صدر مملکت ڊے دستخط نال قبائلی علاقے، خیبرپختونخوا ڊا حصہ بݨ گئے
اسلام آباد(سرائیکی نیوز) صدر مملکت ممنون حسین نے قبائلی علاقیاں دے خیبر پختونخوا توں انضمام توں متعلق ٢٥ ویں آئینی ترمیمی بل تے دستخط کر ݙیتے، جیندے بعد قبائلی علاقے صوبہ خیبر پختونخواہ دا حصہ بݨ گئیا ھِ ایں حوالے نال ھک خصوصی تقریب دا انعقاد کیتا گئیا جیندے ءچ خیبر پختونخواہ دے گورنر اقبال ظفر جھگڑا ، ڈپٹی چیئرمین منصوبہ بندی کمیشن سرتاج عزیز تے قومی سلامتی دے مشیر ناصر جنجوعہ شریک ھن۔ خیال رہاوے کہ منگل کوں چیئرمین سینیٹ صادق سنجرانی نے قبائلی علاقیاں دے خیبر پختونخواہ نال انضمام توں متعلق بل دستخط کیتے صدر مملکت کوں بھجوایا ھا آئینی ترمیم بل تے دستخط دے موقع تے صدر مملکت نے قبائلی علاقیاں دے عوام کوں مبارکباد ݙیندے ہووے آکھیا ھِ کہ ھن انہاں لوگاں کوں وی حقوق ملسن جو ملک دے دیگر شہریاں کوں حاصل ھن۔ انہاں ایں امید دا اظہار کیتا کہ قبائلی علاقیاں دے خیبرپختونخواہ نال انضمام نال انہاں علاقیاں ءچ ترقی تے خوشحالی دے نویں دور دا آغاز تھیسی تے اے اقدام خطے ءچ استحکام دا باعث بنڑسی۔
