نال برآمدی  مصنوعات اچ تنوع گھن آوݨ دی لوڑھ اے ۔

اسلام آباد (اے پی پی):وفاقی وزیر صنعت و پیداوار خسرو بختیار آکھیے جو حکومت ساݙھے ترائے سال اچ سرمایہ کاری دے ودھارے کیتے ٻہوں سارے اقدامات کیتے، حکومت پہلی واری پائیدار اقتصادی ترقی کیتے جاری کھاتیں دے خسارے اچ کمی تے توجہ ݙتی اے ڳال انہاں خمیس کوں انڈسٹریل اتے ایکسپورٹ پالیسی تے منعقدہ ورکشاپ اچ خطاب کریندے ہوئیں آکھی اے ورکشاپ دا مقصد نویں صنعتی پالیسی تے وزارتاں وچال مشاورت کوں ترغیب ݙیوݨ ہئی

ورکشاپ اچ وزیر خزانہ شوکت ترین اتے مشیر ماحولیاتی تبدیلی امین اسلم شرکت کیتی۔تقریب اچ چیئرمین سرمایہ کاری بورڈ تے ڈپٹی چیئرمین پلاننگ کمیشن وی خطاب کیتا ، وفاقی وزیر آکھیے جو ملک اچ لارج سکیل مینوفیکچرنگ گروتھ تاریخی سطح تے پڄ ڳئی اے اڄوکے سال ساݙی ایل ایس ایم گروتھ دی شرح 12.2فی صد رہی،گزرییل حکومتاں دی بےربط پالیسیاں دی وجہ توں ملکی صنعتی پیداوار مشکل دا شکار رہی اے۔

خسرو بختیار آکھیے جو چھوٹے تے درمیانے کاروبار دے ودھارے کیتے نیشنل ایس ایم ای پالیسی متعارف کروائی، آٹو پالیسی دی بدولت آٹو پارٹس دی لوکل پیداوار 45 فی صد پڄ ڳئی اے ۔

اسلام آباد  (اے پی پی):وفاقی وزیر خزانہ شوکت ترین آکھیے جو وزیر اعظم عمران خان دی قیادت اچ حکومت  شروع توں ہی معیشت کوں بحال کرݨ تے توجہ ݙتی، وݙی محنت نال معیشت دا پاسہ سدھا کیتا ڳئے ، اڄوکے سال معاشی نمو 4.5 توں 5 فیصد دے درمیان  رہݨ دی توقع اے ۔

اے ڳالھ انہاں خمیس کوں انڈسٹریل اینڈ ایکسپورٹ ورکشاپ توں خطاب کریندے ہوئیں آکھی اے ۔وفاقی وزیر آکھیے جو پاکستان 60 دے ݙھاکے اچ ایشیا دی چوتھی وݙی معیشت ہئی ،جیں دی وجہ مضبوط منصوبہ بندی ہئی ،ویلھے دے نال اڄ پاکستان ایشیا دے  پہلے  20 ملکاں اچ وی نی رہیا ۔ انہاںآکھیے جو  وزیر اعظم عمران خان دی قیادت اچ حکومت  آپݨا آغاز معیشت کوں بحال کرݨ دیاں کوششاں توں کیتا

انہاں آکھیے اساں سیونگ ریٹ  کوں بہتر کرݨ تے توجہ کریندے پیوں ، جیں کیتے اساکوں ٹیکنالوجی دے استعمال توں حکومتی آمدن ودھاوݨی اے ، انہاں آکھیے جو پائیدار ترقی کیتے ٹیکس ٹو جی ڈی ریشو کوں موجودہ10فیصد توں 20 فیصد تے گھن ونڄݨا اے ۔

سکیورٹی فورسز مڈی خیل اچ آپریشن کریندے ہوئیں باری تعداد اچ ہتھیار اتے گولہ بارود برآمد کرڳھدے ، آئی ایس پی آر

شمالی وزیرستان(اے پی پی):سکیورٹی فورسز مڈی خیل اچ آپریشن کریندے ہوئیں باری مقدار اچ ہتھیار تے گولہ بارود برآمد کرڳھدے ۔ پاک فوج دے شعبہ تعلقات عامہ (آئی ایس پی آر) دے مطابق سکیورٹی فورسز شمالی وزیرستان دے علاقے مڈی خیل اچ ہتھیاراں تے گولہ بارود دے ذخیرہ دی موجودگی متعلق خفیہ اطلاعات تے آپریشن کیتا تے آپریشن دے دوران کثیر تعداد اچ ہتھیارتے  گولہ بارود برآمد کیتے۔ ہتھیاراں اچ سب مشین گناں، لائٹ مشین گناں، ہینڈ گرنیڈز تے آر پی جی 7 راکٹ دے علاوہ مختلف کیلبر دے رائونڈز وی شامل ہن۔ آئی ایس پی آر دے مطابق مقامی عمائدین آپریشن دی تعریف کرینیدے ہوئیں علاقے توں دہشت گردی کوں منڈھوں مکاوݨ کیتے آپݨے تعاون دا یقین ݙیوائے۔

اسلام آباد  (اے پی پی):صدر مملکت ڈاکٹر عارف علوی آکھیے جو معاشرے اچ صحت تے تعلیم سودھے سماجی مسئلیں متعلق آگاہی ݙیوݨ کیتے کمیونٹی ورکرز کوں ھک پلیٹ فارم تے کٹھا کرݨ اتے انہاں دیاں صلاحیتاں توں فیدہ چاوݨ دی لوڑھ اے۔ ، صحت، تعلیم سودھے سماجی خدمات دی فراہمی ریاست مدینہ دا وژن اے اتے پاکستان تحریک انصاف دی موجودہ حکومت ایں وژن تے عمل پیرا اے۔

اے ڳال انہاں خمیس کوں صحت سہولت پروگرام دے تحت سماجی صحت عامہ دے تحفظ کوں مستحکم بݨاوݨ دے حوالے نال تقریب توں خطاب کریندے ہوئیں آکھی اے ، ایں تقریب دا اہتمام ہیلتھ سروسز اکیڈمی اتے جرمنی دے ادارے  جی آئی زیڈ  کیتا ہئی ۔ صدر مملکت ڈاکٹر عارف علوی آکھیے جو جرمنی دا صحت دیاں سہولتاں دی فراہمی دے حوالے نال تاریخی تے پراݨا تجربہ اے، پاکستان تحریک انصاف دے قیام دے موقع تے جیڑھا منشور تیار کیتا ڳیا ایندے اچ تعلیم تے صحت دے شعبہ کوں ترجیح ݙتی ڳئی

کیوں جو سماجی خدمات دے حوالے نال صحت اتے تعلیم دی فراہمی ریاست مدینہ دا وژن ہئی، جنہاں قوماں صحت تے تعلیم کوں ترجیح ݙتی انہاں قوماں ترقی کیتی ۔ انہاں آکھیے صحت خراب تھیوݨ تے محنت دی کمائی علاج تے خرچ تھی ویندی اے غریب لوک آپݨا علاج کراوݨ کیتے آپݨیاں جائیداداں ویچݨ تے مجبور تھی ویندن تے خاندان دا مالیاتی نظام متاثر تھیندے ۔

اقوام متحدہ اقلیتاں خصوصی طور مسلماناں دے خلاف انسانی حقوق دی سنگین اتے منظم خلاف ورزیاں کیتے بھارت دا احتساب کرے، پاکستان

اسلام آباد (اے پی پی) پاکستان عالمی برادری خصوصی طور اقوام متحدہ اتے بین الاقوامی انسانی حقوق دی تنظیماں توں مطالبہ کیتے جو او اقوام متحدہ اقلیتاں خصوصی طور مسلماناں دے خلاف انسانی حقوق دی سنگین اتے منظم خلاف ورزیاں کیتے بھارت دا احتساب کرے۔

ترجمان دفتر خارجہ بدھ کوں 2020 دے ہولناک دہلی فسادات دی ݙوجھے برسی اتے 1991 اچ مقبوضہ جموں تے کشمیر دے کنان اتے پوش پورہ وستی اچ کشمیری تریمتیں دی اجتماعی ودھیکی دی 31 ویں برسی دے موقع تے جاری ہک بیان اچ عالمی برادری تے زور ݙتا جو او بھارت کوں مقبوضہ جموں تے کشمیر اچ آپݨی ریاستی سرپرستی اچ تھیوݨ آلی دہشت گردی کوں روکݨ

مقبوضہ وادی اچ غیر انسانی فوجی محاصرہ ختم کرݨ اتے اقوام متحدہ دی قرارداداں دے مطابق کشمیریاں کوں انہاں دے حق خودارادیت دا استعمال کرݨ تے مجبور کرے۔

اسلام آباد (اے پی پی) اسپیکر قومی اسمبلی اسد قیصر بدھ کوں اسلام آباد اچ انسٹی ٹیوٹ آف ریجنل اسٹڈیز اسلام آباد (آئی آر ایس آئی ) ولوں علاقائی ڈائیلاگ 2022 “جنوبی ایشیا اچ ابھردے ہوئے موقع اتے چیلنجز دے افتتاحی اجلاس توں خطاب کریندیں ہوئیں آکھیا جو خارجہ پالیسی ملکی سماجی تے اقتصادی فائدے دے تحفظ تے اے۔ انہاں آکھیا جو خطے اچ امن تے ترقی کیتے پاکستان آپݨے ہمسائے ملکاں نال پر امن اتے خوشگوار تعلقات چاہندے۔

اسلام آباد  (اے پی پی) وفاقی وزیر توانائی حماد اظہر آکھیا جو روس دنیا کوں توانائی ݙیوݨ آلا ساریاں توں وݙا ملک اے، وزیراعظم دے دورہ اچ ݙوہیں ملکاں وچال توانائی دے شعبے اچ تعاون کوں ودھاوݨ تے ڳالھ تھیسی۔ بدھ کوں وزیراعظم عمران خان دے دورہ روس بارے ڳالھ مہاڑ کریندیں ہوئیں انہاں آکھیا جو پاکستان اتے روس اچ توانائی دے شعبے اچ تعاون ودھاوݨ دی گنجائش موجود اے۔ ایل این جی بارے ترائے چار منصوبے ایجھے ہن جئیں تے گزریل چھی مہینے اچ پاکستان دا دورہ کرݨ آلی روسی ٹیماں نال پہلے ای ڳالھ تھی ڳئی اے۔

شہباز شریف اتے زرداری پاکستان اچ کرپشن دی تصویراں ہن، ارکان اسمبلی کوں پیساں دی آفر شرمناک رویہ اے، دنیا دی نظراں پیوٹی اتے عمران خان دی ملاقات تے ہن، عوام کوں ریلیف ݙیوݨ کیتے ٻئے پیکجز ڳھدی آندوں، چوہدری فواد حسین

اسلام آباد   (اے پی پی) وفاقی وزیر اطلاعات تے نشریات چوہدری فواد حسین آکھیا جو شہباز شریف اتے زرداری پاکستان اچ کرپشن دی تصویراں ہن، ارکان اسمبلی کوں پیساں دی آفر شرمناک رویہ اے، دنیا دی نظراں پیوٹی اتے عمران خان دی ملاقات تے ہن، عوام کوں ریلیف ݙیوݨ کیتے ٻئے پیکجز ڳھدی آندوں۔ لٹ مار کرݨ آلے ݙو وݙے سوداگر رات کوں کٹھے تھین، رات دی ملاقاتاں اچ اے طے تھیے جو ہارس ٹریڈنگ کیتے انہاں کتنے کتنے پیسے پاوڑݨ، ݙوہیں جماعتاں رل تے ملک اچ ہارس ٹریڈنگ ولا ڳھن آوݨ چاہندن جو اساں کائنا تھیوݨ ݙیسوں۔

