شہریاں دے جان و مال دا تحفظ کرݨ آلے پولیس افسران و اہلکار محکمے دا فخر ہن، سی پی او ملتان
ملتان۔ (اے پی پی):سٹی پولیس آفیسر (سی پی او) ملتان خرم شہزاد حیدر آکھیے جو پولیس فورس دے افسران اتے اہلکار محکمے دا فخر ہن جنہاں شہریاں دے جان و مال دی حفاظت اتے محکمہ دے وقارو اتے اینکوں اچا رکھݨ کیتے ودھ ساری محنت کیتی اے ، اے ڳال انہاں پولیس اچ چنڳی کارکردگی دے حامل افسران و جواناں اچ نقد انعام تے تعریفی سرٹیفکیٹ تقسیم کریندے ہوئیں آکھی اے ، ایں موقع تے ایس ایس پی انویسٹی گیشن ملتان کیپٹن (ر) محمد عامر خان نیازی وی موجود ہن ۔سی پی او آکھیے جو ایجھے افسران انعام تے ستائش دے مستحق ہن۔تعریفی سرٹیفکیٹ اتے نقد انعامات حاصل کرݨ آلیں اچ ایس ایچ او راجہ رام فلک شیر، ایس ایچ او صدر جلالپور پیر والا انسپکٹر طاہر عزیز ، ایس ایچ او سٹی جلالپور پیر والا لیاقت علی، ایس ایچ او سیتل ماڑی قسور حسین کالرو، ایس ایچ او چہلیک عمران گل نیازی، ایس ایچ او شاہ شمس راو علی حسن ، ایس ایچ او ممتاز آباد محمد اکرم بھٹی، سب انسپکٹر خضر حیات، سب انسپکٹر محمد یونس ، سب انسپکٹر محمد عمران اتے ٻئے افسران و جوان شامل ہن۔
