‘معیشت بہتر تھیندی پئی اے، ٹیکس ریونیو 6 ہزار 1 سو ارب روپے تئیں پڄ ڳئے، وفاقی وزیر منصوبہ بندی اسد عمر
اسلام آباد۔22جنوری(اے پی پی)وفاقی وزیر برائے منصوبہ بندی اسد عمر آکھیے جو ری بیسنگ پاروں معیشت بہتر تھیندی پئی اے، ٹیکس ریونیو 6 ہزار 1 سو ارب روپے تئیں پڄ ڳئے، وزارت خزانہ اتے اسٹیٹ بینک دی پالیسیاں ترقی دی وجہ ہین، معیشت کوں 3 وݙے مسائل بچت نہ ہووݨ، سرمایہ کاری اتے ٹیکس کلیکشن اچ کمی سودھا برآمدات اچ سست روی شامل ہین۔ نجی ٹی وی نال الیندے انہاں آکھیا جو گو جی ڈی پی شرح پہلے توں چنڳی نئیں بھل پچھلے 2 سال اچ ٹیکس ریونیو ودھیے اتے 3700 ارب توں ودھ تے 6100 ارب تھی ڳئے، کیش کاروبار دی حوصضہ شکنی کرݨی ہوسی، جیکر اے نظام فوری تبدیل کیتا تاں معیشت منجمد تھیوݨ دا خدشہ اے، ایندا حل ڈیجیٹل اکانومی اتے ڈیجیٹل کامرس اے، گردشی قرضہ سال دے آخر اچ 300 ارب تئین ڳھٹاوݨ دا ہدف اے، ایف بی آر اچ محنت دی لوڑھ اے، پرائمری بیلنس رواں آمدن اتےاخراجات تے ہوندے ایندے تے خسارہ پچھلے 15 سال اچ کم ترین رہے۔