اپوزیشن کوں چیلنج اے جو او اگلے چووی گھنٹیاں اچ تحریک عدم اعتماد ڳھن تے آوے، انہاں کوں لڳ پتہ ویسی۔ وزیراعظم عمران خان دا دورہ روس اہمیت اختیار کر ڳئے۔ دنیا دی نظراں صدر پیوٹن اتے وزیراعظم عمران خان دی ملاقات تے ہن۔ اے ڳالھیں انہاں بدھ کوں میڈیا نال ڳالھ مہاڑ کریندیں ہوئیں آکھی۔ ایں موقع تے وزیر مملکت برائے اطلاعات فرخ حبیب وی موجود ہن۔ انہاں آکھیا جو وزیراعظم عمران خان پی ٹی آئی دی سینٹرل ایگزیکٹو کمیٹی دے اجلاس اچ دورہ روس بارے پارٹی کوں اعتماد اچ ڳھدے۔ وزیراعظم عمران خان دی کل صدرپیوٹن نال ملاقات تھیسی۔ انہاں آکھیا جو شہباز شریف اتے زرداری پاکستان اچ کرپشن دی تصویراں ہن،

ارکان اسمبلی کوں پیساں دی آفر شرمناک رویہ اے، دنیا دی نظراں پیوٹی اتے عمران خان دی ملاقات تے ہن، عوام کوں ریلیف ݙیوݨ کیتے ٻئے پیکجز ڳھدی آندوں۔ ہک سوال دے ولدے اچ انہاں آکھیا جو مریم نواز گھبرا ڳئن، مریم اورنگزیب دا بیان شہباز شریف اتے نواز شریف دی منظوری نال آئے۔ نواز شریف ہمیس فوج کوں تقسیم کرݨ دی کوشش کیتی اے۔

شہباز شریف اتے زرداری کرپشن دے وݙے سائنسدان ہن، ملازماں دے اکاؤنٹس اچ آوݨ آلے ارباں روپے دا حساب ݙیوݨا پمسی، بلدیاتی انتخابات بارے پارلیمانی بورڈ ٻݨا ݙتا ڳئے، وزیرمملکت اطلاعات تے نشریات فرخ حبیب

اسلام آباد   (اے پی پی) وزیرمملکت اطلاعات تے نشریات فرخ حبیب آکھیا جو شہباز شریف اتے زرداری کرپشن دے وݙے سائنسدان ہن، ملازماں دے اکاؤنٹس اچ آوݨ آلے ارباں روپے دا حساب ݙیوݨا پمسی، بلدیاتی انتخابات بارے پارلیمانی بورڈ ٻݨا ݙتا ڳئے، پنجاب اچ بلدیاتی انتخابات بارے پارلیمانی بورڈ دا اجلاس تھیندا پئے۔ اے ڳالھیں انہاں بدھ کوں میڈیا نال ڳالھ مہاڑ کریندیں ہوئیں آکھی۔

اسلام آباد۔   (اے پی پی):پاکستان اچ تعینات روسی سفیر ڈینیلا گانچ آکھیے جو روس پاکستان اچ ٹیکنالوجی شعبے اچ سرمایہ کاری اتے کجھ گروپس دے نال اقتصادی تعاون اچ دلچسپی رکھیندے ، روس توانائی دے شعبے اچ پاکستان دے نال ہرطرح دے تعاون کیتے تیار اے، ݙوہیں ملک مفادات اچ تعاون دی بنیاد تے ݙو طرفہ تعلقات کوں اڳوں ودھیسن ، سانجھے تعلقات دے حوالے نال ݙوہیں ملکاں دا مستقبل روشن اے۔ بدھ کوں پی ٹی وی ورلڈ نیوز کوں انٹرویو ݙیندے ہوئیں انہاں آکھیے جو وزیراعظم عمران خان دا دورہ روس ݙوطرفہ تعاون اچ ودھارے کیتے اہم اے ، اے دورہ ݙوہیں ملکاں وچال مختلف امور تے ڳال مہاڑ کیتے چنڳاں اے ، ݙوہیں ملکاں دی اعلی قیادت دے مذاکرات سانجھے تعلقات دے استحکام کیتے فیدہ مند ہوسن۔ روسی سفیر آکھیے جو پاکستان تے روس ھک ݙوجھے دے نیڑے آندے پئن تے ݙوہیں ملکاں وچال تعلقات ودھدے پئن ، انہاں آکھیے جو مذہب ھک مقدس چیز اے، سارے عقیدے تے مذہب دا احترام ضروری اے، کہیں مذہب دی توہین آزادی اظہار رائے کائنی ، کہیں کوں آپݨے نظریات ݙوجھیں تے مسلط کرݨ دا کوئی حق کائنی ۔ روسی سفیر آکھیے جو روس تے پاکستان ݙوطرفہ طور تے افغانستان اچ انسانی بحران اتے دہشتگردی مکاوݨ کیتے ٻہوں کجھ کریندے پئن ، انہاں آکھیے روس تے پاکستان دی افواج وچال وفد دے تبالے کیتے مسلسل رابطے جاری ہن ۔

اسلام آباد (اے پی پی):پاکستان بھارت کوں اٹاری واہگہ سرحد دے رستے طور خم تئیں افغانستان کیتے انسانی ہمدردی دی بنیاد تے 50 ہزار میٹرک ٹن کݨک تے زندگی بچاوݨ آلیاں دوائیں دی زمینی رستے توں استثنیٰ دی بنیاد تے ترسیل دی اجازت ݙیوݨ تے رضا مندی ظاہر کرݙتی اے ۔

ٻدھ کوں دفتر خارجہ دے ترجمان عاصم افتخار ھک بیان اچ آکھیے جو 40 افغان ٹرکاں دا پہلا قافلہ جیڑھا جو طورخم دے رستے پاکستان اچ داخل تھیا ہئی اٹاری واہگہ سرحد توں بھارتی کݨک دی کھیپ گھنݨ دے بعد ٻدھ کوں افغانستان کیتے واپس روانہ تھی ڳئے ۔

ترجمان آکھیے ج وپاکستان انسانی بنیاداں تے خوش اسلوبی نال ترسیل دی سہولت ݙیوݨ کیتے سارے فریقاں دے نال نیڑے رابطے وچ ہے ۔

اسلام آباد  (اے پی پی):وزیر خارجہ مخدوم شاہ محمود قریشی آکھیے جو 26  فروری سندھ دی تاریخ اچ ھک اہم ݙینھ ہوسی ، سندھ دی ناقص طرز حکمرانی، لٹ مار، کرپشن دے نظام توں تنگ لوکاں کیتے ٻاہر نکلݨ تے قدم ودھاوݨ دا اہم موقع اے ۔ ٻدھ کوں ”سندھ حقوق مارچ” دے حوالے نال سندھ دے عوام دے ناویں اہم ویڈیو پیغام اچ وزیر خارجہ آکھیے جو میں اتے اساݙی پاکستان تحریک انصاف سندھ دی قیادت سندھ آ ندے پئن ، اساں سندھ دی عوم نال ”عوامی رابطہ مہم” دا آغاز کریندے پیوں ۔ انہاں آکھیے اساں سندھ دے عوام کوں حقائق ݙساوݨ چاہندوں جو پچھلے 15 سالاں اچ انہاں دے نال کیا تھئے ،اساں سندھ دے عوام نال رجوع کریسوں ۔ وزیر خارجہ آکھیے اے دورہ پورے 27 ضلعیں تے محیط ہو سی، 26 فروری توں سندھ حقوق مارچ شروع تھیسی تے 6 مارچ کوں مک ویسی ، انہاں آکھیے جیڑھے لوک سندھ دی ناقص طرز حکمرانی، لٹ مار، کرپشن دے نظام توں تنگ آ چکن انہاں کوں درخواست کریساں جو اڄ موقع اے ٻاہر نکلݨ دا ، قدم ودھاوݨ دا آؤ رل تے سندھ اچ تبدیلی دا آغاز کروں۔

اسلام آباد۔  (اے پی پی):صدر مملکت ڈاکٹر عارف علوی پارلیمنٹ دی ڈیجیٹلائزیشن دے منصوبے کوں جنوری 2023 تئیں مکمل کرݨ دی ہدایت کریندے ہوئیں آکھیے جو ایں اقدام توں پارلیمان دی کاکردگی اچ ودھارا تھیسی تے قانون سازی دے عمل  اچ بہتری آسی ۔ او ٻدھ کوں اتھاں پارلیمان کوں سائبر صلاحیتاں توں لیس کرݨ دے حوالے نال اجلاس دی صدارت کریندے پئے ہن

اجلاس اچ منصوبے دی سٹیئرنگ کمیٹی دی طرفوں منصوبے تے تھیوݨ آلی پیشرفت تے بریفنگ ݙتی ڳئی۔ صدر مملکت منصوبے تے ہݨ تئیں تھیوݨ آلی پیشرفت دی تعریف کیتی ، انہاں منصوبے کوں مقررہ مدت دے مُطابق جنوری 2023 تئیں مکمل کرݨ تے زور ݙتے اتے آکھیے جو منصوبے دی تکمیل توں متعلقہ اداریں دی کارکردگی اچ بہتری اتے شفافیت گھن آوݨ اچ مدد مل ویسی۔

صدر مملکت آکھیے جو پارلیمنٹ دی ڈیجیٹلائزیشن دے منصوبے توں پارلیمان دی کارکردگی اچ ودھارا تھیسی تے قانون سازی دے عمل اچ بہتری آسی ۔

پاکستان ءچ کورونا وائرس نال متاثر تھیوݨ والیاں کیتے قرنطینہ دی مدت گھٹا ڈیتی گئی گیساں ءچ ودھاوا تھیندا پئے ٢٤ گھنٹیاں دے دوران مزید ٧ ہزار ١٩٥ بندے ایندا شکار تھٗے ھن

نیشنل کمانڈ اینڈ آپریشن سینٹر ( این سی او سی ) دء مطابق گزریل ٢٤ گھنٹیاں ءچ وائرس دی تشخیص پاروں ٥٧ ھزار ٤٠١ ٹیسٹس کیتے گئے جیندے نیتجے ءچ کیس مثبت آوݨ دی شرح ١٢ اعشاریہ ٥٣ فیصد رہی۔

Statistics 24 Jan 22:
Total Tests in Last 24 Hours: 57,401
Positive Cases: 7195
Positivity %: 12.53%
Deaths :8
Patients on Critical Care: 1,113

— NCOC (@OfficialNcoc) January 24, 2022

ایندے علاوے مزید ٨ مریض بیماری دے وجہ نال دم توڑ گئے جیندے نال ھݨ تک تھیوݨ والی میتاں دی تعداد ٢٩ ھزار ١٠٥ تک پھج گئی ھِ ، ملک دے مختلف حصیاں ءچ وائرس تے مرݨ والیاں ڊی تعداد کجھ ایویں ھِ

• سندھ: 3 ہزار 125 کیسز، 3 اموات

• پنجاب: 2 ہزار 108 کیسز، 3 اموات
• خیبرپختونخوا:895 کیسز، ایک موت
• بلوچستان: 31 کیسز
• اسلام آباد: 856 کیسز
• آزاد کشمیر: 182 کیسز، ایک موت

• گلگت بلتستان: 8 کیسز

ملک ءچ ایں ویلے کورونا وائرس دے ٧٦ ھزار ٦١٧ کیس فعال ھن یں اچوں ھک ھزار ١١٣ دی حالت تشویش ناک ھِ علاوہ ازیں مزید ٨٣٣ بندے بیماری نال شفا یاب تھئے یندے بعد ھݨ تک صحت یاب تھیوݨ والیاں دی مموعی تعداد ١٢ لکھ ٦٩ ھزار ٧٨ تھئی گئی ھِ

