ملک اچ پاݨی دے بہتر انتظام کیتے جامع حل دی لوڑھ اے، صدر مملکت ڈاکٹر عارف علوی دا اجلاس نال خطاب
اسلام آباد(اے پی پی)صدر مملکت ڈاکٹر عارف علوی آکھیے جو ملک اچ پاݨی دے بہتر انتظام کیتے جامع حل دی لوڑھ اے، ماحولیاتی تبدیلی اتے ودھدی آبادی پاروں فی کس پاݨی دی دستیابی ڳھٹی اے۔ او اسلام آباد اچ ملک دے پاݨی دے چنڳے انتظام سانڳے اجلاس دی اڳواݨی کریندے پئے ہن۔
اجلاس اچ پاݨی دے انتظام کیتے سیٹلائٹ اتے مصنوعی ذہانت دے استعمال تے الایا ڳیا۔ صدر مملکت آکھیا جو پاݨی دی کمی پوری کرݨ کیتے پاݨی دے انتظام دا نظام موثر ٻݨاوݨا ہوسی۔ اجلاس اچ ایئر یونیورسٹی اسلام آباد دے کوآرڈینیٹر پروفیسر ڈاکٹر کاشف کفایت ملک اچ پاݨی دی مجموعی صورتحال تے تفصیلی بریفنگ ݙتی اتے مختلف تجاویز وی ݙتن۔
