معاون خصوصی سینیٹر ڈاکٹر ثانیہ نشتر دا 30 شہراں تے مشتمل احساس راشن ٹور دے پنجویں مرحلے اچ ملتان دا دورہ
ملتان۔ (اے پی پی):وزیر اعظم دی معاون خصوصی تخفیف غربت و سماجی تحفظ سینیٹر ڈاکٹر ثانیہ نشتر 30 شہراں تے مشتمل احساس راشن ٹور دے پنجویں مرحلے اچ جمعے کوں ملتان دا دورہ کیتے۔ تخفیف غربت و سماجی تحفظ ڈویژن موجب دورے دے دوران ڈاکٹر ثانیہ دے نال وزیر خارجہ شاہ محمود قریشی اتے کمشنر ملتان وی موجود ہن ۔ انہاں دے رلے نیشنل بینک آف پاکستان (این بی پی) اتے احساس دے سینئر افسران وی ہن۔دورے دا مقصد ملتان اچ احساس راشن رجسٹریشن مہم بارے آگاہی ݙیوݨ کیتے مقامی تاجر انجمناں اتے کریانہ اتحاد کوں متحرک کرݨ ہئی ۔50,000 روپے ماہانہ توں گھٹ کماوݨ آلے خاندان 8171 دے ذریعے اندراج کر سڳدن۔ کریانہ مالکان دی رجسٹریشن https://ehsaasrashan.pass.gov.pk/ دے ذریعے جاری اے۔ڈاکٹر ثانیہ مقامی کریانہ ریٹیلرز، این بی پی ٹیم اتے مقامی پریس اتے الیکٹرانک میڈیا دے نال ملتان چیمبر آف کامرس اینڈ انڈسٹری اچ اجلاس دی صدارت کیتی۔ انہاں ایں ڳال تے روشنی پاتی جو حکومت کریانہ ریٹیلرز کوں سبسڈی دی رقم تے 8فیصد کمیشن ݙیسی اتے بہترین کارکردگی دا مظاہرہ کرݨ آلے ریٹیلرز کوں کاراں ، موٹر سائیکلاں، موبائل فون وغیرہ ݙیوݨ کیتے ترائے مہینے دی قرعہ اندازی تھیسی ۔