وزیر اعظم عمران خان نے اپوزیشن جماعتاں کوں خبردار کریندے ہووے آکھا کہ اگر میں حکومت توں باہر نکلا تاں تساڈے کیتے خطرناک ہوسان تے میں سڑکاں تے نکل آیا تے تساڈے لوکنڑ دی جا نا ہوسی کیونکہ لوگ تساں کوں سنجھان گئے ھن

انہاں ایں گالھ دا اظہار اپنڑیں نال منتخب ھک پروگرام آپ کا وزیر اعظم اچ لوگاں نال ٹیلی فون تے گالھ مہاڑ کریندے ہوئے آکھیا

LIVE #APPNews: Prime Minister Imran Khan talking with general public & directly responding their questions on telephone. Session-1 @PakPMO @ImranKhanPTI #آپکاوزیراعظمآپکے_ساتھ https://t.co/bYHBPds9Hv

— APP 🇵🇰 (@appcsocialmedia) January 23, 2022

وزیر اعظم عمران خان قوم نال گالھ مہاڑ کریندے ہووے آکھیا کہ کافی ویلے توں میں تساں نال گالھ مہاڑ نی کر سکا، اصولا تاں میکوں پارلیمنٹ اچ اے گالھ کرنی چاھیدے ھ لیکن بدقسمی نال پارلیمنٹ اچ اپویشن گالھ نی کرن ڈیندی۔ انہاں آکھیا کہ پارلیمنٹ اچ این آر او دی تانگ اچ لوگ بیٹھے ھن انہاں دے مطالبات پورے نہ کرو تاں او گالھ ہی نہ کرن ڈیندے۔

انہاں آکھیا کہ پاکستان ھک عظیم خواب دا ناں ھِ علامہ اقبال نے پاکستان دا خواب ڈیٹھا کہ کوئی ایہو جئی ریاست بنڑے جئیں کوں ڈیکھ تے دنیا کوں پتہ چل ونجے کہ حقیقی فلاحی ریاست کیا ہوندی ھِ

انہاں آکھیا کہ جئیں مقصد پاروں اساں ملک بنڑایا ھا جئیں ویلے تک ایں مقصد تے عمل نہ کریسوں اساں ترقی نی کر سکدی ، مہنگائی دے پاروں سوال دا جواب ڈیندے ہووے وزیر اعظم آکھیا کہ میکوں احساس ھِ ای ایہو جئی شہ ھ، جو میکوں کئی واری راتاں کوں جگا ٖڈیندی ھِ اساں ماضئ دی حکومتاں دا چھوڑا ہوھیا پاکستان دی تاریخ دا سب تون وڈا کرنٹ اکاونٹ خسارہ ملے۔ انہاں آکھیا کہ ماضی دی حکومتاں دے خسارے دی وجہ توں روپے تے وزت پئے جئیں نال مہنگائی اچ تیزی نال اضافہ تھئے

اسلام آباد۔23جنوری(اے پی پی)وزیراعظم عمران خان آکھیے اپوزیشن اپݨی چوری بچاوݨ کیتے سڑکاں تے نکلدی پئی اے، جیکر میں حکومت توں نکل تے سڑکاں تے آیا تاں ودھ خطرناک تھی ویساں اتے مخالفین کوں ٻھڄݨ دی راہ نہ ملسی، قوم ولا وی میݙے نال تھیسی اتے آندی واری وی ساݙی اے، مجرماں نال مفاہمت کیتی تاں اے قوم نال غداری ہوسی۔ آݙت کوں ”آپ کا وزیراعظم آپ کے ساتھ” پروگرام اچ عوام نال براہ راست ٹیلی فون تے الیندے اتے انہاں دے سوالاں دا ولدا ݙیندے وزیراعظم عمران خان آکھیے ہر بے روزگار اتے ملکی دولت لٹݨ آلا سیاستدان شور مچیندے جو میں حکومت ݙھوا ݙیساں، ݙیل تھی ڳئی اے، اے ترائے سالاں توں ساکوں ݙھواوݨ اچ اتے ناکام قرار ݙیوݨ اچ ردھے ہوئن بھل قوم انہاں کوں سنڄاݨ چکی اے اتے اے ول ول ناکام تھیندن، حکومت اپݨی آئینی مدت پوری کریسی، اڳلی واری وی ساݙی اے، اے ٻھالا ڄھلن ڄݙاں میں سڑکاں تے آیا تاں ودھ خطرناک تھی ویساں اتے انہاں کوں ٻھڄݨ دا موقع نہ ملسی۔ وزیراعظم عمران خان نوازشریف دی وطن واپسی دی دعا کریندے آکھیا جو میکوں ایندے ولݨ دی تانڳھ اے، میں شہبازشریف کوں اپوزیشن لیڈر نئیں قومی مجرم سمجھداں ڄئیں ڄوانترے اتے پتر کوں ملک توں فرار کرائے، انہاں دیاں تقریراں تقریری ڳھٹ اتے نوکری دی درخواست زیادہ ہوندن، شہبازشریف کیس روزانہ دی بنیاد تے سݨ تے فیصلہ تھیوݨا چاہیدے، مشرف 2 ٹٻراں دی چوری معاف کرتے جرم کیتے، میں ڈاکوؤں نال مفاہمت نہ کریساں۔

اسلام آباد۔23جنوری(اے پی پی)وزیراعظم عمران خان آکھیے جو ملک کوں اسلامی فلاحی ریاست ٻݨاوݨ دے رستے تے ٹردے پئے ہیں، کورونا نال کامیابی نال نمٹیے ہیں، ہݨ مہانڳ نال وی نمٹسوں، محصولات اچ ودھارے دے نال نال تنخواہیں وی ودھیسوں، جے تئیں ایں ملک دے ٻݨآوݨ دے مقصد تے نہ ٹرسوں کامیاب نسے تھی سڳدے۔ آݙت کوں ”آپ کا وزیراعظم آپ کے ساتھ” پروگرام اچ عوام نال براہ راست ٹیلی فون تے الیندے اتے انہاں دے سوالاں دا ولدا ݙیندے وزیراعظم عمران خان آکھیے ساݙی حکومت کو بحران ترکے اچ ملیے ہن بھل چنڳیاں پالیسیاں پاروں وݙے مسلیاں تے قابو پا ڳھدے جیویں کرونا بحران اچوں نکلیے ہیں، ایویں مہانڳ تے وی قابو پیسوں اتے عوام کوں ودھ توں ودھ ریلیف ݙتا ویسی۔ وزیراعظم آکھیا جو میں پارلیمنٹ اچ سوالاں دا ولدا ݙیوݨ چاہندا ہم بھل اتھاں این آر او منگݨ آلے شور مچا ݙیندے ہن اتے میکوں الاوݨ نئیں ݙیندے، سیاست اچ آوݨ توں پہلے ہی ﷲ ہر شے ݙے ݙتی ہوئی بھل انہاں کوں سیاست اچ آوݨ توں پہلے کوئی وی نہ ڄاݨدا ہا، میں 25 سال پہلے اسلامی فلاحی ریاست دے منشور نال سیاست اچ آیاں اتے میکوں آہدن جو اے مذہب دے پچھو لکدے۔ انہاں آکھیا جو کرونا ڄڳ دی وݙی وبا ہئی جیندے توں کوئی نئیں بچیا، وݙیاں وݙیاں معیشتاں آن ݙٹھن بھل پاکستان او کلہا ملک اے ڄیڑھا درست سمت اچ اڳو تے ودھدا پئے، میکوں مہانڳ سمݨ نئیں ݙیندا۔ صدارتی نظام بارے انہاں آکھیا جو میں ایں مافیا دے خلاف سیاست اچ آیاں جئیں این آر او کیتے ہر ویلھے بلیک میل کرݨے بھل میں ملک دے وݙے ڈاکواں نال کوئی مفاہمت اتے سمجھوتہ نہ کریساں۔

اسلام آباد۔23جنوری(اے پی پی)سٹار پاکستانی وکٹ کیپر بیٹسمین محمد رضوان کوں چنڳی کارکردگی دا پھل مل ڳئے اتے انہاں آئی سی سی مینز ٹی ٹونٹی کرکٹر آف دی ایئر 2021ء دا ایوارڈ اپݨے ناویں کر ڳھدے۔ انگلش بیٹر ٹامی بیومونٹ ویمنز ٹی ٹونٹی آف دی ایئر ایوارڈ ڳھدے۔ آئی سی سی سال 2021ء اچ چنڳی کارکردگی ݙکھاوݨ آلے مردوخواتین کھلاڑیاں کیتے ایوارڈز دا اعلان کیتے۔ محمد رضوان سال 2021ء اچ 29 ٹی ٹونٹی میچز اچ 73.66 دی اوسط نال 1326 رنز ٻݨائن اتے وکٹاں دے پیچھو 22 شکار وی کیتن۔ او پچھلے سال ٹی ٹونٹی ورلڈکپ اچ ودھ رنز ٻݨاوݨ آلے بلے بازاں اچ تریڄھے نمبر تے رہین۔ رضوان کیلنڈر ایئر اچ ہزار ٹی ٹونٹی انٹرنیشنل اتے کل ٹی ٹونٹی میچز اچ 2 ہزار رنز ٻݨآوݨ آلے ڄڳ دے پہلے بیٹر ہین۔ ٻئے پاسو پاکستان دی فاطمہ ثنا آئی سی سی ویمنز ایمرجنگ کرکٹر آف دی ایئر ایوارڈ ڳھدے۔ انہاں سال 2021ء اچ 16 ٹی ٹونٹی میچز اچ 165 رنز ٻݨائن اتے 24 وکٹاں ڳھدن۔

اسلام آباد۔23جنوری(اے پی پی)چیئرمین پاکستان علماء کونسل و نمائندہ خصوصی وزیر اعظم پاکستان برائے بین المذاہب ہم آہنگی و مشرق وسطیٰ حافظ محمد طاہر محمود اشرفی آکھیے جو خلافت راشدہ دا نظام مشاورتی نظام اے، مشاورتی عمل نال ہی خلفاء راشدین نظام چلایا ہا، اے نظام بادشاہت دے خلاف  ے۔ سیدنا صدیق اکبر ؓسیمینار نال خطاب اتے میڈیا نال الیندے انہاں آکھیا جو بادشاہت اچ احتساب اتے انصاف نا ممکن تھی ویندے، خلافت اچ ہی احتساب اتے انصاف بنیاد اے، اڄ پاکستان اچ پورے نظام اتے خاص کر نظام عدل دی اصلاح دی لوڑھ اے جیندے کیتے ساریاں جماعتاں کوں سوچݨا چاہیدے، امید اے نویں چیف جسٹس صاحب ایندے تے توجہ ݙیسن۔ سیمینار نال خطاب اچ مقررین مولانا محمد خان لغاری، مولانا سید ضیاء اللہ شاہ بخاری، مولانا محمد اسلم صدیقی، علامہ زبیر عابد، مولانا محمد اسلم قاری، مفتی محمد علی نقشبندی، مولانا اسد اللہ فاروق، مولانا قاری شمس الحق، مولانا عبد الحکیم اطہر، مولانا عبد القیوم فاروقی، مولانا قاری مبشر رحیمی، مولانا عبد الغفار فاروقی اتے ٻنھاں آکھیا جو ملک اچ فساد کھنݙاوݨ دی ہر سازش کوں اتحاد نال ناکام ٻݨیسن، پیغام پاکستان ضابطہ اخلاق آئین پاکستان دے بعد متفقہ دستاویز اے۔

‘معیشت بہتر تھیندی پئی اے، ٹیکس ریونیو 6 ہزار 1 سو ارب روپے تئیں پڄ ڳئے، وفاقی وزیر منصوبہ بندی اسد عمر

اسلام آباداے پی پی)وفاقی وزیر برائے منصوبہ بندی اسد عمر آکھیے جو ری بیسنگ پاروں معیشت بہتر تھیندی پئی اے، ٹیکس ریونیو 6 ہزار 1 سو ارب روپے تئیں پڄ ڳئے، وزارت خزانہ اتے اسٹیٹ بینک دی پالیسیاں ترقی دی وجہ ہین، معیشت کوں 3 وݙے مسائل بچت نہ ہووݨ، سرمایہ کاری اتے ٹیکس کلیکشن اچ کمی سودھا برآمدات اچ سست روی شامل ہین۔

نجی ٹی وی نال الیندے انہاں آکھیا جو گو جی ڈی پی شرح پہلے توں چنڳی نئیں بھل پچھلے 2 سال اچ ٹیکس ریونیو ودھیے اتے 3700 ارب توں ودھ تے 6100 ارب تھی ڳئے، کیش کاروبار دی حوصضہ شکنی کرݨی ہوسی، جیکر اے نظام فوری تبدیل کیتا تاں معیشت منجمد تھیوݨ دا خدشہ اے،

ایندا حل ڈیجیٹل اکانومی اتے ڈیجیٹل کامرس اے، گردشی قرضہ سال دے آخر اچ 300 ارب تئین ڳھٹاوݨ دا ہدف اے، ایف بی آر اچ محنت دی لوڑھ اے، پرائمری بیلنس رواں آمدن اتےاخراجات تے ہوندے ایندے تے خسارہ پچھلے 15 سال اچ کم ترین رہے۔

اسلام آباد۔22جنوری (اے پی پی)وزیرداخلہ شیخ رشید احمد آکھیے جو ٹی ٹی پی پاکستانی جھنڈے ہیٹھ آوے تاں الاوݨ کوں تیار ہیں، ساݙے نال بھڑسن تاں نہ چھڑیسوں، اڄوکے دہشتگردی واقعات نال قوم دے حوصلے نا ڈھاسن، دہشتگرداں کوں شکست فاش تھیسی، پوری قوم اتے سیکیورٹی ادارے ہک مٹھ ہین، 23 امرچ کوں او آئی سی رہنما پاکستان آندے پین، اپوزیشن 23 مارچ دے احتجاج تے غور کرے جیکر قانون ہتھ اچ نہ ڳھدا تاں کؤئی کڄھ نا آکھسی۔ اسلام آباد اچ پریس کانفرنس کریندے انہاں آکھیا جو او آئی سی اجلاس کیتے اسلام آباد اچ 21 مارچ توں کڄھ ݙینھ سڑکاں بند تھی سڳدن، اپوزیشن 23 دے بجائے بیشک 27 کوں مارچ کر ڳھنے۔ انہاں آکھیا جو اڄوکے دہشتگردی واقعات دی تحقیقات جاری ہین، کہیں ذمہ داری نئیں منی بھل ایندے اچ بیرونی ہتھ ملوث تھی سڳدے، کہیں وی ناخوشگوار واقعے نال نبڑݨ کیتے سیکیورٹی ادارے الرٹ ہین۔ انہاں آکھیا جو عمران خان اپوزیشن دیاں جڑاں اچ ٻیھ ڳین، اپوزیشن کیہڑے نک نال عدم اعتماد دی ڳالھ کریندی اے، حکومت کتھائیں ویندی پئی اے نا وزیراعظم کوں کوئی ہلا سڳدے، ایمرجنسی اتے صدارتی نظام دیاں ڳالھیں صرف شوشݨی ہین۔ انہاں واضح کیتا جو میݙے وزیر داخلہ ہوندے اسلام آباد اچ ناکے بحال نہ تھیسن۔

اسلام آباد۔22جنوری(اے پی پی)وفاقی وزیر برائے منصوبہ بندی اسد عمر آکھیے جو ری بیسنگ پاروں معیشت بہتر تھیندی پئی اے، ٹیکس ریونیو 6 ہزار 1 سو ارب روپے تئیں پڄ ڳئے، وزارت خزانہ اتے اسٹیٹ بینک دی پالیسیاں ترقی دی وجہ ہین، معیشت کوں 3 وݙے مسائل بچت نہ ہووݨ، سرمایہ کاری اتے ٹیکس کلیکشن اچ کمی سودھا برآمدات اچ سست روی شامل ہین۔ نجی ٹی وی نال الیندے انہاں آکھیا جو گو جی ڈی پی شرح پہلے توں چنڳی نئیں بھل پچھلے 2 سال اچ ٹیکس ریونیو ودھیے اتے 3700 ارب توں ودھ تے 6100 ارب تھی ڳئے، کیش کاروبار دی حوصضہ شکنی کرݨی ہوسی، جیکر اے نظام فوری تبدیل کیتا تاں معیشت منجمد تھیوݨ دا خدشہ اے، ایندا حل ڈیجیٹل اکانومی اتے ڈیجیٹل کامرس اے، گردشی قرضہ سال دے آخر اچ 300 ارب تئین ڳھٹاوݨ دا ہدف اے، ایف بی آر اچ محنت دی لوڑھ اے، پرائمری بیلنس رواں آمدن اتےاخراجات تے ہوندے ایندے تے خسارہ پچھلے 15 سال اچ کم ترین رہے۔

اسلام آباد۔22جنوری (اے پی پی)وزیرداخلہ شیخ رشید احمد آکھیے جو ٹی ٹی پی پاکستانی جھنڈے ہیٹھ آوے تاں الاوݨ کوں تیار ہیں، ساݙے نال بھڑسن تاں نہ چھڑیسوں، اڄوکے دہشتگردی واقعات نال قوم دے حوصلے نا ڈھاسن، دہشتگرداں کوں شکست فاش تھیسی، پوری قوم اتے سیکیورٹی ادارے ہک مٹھ ہین، 23 امرچ کوں او آئی سی رہنما پاکستان آندے پین، اپوزیشن 23 مارچ دے احتجاج تے غور کرے جیکر قانون ہتھ اچ نہ ڳھدا تاں کؤئی کڄھ نا آکھسی۔ اسلام آباد اچ پریس کانفرنس کریندے انہاں آکھیا جو او آئی سی اجلاس کیتے اسلام آباد اچ 21 مارچ توں کڄھ ݙینھ سڑکاں بند تھی سڳدن، اپوزیشن 23 دے بجائے بیشک 27 کوں مارچ کر ڳھنے۔ انہاں آکھیا جو اڄوکے دہشتگردی واقعات دی تحقیقات جاری ہین، کہیں ذمہ داری نئیں منی بھل ایندے اچ بیرونی ہتھ ملوث تھی سڳدے، کہیں وی ناخوشگوار واقعے نال نبڑݨ کیتے سیکیورٹی ادارے الرٹ ہین۔ انہاں آکھیا جو عمران خان اپوزیشن دیاں جڑاں اچ ٻیھ ڳین، اپوزیشن کیہڑے نک نال عدم اعتماد دی ڳالھ کریندی اے، حکومت کتھائیں ویندی پئی اے نا وزیراعظم کوں کوئی ہلا سڳدے، ایمرجنسی اتے صدارتی نظام دیاں ڳالھیں صرف شوشݨی ہین۔ انہاں واضح کیتا جو میݙے وزیر داخلہ ہوندے اسلام آباد اچ ناکے بحال نہ تھیسن۔

اسلام آباد۔22جنوری(اے پی پی)وفاقی وزیرخزانہ شوکت ترین آکھیے جو پاکستان پائیدار نمو دے عشرے اچ ویندا پئے، آندے ݙھاکے اچ  آمدنی اچ خلیج ڳھٹ ویسی، روزگار دے مواقع ودھسن اتے انسانی ترقی اچ بہتری آسی۔ اپݨے ٹویٹ س اچ انہاں آکھیا جو کرونا دی بعد صورتحال دی بحالی بارے پاکستان تے اکانومسٹ دی رپورٹ حوصلہ افزا اتے ساݙی معاشی کامیابی دا ثبوت اے، پاکستان اچ معاشی و معمول دا جیوݨ بحالی دی عکاسی مالی سال 2021 اچ 5.37 فیصد دی نظرثانی شدہ مجموعی قومی پیداوار(جی ڈی پی) اچ نمو نال ݙسدی پئی اے، اے پچھلے 14 سالاں اچ ݙوڄھی واری پاکستان دی معیشت دی بہترین کارگردگی اے۔ وزیرخزانہ آکھیا جو پاکستان ڈھانچہ جاتی اصلاحات اتے جامع و پائیدار نمو دی راہ تے اڳو تے ودھدا پئے، امکان اے جو آندے ݙاہ سال اچ آمدنی اچ خلیج ڳھٹ ویسی۔

اسلام آباد (اے پی پی)وزیراعظم عمران خان پچھلے 3 سال اچ جی ڈی پی 5.37 فیصد نمو تے حکومت کوں مبارک ݙیندے آکھیے جو حکومت دی اقتصادی اصلاحات دی کامیابی دا عالمی سطح تے اعتراف تھیندا پئے، کرونا دی وبا دے بعد حالات معمول تے ڳھن آوݨ اچ پاکستان دا ݙوڄھا نمبر اے۔ اپݨے ٹویٹس اچ انہاں آکھیا جو ساݙے 3 سالاں اچ مجموعی قومی پیداوار (جی ڈی پی) اچ 5.37 فیصدودھوتری کیتی اے، ایندے نال روزگار ملیے اتے فی کس آمدنی ودھی اے، ساݙیاں معاشی اصلاحات کوں ڄڳ منیدا پئے، بلوم برگ وی پاکستان دی معیشت اچ پائیدار تسلسل اتے روزگار ودھݨ دی پیشگوئی کیتی اے، ظاہر تھیندے جو پاکستان اچ جیوݨ اتے روزگار دے تحفظ کیتے ودھ اقدامات تھیندے پن۔ انہاں آکھیا جو دی اکانومسٹ اپݨی تازہ ترین نارمیلسی انڈیکس اچ پاکستان دی کامیابی منی اے۔ وزیراعظم اپݨے ٹویٹس اچ “دی اکانومسٹ” دا گراف وی پیش کیتے۔

اسلام آباد (اے پی پی)وزارت اطلاعات و نشریات، پاکستان ٹیلی ویژن اتے بگر پکچر کنسلٹنگ وچال “ٹیپو سلطان” تے تاریخی سیریل ٻݨاوݨ کیتے مفاہمت دی یادداشت تے دستخط تھی ڳین، ایں سانڳے تقریب اچ وفاقی وزیر اطلاعات و نشریات چوہدری فواد حسین، سیکریٹری اطلاعات شاہیرہ شاہد، ایم ڈی پی ٹی وی اتے بگر پکچر کنسلٹنگ دے نمائندے وی موجود ہن۔ 6 سیزنز (78 اقساط) دے سیریل دا ابتدائی سیزن ہک سال اچ جاری کیتا ویسی۔ اے مفاہمت دی یادداشت ݙو سال کیتے ہوسی، پروڈکشن کیتے مد ہک سال ہوسی۔ وزارت اطلاعات و نشریات مسلماناں دی عظیم و تاریخی شخصیت ٹیپو سلطان تے سیریز ٻݨاوݨ، مارکیٹنگ اتے سرکاری ٹی وی (پی ٹی وی) تے نشر کرݨ کیتے ہتھ ونݙیسی۔

اسلام آباد۔(اے پی پی)وفاقی وزیر برائے منصوبہ بندی، ترقی، اصلاحات و خصوصی اقدامات اسدعمر آکھیے جو وزیراعظم اپݨی مدت پوری کریسن، حکومت دے ونڄݨ دیاں خبراں چاہ دی پیالی اچ بھوں مچاوݨ توں علاوہ ٻیا کڄھ کائنی۔ نجی چینل نال الیندے انہاں آکھیا جو پی ڈی ایم دی پہلی تحریک وی فشوں تھئی ہئی، ہݨ ول کوشش اے جو بھوں مچایا ونڄے، نواز شریف نااہل اتے بیرون ملک فرار ہین۔ انہاں آکھیا جیکر عمران خان نہ ہوندے تاں سیاست اچ نہ آندا، پی ٹی آئی اچ اینڄھا کڄھ نئیں ݙٹھا جو عمران خان دی لیڈر شپ چیلنج کیتی ڳئی ہووے، کے پی کے بلدیاتی الیکشن اچ ودھ ووٹ ڳھدن اتے ن لیگ پیپلزپارٹی توں زیادہ تحصیلاں جیتن بھل پی ٹی آئی کوں اتھو وی چنڳی کارکردگی ݙیوݨی چاہیدی ہئی۔ اسد عمر آکھیا جو مسلم لیگ ن اتے پیپلزپارٹی وراثتی پارٹیاں ہین، مہانگ صرف پاکستان اچ نئیں عالمی سطح تے وی ودھ اے۔

اسلام آباد(اے پی پی)وفاقی وزیر اطلاعات و نشریات چوہدری فواد حسین آکھیے جو دبئی ایکسپو اچ پاکستان انکلوژر چ صبحائیں (جمعہ) 21 جنوری توں 26  فروری تئیں 11 پاکستانی فلماں ݙکھایاں ویسن۔

ہک ٹویٹ اچ انہاں آکھیا جو اے سال پاکستان سینما دی بحالی دا سال ہوسی، ایں سال پی ٹی وی دا فلم ڈویژن ٻݨایا ڳئے ڄیڑھا پبلک پرائیویٹ سیکٹر اچ 10 فلماں ٻݨیسی۔ دبئی ایکسپو اچ پاکستانی فلماں” طیفا ان ٹربل، لوڈ ویڈنگ، پرے ہٹ لو، ایکٹر ان لا، پرواز ہے جنون، بن روئے، ہیر مان جا، پرچی، چھلاوہ، سپر سٹار اتے ساون ݙکھایاں ویسن۔

اسلام آباد(اے پی پی)وزیراعظم عمران خان آکھیے جو راوی اربن ڈویلپمنٹ اتے سنٹرل بزنس ڈسٹرکٹ منصوبے ملک کیتے اہم ہین، منصوبے ویلھے تے مکمل تھیوݨے چاہیدن، کوتاہی ورتݨ تے سخت کارروائی کیتی ونڄے اتے پنجاب حکومت انہاں منصوبیاں دے خلاف زیرالتوا مقدمات دی موثر پیروی کرے۔ اے ڳالھ انہاں راوی اربن ڈویلپمنٹ اتے سنٹرل بزنس ڈسٹرکٹ منصوبہ بارے جائزہ اجلاس دی اڳواݨی کریندے آکھی۔ وزیراعظم آکھیا جو ساݙی حکومت تعمیرات دے شعبہ اچ وݙے منصوبے ݙتن، حکومت کہیں ذاتی مفاد کیتے نئیں عوامی فلاح و بہبود کیتے کم کریندی پئی اے، راوی اربن ڈویلپمنٹ اتے سنٹرل بزنس ڈسٹرکٹ منصوبہ لاہور اچ آلودگی اتے رہائش دے مسلے مکاوݨ کیتے اہم ہین، پارکاں، فضلے کوں ٹھکانے لاوݨ، صاف توانائی اتے بین الاقوامی معیار انہاں منصوبیاں کوں ماحول دوست ٻݨیسن۔

اسلام آباد(اے پی پی)صدر مملکت ڈاکٹر عارف علوی آکھیے جو ملک اچ پاݨی دے بہتر انتظام کیتے جامع حل دی لوڑھ اے، ماحولیاتی تبدیلی اتے ودھدی آبادی پاروں فی کس پاݨی دی دستیابی ڳھٹی اے۔ او اسلام آباد اچ ملک دے پاݨی دے چنڳے انتظام سانڳے اجلاس دی اڳواݨی کریندے پئے ہن۔

اجلاس اچ پاݨی دے انتظام کیتے سیٹلائٹ اتے مصنوعی ذہانت دے استعمال تے الایا ڳیا۔ صدر مملکت آکھیا جو پاݨی دی کمی پوری کرݨ کیتے پاݨی دے انتظام دا نظام موثر ٻݨاوݨا ہوسی۔ اجلاس اچ ایئر یونیورسٹی اسلام آباد دے کوآرڈینیٹر پروفیسر ڈاکٹر کاشف کفایت ملک اچ پاݨی دی مجموعی صورتحال تے تفصیلی بریفنگ ݙتی اتے مختلف تجاویز وی ݙتن۔

اسلام آباد  (اے پی پی) وزیر اعظم عمران خان آبپاشی بارے سارے جاری منصوبیاں کوں معینہ مدت اچ پورا کرݨ دی ہدایت کریندیں ہوئیں آبی ذخائر کوں ویلھے تے ٻݨاوݨ اتے زرعی زمین کوں آبپاشی نال قابل کاشت ٻݨاوݨ ملکی غذائی تحفظ کیتے ٻہوں اہمیت رکھیندے۔ اے ڳالھیں انہاں خمیس کوں ملک اچ آبپاشی دے نظام دی بہتری کیتے مربوط لائحہ عمل تے جائزہ اجلاس دی صدارت کریندیں ہوئیں آکھی۔ اجلاس کوں صوبیاں اچ پاݨی دی منصفانہ ونڈ کیتے پائیدار تے دیر پا نظام، نہری پاݨی کوں زرعی زمیناں تئیں بغیر ضیان تے پجاوݨ کیتے حکمت عملی، پاݨی چوری کوں روکݨ کیتے موثر نظام اتے آب پاشی دے نظام کوں ودھاتے غیر آباد زمیناں کوں قابلِ کاشت ٻݨاوݨ کیتے منصوبیاں تے بریفنگ ݙتی ڳئی۔  اجلاس اچ وزیراعظم دے مشیر قومی سلامتی ڈاکٹر معید یوسف، نائب چیئرمین منصوبہ بندی کمیشن اتے متعلقہ اعلیٰ افسر شریک تھیے جڈانجو وزیرِاعلیٰ خیبر پختونخوا محمود خان اتے اعلیٰ صوبائی افسرویڈیو لنک توں اجلاس اچ شرکت کیتی۔

اسلام آباد (اے پی پی) صدر مملکت ڈاکٹر عارف علوی دا لاہور دھماکے اچ قیمتی جاناں دے ضیان تے افسوس کیتے۔ خمیس کوں ایوان صدر توں جاری ہک بیان اچ صدرمملکت قیمتی جاناں دے ضیان تے افسوس کیتا اتے جاں ٻحق تھیوݨ آلیاں دے ٹٻراں نال تعزیت کیتی اتے زخمیاں دی جلدی صحت یابی کیتے دعا کیتی۔

اسلام آباد   (اے پی پی) وفاقی وزیر برائے منصوبہ بندی ترقی تے اصلاحات تےخصوصی اقدامات اسدعمر آکھیا جو پاکستان دی معیشت مالی سال 20۔2019  اچ 5.37 فیصد شرح نمو نال ترقی کیتی اے۔ آپݨے ٹویٹ اچ انہاں آکھیا جو اپوزیشن دا بیانیہ زمین بوس تھی ڳئے، اڄ اکانومسٹ نارملسی انڈیکس اچ پاکستان دنیا دا کلھا ملک اے جیڑھا جو ترائیں رینکنگ اچ پہلے ترائے ملکاں اچ آئے جڈانجو پاکستان دی معیشت گزریل 14 سالیں اچ ساریاں توں ودھ ترقی کریندی پئی اے۔ انہاں آکھیا جو نیشنل اکاؤنٹس کمیٹی 21۔2020  کیتے جی ڈی پی دی نمو دی نظر ثانی تھیے تخمینے دی منظوری ݙتی اے جئیں اچ 21۔2020  اچ ترقی 5.37 فیصد ہئی۔ اے گزریل 14 سالیں اچ ݙوجھی بلند ترین شرح اے۔

اسلام آباد  (اے پی پی) وفاقی وزیر اطلاعات فواد چوہدری دا لاہور دھماکہ اچ قیمتی انسانی جاناں دے ضیان تے افسوس کیتے۔ خمیس کوں آپݨے بیان اچ انہاں آکھیا جو دھماکے اچ قیمتی انسانی جاناں دے ضیاع تے افسوس اے۔ انہاں دھماکے اچ جاں بحق تھیوݨ آلیاں دے ٹٻر نال ہمدردی کیتی اتے زخمیاں دی جلدی صحت یابی کیتے دعا کیتی۔

اسلام آباد   (اے پی پی) وزیراعظم عمران خان نال ممبر قومی اسمبلی فضل محمد خان ملاقات کیتی۔ خمیس کوں وزیراعظم آفس دے میڈیا ونگ توں جاری بیان دے مطابق ملاقات اچ ضلع چار سدہ اچ پارٹی دی تنظٰیم سازی اتے ترقیاتی سکیماں بارے معاملیاں تے ڳالھ مہاڑ کیتی ڳئی۔ وزیراعظم مقامی سطح تے کارکناں کوں متحرک کر تے پارٹی کوں مضبوط ٻݨاوݨ دی ہدایت کیتی۔ انہاں ضلعی انتظامیہ نال رل تے عوامی مسئلے دے حل کیتے بھرپور اقدامات کرݨ دی وی ہدایت کیتی۔

اسلام آباد  (اے پی پی) وزیر خارجہ مخدوم شاہ محمود قریشی آکھیا جو پاکستان سوڈان نال ݙو پاسہ تعلقات کوں خصوصی اہمیت ݙیندے اتے انہاں کوں ٻیا مستحکم ٻݨاوݨ چاہندے ۔

اے ڳالھ انہاں سوڈان کیتے نامزد سفیر  میر بہروز ریکی بلوچ  نال ڳالھ مہاڑ کریندیں ہوئیں آکھی جنہاں خمیس کوں وزارت خارجہ اچ انہاں نال ملاقات کیتی۔ وزیر خارجہ ، میر بہروز ریکی بلوچ کوں بطور سفیر نامزدگی تے مبارخ ݙتی اتے پاکستان اتے سوڈان وچال ݙو پاسہ تعلقات دے استحکام بارے خصوصی ہدایت ݙتی۔

سوڈان کیتے نامزد سفیر  میر بہروز ریکی بلوچ  وزیرخارجہ دا شکریہ ادا کیتا اتے پاکستان اتے سوڈان وچال ݙو پاسہ تعلقات ودھاوݨ کیتے کوششاں کرݨ دا یقین ݙوایا۔

اسلام آباد (اے پی پی)کرونا دی شدت ودھݨ لڳ ڳئی اے اتے قائد حزب اختلاف شہباز شریف توں بعد وزیر خزانہ شوکت ترین وی کرونا دا شکار تھی ڳین اتے انہاں دا کرونا ٹیسٹ مثبت آ ڳئے۔

شوکت ترین کرونا پازیٹو آوݨ تے قرنطینہ کر ڳھدے اتے ساریاں سرکاری مصروفیات ترک کر ݙتن۔ وزارت ولوں ݙسایا ڳئے جو طبیعت سنٻھلݨ تے شوکت ترین صرف ویڈیو کانفرنس اجلاساں اچ شرکت کریسن اتے ایں سانڳے ای سی سی سا تھیوݨ آلا اجلاس وی ملتوی کر ݙتا ڳئے۔

اسلام آباد(اے پی پی)وفاقی وزیر نیشنل فوڈ سیکیورٹی اینڈ ریسرچ سید فخر امام دی اڳواݨی اچ ایگریکلچر ٹرانسفورمیشن پلان دی قومی رابطہ کمیٹی دا اجلاس تھئے جیندے اچ کساناں کوں زرعی مداخل اتے کھاد تے سبسڈی دا جائزہ ڳھدا ڳیا۔

وفاقی وزیر سید فخر امام آکھیا جو زرعی پیداوار اچ زرعی قرضے خصوصی اہمیت رکھدن، زرعی شعبے دی کارکردگی ودھاوݨ کیتے کساناں دی قرضاں تئیں پڄ سوکھی کرݨی ہوسی جو حکومت کساناں اتے زرعی شعبے دی ترقی چاہندی اے

ایں سانڳے زرعی پیداوار ودھاوݨ تے کم تھیندا پعے۔ انہاں آکھیے جو روایتی فصلاں دے نال علاقائی پھلاں، سبزیاں دی پیداوار ودھاوݨ تے توجہ ݙیوݨی ہوسی، آرگینک فارمنگ دا ودھارا اتے ہائی ویلیو فصلاں تے سرمایہ اکری کرݨی ہوسی جیندے کیتے ٻئے ملکاں دے تجربیاں اتے تحقیق توں فیدہ چاتا ونڄ سڳدے۔

اسلام آباد(اے پی پی)قومی ایئرلائن پی آئی اے پاکستان اتے یو اے ای وچال ہفتہ وار تریائٹھ پروازاں چلاوݨ دا فیصلہ کیتے۔ ݙسایا ڳئے جو 14 پروازاں اسلام آباد توں دبئی، شارجہ، ابوظہبی، فجیرہ اتے انہاں شہران توں ولا اسلام آباد چلسن۔

پشاور توں دبئی، شارجہ، ابوظہبی، العین، فجیرہ اتے راس الخیمہ کیتے 17 پروازاں چلسن۔ لاہور توں دبئی، شارجہ، ابوظہبی اتے انہاں شہراں تون ولا لاہور ہفتہ وار 10پروازاں چلسن۔ سیالکوٹ توں دبئی، شارجہ، ابوظہبی اتے ولا سیالکوٹ آوݨ کیتے چار پروازاں آپریٹ تھیسن۔ کراچی توں یو اے ای ہفتہ وار ست پروازاں، دبئی، شارجہ اتے ٻئے شہراں توں ملتان ولݨ کیتے ہفتہ وار پنڄ پروازاں آسن ویسن۔

ایویں ہی تربت توں شارجہ اتے شارجہ توں تربت ہفتہ وار 3 پروازاں ڄݙاں جو فیصل آباد توں دبئی اتے ولا فیصل آباد ہفتہ وار 2 پروازاں چلسن۔ کوئٹہ توں دبئی اتے ولا کوئٹہ ولݨ کیتے ہفتہ وار ہک پرواز آپریٹ تھیسی۔

اسلام آباد۔ (اے پی پی) وفاقی وزیر بحری امور سید علی حیدر زیدی آکھیا جو پاکستان دی ترقی کیتے اساکوں سیاسی طور تے زرداری مافیا کوں ہراوݨا پوسی۔ بدھ کوں سندھ دے حالات دے تناظر اچ آپݨے ہک بیان اچ انہاں آکھیا جو اساں اساں ایں دلدل اچوں اوں ویلھے نکل سڳدوں جݙاں اساں زرداری مافیا توں جان چھڑا ڳھنسوں جئیں پوری منصوبہ بندی نال اساݙے ملک کوں تباہ کر ݙتے۔ انہاں آکھیا جو پاکستان دی ترقی کیتے اساکوں سیاسی طور تے زرداری مافیا کوں ہراوݨا پوسی۔

بیجنگ۔ (اے پی پی) چین پاکستان دے صدر ڈاکٹر عارف علوی  ولوں بیجنگ سرمائی اولمپک گیمز  بارے بیان دا خیر مقدم کریندیں ہوئیں آکھیا جو اے ݙوہیں ملکاں وچال سدابہار تعلقات اتے مضبوط بھائی چارے دا غماز اے۔اے ڳالھ چین دی وزارت خارجہ دے ترجمان زہائو لیجیان ، نیوز بریفنگ وچ چینی میڈیا نال پاکستانی صدر صدر  ڈاکٹر عارف علوی دے اڄوکے انٹرویو بارے اے پی پی دے نمائندے دے سوال دے ولدے اچ آکھی۔ چینی ترجمان آکھیا جو صدر ڈاکٹر  عارف علوی ،  انٹرویو اچ چین پاکستان تعلقات دی تعریف کیتی اے اتے 2022 دے   بیجنگ سرمائی اولمپک گیمز دی تیارے دے کم تے ٻہوں سوھݨٰی ڳالھ کیتی اے۔ صدر پاکستان ڈاکٹر عارف علوی آکھیا جو بیجنگ سرمائی اولپمک گیمز کامیاب تھیسی اتے پاکستان کھیڈاں دے انہاں مقابلیاں اچ پورے جذبے نال شریک تھیسی۔

اسلام آباد۔  (اے پی پی) قومی اسمبلی کوں ݙسیا ڳیا جو اڄوکی حکومت دے دور اچ کراچی پورٹ ٹرسٹ اچ 141 تقرریاں کیتی ڳئن۔ بدھ کوں قومی اسمبلی اچ سوالاں دے وقفے اچ سکندر علی راہو دے سوال دے ولدے تے ایوان کوں وزارت بحری امور ولوں ݙسیا ڳیا

جو کے پی ٹی اچ وفاقی حکومت ولوں مقررہ دیہی اتے شہری سندھ دے ملازمتی کوٹہ دی پاسداری کوں یقینی ٻݨایا ویندا پئے۔

دیہی سندھ دا کوٹہ 11.4 فیصد اتےشہری کوٹہ 7.6 فیصد اے۔ ایوان کوں ݙسیا ڳیا جو پورٹ قاسم اتھارٹی (پی کیواے) اچ وی کوٹے دی پابندی کیتی ویندی پئی اے۔

اسلام آباد (اے پی پی) قومی اسمبلی کوں ݙسیا ڳیا جو داسوڈیم تے دسمبر2021 دے چھیکڑ تئیں 10.6 فیصد کم تھی ڳئے۔

بدھ کوں قومی اسمبلی اچ سوالاں دے وقفے اچ سید ابرار علی شاہ دے سوال دے ولدے اچ وزارت آبی وسائل ولوں ایوان کوں تحریری طور ݙسیا ڳیا جو داسو ڈیم دے ڈائی ورژن ٹنلز، انڈرگراونڈپاورہاوس اتے فلشنگ ٹنل تے کم جاری اے۔

ایوان کوں ݙسیا ڳیا جو دسمبر 2021 دے چھیکڑ تئیں مجموعی حقیقی پیش رفت 10.6 فیصد اے۔ ایوان کوں ݙسیا ڳیا جو منصوبے دی مجموعی لاگت 510980.20 ملین روپے اے جئیں اچوں اڄاں تئیں 126834 ملین روپے خرچ تھین۔

اسلام آباد۔ (اے پی پی) وزیر اعظم عمران خان آکھیا جو حکومت ضلعی انتظامیہ دی مدد نال کاشتکاراں کوں یوریا کھاد دے کنٹرول، نرخ تے تقسیم اتے فراہمی یقینی ٻݨاوݨ کیتے جامع لائحہ عمل ٻݨائے۔ وزیراعظم کوں کھاد دے مسئلے تے اعلیٰ سطح دے اجلاس دی صدارت کیتی۔ وزیراعظم کوں کھاد دی پیداوار، ذخیرہ اندوزی اتے سمگلنگ نال نبڑݨ کیتی مانیٹرنگ دے طریقہ کار اتے پاکستان تے علاقائی سمیت عالمی سطح تے یوریا دے نرخاں دے فرق تے تفصیلی بریفنگ ݙتی ڳئی۔

وزیراعظم آکھیا جو حکومت ملک اچ کھاد دی تقسیم اچ ودھ منافع خوری کیتے کھاد دے ذخیرہ اندوزاں اتے سمگلنگ دے خلاف سخت اقدامات کریندی پئی اے۔ انہاں آکھیا جو حکومت دے ترائے سال دے دور اچ کھاد دی ریکارڈ پیداوار تھئی اے اتے اے پیداوار 61 لکھ ٹن توں ودھ ڳئی اے جڈانجو 2018 توں پہلے کݙاہیں وی اے پیداوار 55 لکھ ٹن توں اُتے نی ڳئی۔

مقامی سطح تے کھاد دی پیداوار نال کاشتکاراں کوں عالمی مارکیٹ دے نرخاں دے مقابلے پنڄ گنا سستی یوریا کھاد ملسی۔ اجلاس اچ وفاقی وزراء شوکت ترین، چوہدری فواد حسین،حماد اظہر،مخدوم خسرو بختیار،سید فخرامام،فرخ حبیب،ڈاکٹر شہبازگل،جمشید اقبال چیمہ کھاد دی صنعت دے فریقین اتے متعلقہ حکام شریک تھیے۔

اسلام آباد   (اے پی پی) وزیر اعظم عمران خان آکھیا جو اساں وݙے شہراں دی ترقی تے خصوصی توجہ ݙیندے پیوں کیونجو وݙے شہر قومی معیشت دی ترقی دا حقیقی محرک ہن، متعلقہ حکام وݙے شہراں دی ترقیاتی سکیماں دے رستے اچ آوݨ آلی رکاوٹاں دور کرن۔ بدھ کوں وݙے شہراں دی منصوبہ بندی بارے اجلاس دی صدارت کریندیں ہوئیں انہاں آکھیا جو دیہاتی علاقیاں توں شہری علاقیاں اچ آباد کاری پاروں وݙے شہراں کوں کئی چیلنجز ہن انہاں اچ ہائوسنگ ملازمتاں دے موقع اتے شہری لوڑھ دی ڳھٹکی تھیندی پئی اے

ایں کیتے ضروری اے جو وݙے شہراں کیتے خصوصی ترقیاتی پیکیج تے کم دی رفتار تکھی کیتے ونڄے۔ وزیراعظم متعلقہ حکام کوں ہدایت کیتی اے جو او وݙے شہراں دی رہائشیاں کوں ودھ توں ودھ ریلیف ݙیوݨ کیتے مختلف ترقیاتی سکیماں پوری کر تے آوݨ آلی رکاوٹاں کوں دور کرݨ کیتے ہر ممکن اقدامات کرن۔ انہاں ہدایت کیتی جو کراچی،لاہور،ملتان،فیصل آباد،راولپنڈی اتے گوجرانوالہ جیھے وݙے شہراں دی ترقی اتے بہتری کیتے آپسی رابطے رکھن اتے مہم چلائی ونڄے۔

اجلاس اچ وفاقی وزیر اطلاعات تے نشریات چوہدری فواد حسین،وزیر صنعت مخدوم خسرو بختیار،وزیر منصوبہ بندی اسد عمر شرکت کیتی جڈانجو گورنر پنجاب چوہدری محمد سرور،وزیر تعلیم شفقت محمود،وزیر اعلیٰ پنجاب عثمان بزدار ویڈیو لنک توں اجلاس دی شرکت کیتی۔

اسلام آباد (اے پی پی) کورونا دے ودھدے ہوئے کیسز، آندے ہفتے توں مختلف پابندیاں لاتی ویندی پئن۔ بدھ کوں اپݨے ہک ٹویٹ اچ ڈپٹی کمشنر اسلام آباد حمزہ شفقات آکھیا جو اسلام آباد اچ چووی جنوری توں انڈور ڈائننگ، شادیاں اتے کٹھ وغیرہ تے پابندی لاتی ویندی پئی اے کیونجو کورونا دے کیسز ودھدے پئن۔ ڈپٹی کمشنر اسلام آباد آکھیا جو فی الحال ترائے سو توں ڳھٹ لوکاں کیتے آئوٹ ڈور کٹھ دی موکل اے۔

اسلام آباد۔  (اے پی پی) وفاقی وزیر سائنس تے ٹیکنالوجی سینیٹر سید شبلی فراز آکھیا جو الیکٹرانک ووٹنگ مشین کیتے قانون سازی تھی ڳئی اے، ہݨ عمل کرݨ آلے پاسے ویندے پیوں۔ اسلام آباد دے بلدیاتی انتخابات اچ ای وی ایم دا استعمال ضرور تھیسی، الیکشن کمیشن کوں علمے دی تربیت کیتے جلدی ای وی ایم ݙے ݙتی ویسی۔ او سنوار کوں اتھاں پریس کانفرنس نال خطاب کریندے پئے ہن۔ انہاں آکھیا جو الیکٹرانک ووٹنگ مشین نال انتخابات شفاف ٻݨاوݨ اچ مدد ملسی۔ انتخابات اچ ہک ووٹ وی ضائو نی تھیوݨا چہیدا۔ انہاں آکھیا جو ای وی ایم نال انتخابات ہک حقیقت ٻݨݨ ویندے پئن۔ ای وی ایم دے معاملے تے اپوزیشن نال ڳالھ کرݨ کیتے تیارہیسے۔ انہاں آکھیا جو الیکشن کمیشن اسلام آباد دے بلدیاتی انتخابات الیکٹرانک ووٹنگ مشین (ای وی ایم) نال کراوݨ تے آپݨی آمادگی ظاہر کیتی اے۔ چاہندوں جو غیر متنازعہ اتے شفاف انتخابات تھیون۔ خیبر پختونخوا دے اڄوکے بلدیاتی انتخابات اچ 2 لکھ 34 ہزار ووٹ مسترد تھین۔ انہاں آکھیا جو حکومت اتے الیکشن کمیشن اچ ورکنگ ریلیشن شپ اے، وزیراعظم وزارتی کمیٹی ٻݨائی ہئی جئیں چیف الیکشن کمیشن اتے ممبراں نال ملاقات کیتی۔ انہاں آکھیا جو الیکٹرانک ووٹنگ مشین کیتے قانون سازی تھی ڳئی اے، ہݨ عمل کرݨ آلے پاسے ویندے پیوں۔

اسلام آباد۔  (اے پی پی) گزریل چووی گھنٹیاں اچ کورونا وائرس دے ہک ہزار 649 نویں کیس، ترائے اموات رپورٹ تھین، نیشنل کمانڈ اینڈآپریشن سینٹر ولوں جاری اعدادوشمار دے مطابق ملک دے چار وݙے شہراں اچ وینٹی لیٹر تے کورونا دے مریضاں دے تناسب دے لحاظ نال پشاور اچ 14 فیصد،اسلام آباد اچ 10 فیصد،لاہور اچ 8 فیصد اتے سرگودھا اچ 13 فیصد مریض ہن۔ گزریل چووی گھنٹیاں اچ کورونا دے 45 ہزار 2 ٹیسٹ کیتے ڳئن جئیں اچوں سندھ اچ 14 ہزار 12, پنجاب اچ 17 ہزار 363، خیبرپختونخوا اچ 9 ہزار 95،اسلام آباد اچ 3 ہزار 785، بلوچستان اچ 333,گلگت بلتستان اچ 155 ٹیسٹ, آزاد کشمیر اچ 259 ٹیسٹ شامل ہن۔ ہݨ تئیں کورونا پاروں صحت یاب تھیوݨ آلیاں دی تعداد 12 لکھ 58 ہزار 987 تھی ڳئی اے۔

اسلام آباد۔  (اے پی پی) سپیکر قومی اسمبلی اسد قیصر نال  سنوار کوں  پارلیمنٹ  ہائوس اچ وزیراعظم دے مشیر برائے پارلیمانی امور بابر اعوان ملاقات کیتی جئیں اچ ، قانون سازی ،قومی اسمبلی دے  ایجنڈے اتے آپسی دلچسپی دے معاملیاں تے گالھ مہاڑ کیتی ڳئی۔ قومی اسمبلی سیکرٹریٹ دے مطابق ملاقات اچ طے تھیا جو فنانس ترمیمی بل تے اپوزیشن کوں ڳالھ مہاڑ دا پورا موقع ݙتا ویسی اتے قائمہ کمیٹیاں اچ پھسے بلاں کوں جلدی منظوری کیتے ترجیحی بنیاداں تے کم کیتا ویسی۔ سپیکر آکھیا جو قومی اسمنلی عوامی مسئلے دے حل تے فلاح و بہبود کیتے آپݨا آئینی کردار ادا کریسی اتے آئین اچ متعین 130 ݙینھ کوں پورا کیتا ویسی۔

اسلام آباد۔  (اے پی پی) وفاقی وزیر برائے منصوبہ بندی ترقی تے اصلاحات وخصوصی اقدامات اسدعمر آکھیا جو 30 سال توں ودھ عمر دے لوک بوسٹر ڈوز لازمی لواون، کورونا توں بچݨ کیتے پوری قوم رَل تے کم کیتے، این سی او سی دی ساری ٹیم چنڳا کم کریندی پئی اے۔ این سی او سی او کم کر ݙکھائے جئیں دا لوک سوچ ای نی سڳدے۔ عوام کورونا توں بچݨ کیتے ویکسی نیشن ضرور لواون۔ اے ڳالھیں انہاں سنوار کوں نیشنل کمانڈ اینڈ آ پریشن سنٹر اچ تقریب توں خطاب کریندیں ہوئیں آکھی۔ وفاقی وزیر آکھیا جو این سی او سی اچ کم کرݨ آلی ٹیم زبردست اے، این سی او سی دی ساری ٹیم بہترین کم کریندی پئی اے۔ انہاں آکھیا جو 30 سال توں ودھ عمر دے لوک بوسٹر ڈوز لازمی لواون، کورونا توں بچݨ کیتے پوری قوم رَل تے کم کیتے، این سی او سی دی ساری ٹیم چنڳا کم کریندی پئی اے۔

اسلام آباد۔  (اے پی پی) وزیراعظم عمران خان آکھیا جو بھارت اچ ہندو توا گروپ سارے مذہبی اقلیتاں کوں بلا تخصیص نشانہ ٻݨیندے پئن، مودی حکومت دے انتہا پسندانہ ایجنڈے نال خطے دے امن کوں حقیقی خطرہ اے۔ سنوار کوں آپݨے ٹویٹس اچ انہاں آکھیا جو بھارتیہ جنتا پارٹی دے ہندو توا گروپ سارے مذہبی اقلیتاں کوں بلا تخصیص نشانہ ٻݨیندے پئن اتے ایجھی کاروائیاں تے سزا توں انہاں کوں استثنا اے۔ وزیراعظم آکھیا جو بھارت اچ اقلیتاں خصوصی طور 20 کروڑ مسلمانان دی نسل کشی بارے دسمبر اچ ہک انتہا پسند ہنتوتوا کانفرنس اچ کیتی ڳئی اپیل تے مودی حکومت دی چپ نال سوال پیدا تھیندے جو کیا بی جے پی حکومت ایں اپیل دی حمایت کریندی اے؟ وزیراعظم آکھیا جو ویلھا آڳئے جو بین الاقوامی برادری ایں معاملے دا نوٹس ڳھن تے کاروائی کرے۔

اسلام آباد۔  (اے پی پی):آندے 24 گھنٹے ملک اچ موسم ٹھڈا تے رکھا اتے پہاڑی علاقیں اچ ودھ پالا پووݨ دا امکان اے۔جݙاں جو گلگت بلتستان، اتلے خیبرپختونخوا ، کشمیراتے نیڑے پہاڑی علاقیں اچ کجھ جہیں تے مینھ تے پہاڑاں تے برف پووݨ دا وی امکان اے ۔ پنجاب، خیبرپختونخوا دےمیدانی علاقیں تے اتلے سندھ اچ کوہیڑ پووݨ دی توقع اے ، اتوار کوں محکمہ موسمیات توں جاری رپورٹ موجب گذریل 24 گھنٹے پورے ملک اچ علاقیں اچ موسم ٹھدا تے رکھا رہیا اتلے خیبرپختونخوا، خطہ پوٹھوہار اتے گلگت بلتستان اچ  کجھ جاہواں تے مینھ وسیا ۔رپورٹ موجب خیبرپختونخوا: چراٹ 06، پشاور (سٹی 03)، پاراچنار 02، بنوں 01، پنجاب: چکوال 03، جہلم 01، گلگت بلتستان: بگروٹ 03، گوپس، بونجی 02 اتے گلگت اچ 01ملی میٹر مینھ وسیا۔ اتوار کوں ریکارڈ کیتے ڳئے گھٹ توں گھٹ درجہ حرارت اچ کالام منفی 13،زیارت منفی 12،لہہ منفی 10،گوپس منفی 07،قلات، اسکردو منفی 05، استور، بگروٹ، دیر، مالم جبہ،ہنزہ منفی 04،گڑھی دوپٹہ،کوئٹہ، مری ، شوپیاں منفی 02، چراٹ، دالبندین،کاکول، میرکھانی، پنجگور، پاراچنار، سری نگر، اننت ناگ، پلوامہ اتے بارہ مولہ اچ منفی01 ڈگری سینٹی گریڈ ریکارڈ کیتا ڳئے ۔

اسلام آباد۔  (اے پی پی): اسلام آباد پولیس دے 1500 توں ودھ اہلکار مری ریسکیو آپریشن اچ حصہ گھندے پئن تے مری اچ شدید برف باری پاروں پتھے سیاحواں کوں محفوظ جاہ تے منتقل کریندے پئن ۔انسپکٹر جنرل آف پولیس اسلام آباد محمد احسن یونس اسلام آباد پولیس دے اہلکاراں دی براہ راست نگرانی کریندے پئن جیڑھے جو ٻیاں ریسکیو ٹیماں دے نال رل تے کم اچ حصہ گھندے پئن ہݨ تئیں تریمتاں تے ٻالاں سودھے 3ہزار توں ودھ لوکاں کوں منتقل کیتا ڳئے جݙاں وج سیاحواں دی مدد کیتے سارے ممکنہ وسائل بروئے کار گھن آئے ویندے پئن ۔آئی جی پی اسلام آباد سودھے ٻئے پولیس حکام ؤی سترہ میل ٹول پلازہ تے موجود ہن جنہاں آکھیے جو اے آپریشن سیاحواں دے مکمل انخلاء تئیں جاری رہسی ۔

اسلام آباد۔  (اے پی پی):پاک فضائیہ دے ترجمان آکھیے جو بلوچستان دے سیلاب توں متاثرہ علاقیں اچ پاک فضائیہ ولوں امدادی کارروائیاں جاری ہن،قدرتی آفات دے دوران قوم دی خدمت دی روایت کوں برقرار رکھیندے ہوئیں پاک فضائیہ بلوچستان دے سیلاب توں متاثرہ علاقیں اچ امدادی کارروائیاں اچ سرگرم عمل اے۔ اتھاں جاری پریس ریلیز موجب ترجمان ݙسایا جو آپریشنز دے دوران پاک فضائیہ دے ٹرانسپورٹ طیاریں تے ہیلی کاپٹراں دی ٻہوں ساریاں پروازاں دے ذریعے امدادی سامان گھن ڳئے جنہاں اچ راشن، خیمے، کھاوݨ پیوݨ دیاں چیزاں ، دوائیں، پیوݨ دا پاݨی، کمبل اتے ضروری مشینری شامل ہن۔ پاک فضائیہ سیلاب توں متاثرہ لوکاں کوں طبی سہولتاں ݙیوݨ کیتے پسنی اچ میڈیکل کیمپ وی قائم کیتے ۔

اسلام آباد۔  (اے پی پی):وفاقی وزیر خارجہ مخدوم شاہ محمود قریشی رومانیہ تے سپین دے چار ݙینھ دے دورے تے روانہ تھی ڳئن ،دورے دے دوران وزیر خارجہ انہاں ملکاں دے ہم منصباں اتے ٻئے حکام دے نال ملاقاتاں کریسن ۔ دورے دے پہلے مرحلے اچ وزیر خارجہ 9 ٹوں 10 جنوری تئیں رومانین ہم منصب  بوگڈان اوریسکو دی دعوت تے بخارسٹ دا دورہ کریسن ۔شاہ محمود قریشی   اپݨے دورے وچ رومانیہ دے وزیر خارجہ سودھے اہم شخصیات دے نال ملاقاتاں کریسن ، انہاں ملکاں اچ ݙو طرفہ تعلقات دے ودھارے، مختلف شعبہ جات اچ ݙو طرفہ تعاون ودھاوݨ سودھے اہم علاقائی و بین الاقوامی امور تے ڳال مہاڑ کیتی ویسی ۔وزیر خارجہ  دورے دے ݙوجھے مرحلے اچ10 توں 12 جنوری آپݨے سپینی ہم منصب جوزے مینوئل الباریس بیونو دی دعوت تے سپین دا دورہ کریسن ،ایں دوران او آپݨے ہم منصب اتے  پارلیمنٹ دے اراکین نال ملاقاتاں کریسن ۔اتوار کوں روانگی توں پہلے میڈیا دے نال ڳال مہاڑ کریندے ہوئیں وزیر خارجہ شاہ محمود قریشی  آکھیے جو رومانیہ اتے سپین ݙو طرفہ اتے یورپی یونین دے تناظر اچ پاکستان دے اہم شراکت دار ہن، سپین اچ پاکستانیاں دی وݙی تعداد رہندی پئی اے جیڑھے جو ݙوہیں ملکاں چال ھک مضبوط پل دا کم کریندی اے ۔ وزیر خاجہ آکھیے جو 2021 اچ پاکستان اتے سپین سفارتی تعلقات دے قیام دی 70ویں سالگرہ جوش و خروش دے نال منائی تے توقع اے جو اے دورہ انہاں ݙوہیں بھرا ملکاں دے نال ودھدے تعاون کوں مزید مضبوط بݨاوݨ اچ معاون ثابت تھیسی ۔

اسلام آباد۔ (اے پی پی):صدر مملکت ڈاکٹر عارف علوی نینگراں تے زور ݙتے جو او انفارمیشن ٹیکنالوجی دے  شعبہ اچ موجودہ اتے اختراعی موقع توں فیدہ چاون تے ترقی و خوشحالی دے وسیع امکانات دی حامل مسلسل کھنڈدی ہوئی عالمی آئی ٹی مارکیٹ تئیں رسائی حاصل کرن۔ او اتوار کوں اتھاں جوائنٹ کلچرل سوسائٹی فار کمیونیٹیز کولیبریشن دے زیراہتمام ،ڈیجیٹل دنیا اچ موجودہ کاروباری پہلو ،دے عنوان توں منعقدہ بین الاقوامی ویبینار توں خطاب کریندے پئے ہن ، ایں ویبینار دا اہتمام ڈیجیٹل دنیادے وژن، رجحانات اتے مصنوعی ذہانت اچ تازہ ترین تبدیلیاں تے غور اتے نینگراں دے کردار تے ڳال مہاڑ کیتے کیتا ڳیا ہئی جیندے وچ پوری دنیا توں ماہرین شرکت کیتی۔ صدر مملکت آکھیے جو کمپیوٹنگ، ڈیٹا دی پروسیسنگ، مصنوعی ذہانت دے تجزیے، توانائی اتے تھری ڈی مینوفیکچرنگ جیندے اچ انٹرنیٹ ڈیٹا، سوشل نیٹ ورکنگ سودھے بئے امور شامل ہن انہاں شعبیں اچ وݙے انقلاب برپا تھیندے پئن ۔ انہاں آکھیے جو موجودہ حکومت تربیت یافتہ نینگراں دی خواہش دے مطابق ٹیکنالوجی دی دنیا کیتے انسانی وسائل تیار کیتن ، ڈیجیٹل مہارت دے پروگرام دے ذریعے 24 لکھ اچوں درخواست ݙیوݨ آلے 16 لکھ بندے اڳلے مرحلے اچ چلیے ڳئن، ایندے علاوہ ہائر ایجوکیشن کمیشن وی مفت کورسز پیش کریندا پئے ۔ انہاں عوام تے زور ݙتے جو او سافٹ ویئر اتے سمارٹ ایپس کوں تیار کرݨ سکھن کیوں جو سمارٹ ایپس ڈویلپرز ایںدے اچ سرمایہ کاری دی تلاش اچ ہن یں، چین مختلف ایپلی کیشنز کوں ڈویلپ کریندے کریندے آپݨے سافٹ ویئر تیار کرڳھدے ۔ آئی ٹی دے میدان اچ تھیوݨ آلی بے پناہ تخلیقات دی وجہ توں پیدا تھیوݨ آلے تکنیکی خلا دا حوالہ ݙیندے ہوئیں انہاں آکھیے جو معلومات ھک ایجھا ذریعہ اے جیں دے ذریعے دنیا اچ لوک ترقی کریندے پئن ، پاکستان دی نینگر آبادی متعلقہ شعبہ اچ مہارت پیدا کرݨ دے بعد عالمی معلومات تئیں رسائی حاصل کر سڳدی اے ۔

اسلام آباد۔10جنوری  (اے پی پی) وفاقی وزیر برائے منصوبہ بندی ترقی تے اصلاحات وخصوصی اقدامات اسدعمر آکھیا جو 30 سال توں ودھ عمر دے لوک بوسٹر ڈوز لازمی لواون، کورونا توں بچݨ کیتے پوری قوم رَل تے کم کیتے، این سی او سی دی ساری ٹیم چنڳا کم کریندی پئی اے۔ این سی او سی او کم کر ݙکھائے جئیں دا لوک سوچ ای نی سڳدے۔ عوام کورونا توں بچݨ کیتے ویکسی نیشن ضرور لواون۔ اے ڳالھیں انہاں سنوار کوں نیشنل کمانڈ اینڈ آ پریشن سنٹر اچ تقریب توں خطاب کریندیں ہوئیں آکھی۔ وفاقی وزیر آکھیا جو این سی او سی اچ کم کرݨ آلی ٹیم زبردست اے، این سی او سی دی ساری ٹیم بہترین کم کریندی پئی اے۔ انہاں آکھیا جو 30 سال توں ودھ عمر دے لوک بوسٹر ڈوز لازمی لواون، کورونا توں بچݨ کیتے پوری قوم رَل تے کم کیتے، این سی او سی دی ساری ٹیم چنڳا کم کریندی پئی اے۔

اسلام آباد۔10جنوری  (اے پی پی) وزیراعظم عمران خان آکھیا جو بھارت اچ ہندو توا گروپ سارے مذہبی اقلیتاں کوں بلا تخصیص نشانہ ٻݨیندے پئن، مودی حکومت دے انتہا پسندانہ ایجنڈے نال خطے دے امن کوں حقیقی خطرہ اے۔ سنوار کوں آپݨے ٹویٹس اچ انہاں آکھیا جو بھارتیہ جنتا پارٹی دے ہندو توا گروپ سارے مذہبی اقلیتاں کوں بلا تخصیص نشانہ ٻݨیندے پئن اتے ایجھی کاروائیاں تے سزا توں انہاں کوں استثنا اے۔ وزیراعظم آکھیا جو بھارت اچ اقلیتاں خصوصی طور 20 کروڑ مسلمانان دی نسل کشی بارے دسمبر اچ ہک انتہا پسند ہنتوتوا کانفرنس اچ کیتی ڳئی اپیل تے مودی حکومت دی چپ نال سوال پیدا تھیندے جو کیا بی جے پی حکومت ایں اپیل دی حمایت کریندی اے؟ وزیراعظم آکھیا جو ویلھا آڳئے جو بین الاقوامی برادری ایں معاملے دا نوٹس ڳھن تے کاروائی کرے۔

اسلام آباد۔ (اے پی پی):وزیراعظم عمران خان مری اچ سڑک تے سیاحواں دی المناک اموات تے ݙکھ دا اظہار کریندےہوئیں ایندی تحقیقات دا حکم ݙتے۔ ہفتے کوں جاری ھک ٹویٹ اچ وزیراعظم عمران خان آکھیے جو انہاں کوں مری اچ سیاحواں دی اموات توں سخت ݙکھ تھئے ،غیرمعمولی برف باری اتے موسم دی صورتحال ڄاݨیے بغیر عوام دے مری ونڄݨ توں اے صورتحال پیدا تھئی اے ، غیرمعمولی صورتحال ضلعی انتظامیہ کوں وی تیاری دا موقع نہ ݙتا ۔ وزیراعظم آکھیے جو ایجھے واقعات کوں روکݨ کیتے سخت قواعد بݨائے ویسن۔

اسلام آباد۔ (اے پی پی):پاکستان سارک اتے مقبوضہ جموں و کشمیر دے تناظر اچ بھارتی وزارت خارجہ دے ترجمان دے کوڑے دعوے اتے متنازعہ ریمارکس کوں سختی نال مسترد کریندے ہوئیں آکھیے جو سارک عمل اچ بھارتی رکاوٹ ھک منی ڳئی حقیقت اے۔پاکستان بھارتی سازشاں دی بھرپور مخالفت اتے علاقائی امن و سلامتی کوں خطرے توں ݙوچار کرݨ آلے امن مخالف ایجنڈے کوں بے نقاب کریندا رہسی ۔ترجمان دفتر خارجہ عاصم افتخار احمد جمعہ کوں میڈیا دے سوالاں دا جواب ݙیندے ہوئیں آپݨے متعصبانہ رویں اتے چارٹر دے دفعات دی خلاف ورزیاں کریندے ہوئیں بھارت 2016 اچ پاکستان اچ تھیوݨ آلی 19ویں سارک سربراہی کانفرنس کوں روکݨ دا ذمے وار اے ۔ترجمان آکھیے وج بھارت دا جانبدارانہ رویہ علاقائی تعاون کیتے ھک قابل قدر پلیٹ فارم کوں تکھے غیر فعال کریندا پئے ۔ترجمان آکھیے جو پاکستان توقع رکھیندے جو بھارت اپݨے خود غرضانہ طرز عمل تے نظرثانی کریسی تے جنوبی ایشیا دے لوکاں دی ترقی اتے خوشھالی کیتے سارک عمل کوں اڳوں ودھاوݨ دے قابل بݨیسی  ۔ انہاں آکھیے جے ایندے رستے اچ کھڑیاں مصنوعی رکاوٹاں ہٹائیاں ونڄن تاں پاکستان اڳلے سارک سربراہی اجلاس دی میزبانی کیتے تیار اے ۔