نگران وزیراعظم انوار الحق دی متعلقہ حکام کوں آزاد جموں تے کشمیر، کوئٹہ اتے سندھ اچ انسداد بجلی چوری دیاں کوششاں تکھیاں کرݨ دی ہدایت
اسلام آباد۔25اکتوبر(اے پی پی):نگران وزیراعظم انوار الحق کاکڑ متعلقہ حکام کوں آزاد جموں تے کشمیر، کوئٹہ اتے سندھ اچ انسداد بجلی چوری دیاں کوششاں کوں تکھا کرݨ دی ہدایت کریندے ہوئیں آکھیے جو ساݙی ذمہ واری اے جو بجلی چوری روکݨ دی مہم جیہے اقدامات دے ذریعے آندی جمہوری حکومت کیتے ھک مستحکم نظام تشکیل ݙیو ،زرعی ٹیوب ویلاں دی شمسی توانائی تے منتقلی دے عمل کوں تکھا کیتا ونڄے ،بلوچستان اچ بجلی چوری روکݨ دی مہم دے خلاف مزاحمت اتے ٻئے مسئلیں دے حوالے نال ھک جامع رپورٹ پیش کیتی ونڄے ۔ وزیراعظم آفس دےمیڈیا ونگ توں جاری پریس ریلیزموجب نگران وزیراعظم انوار الحق کاکڑ دی صدارت اچ بجلی چوری روکݨ دی مہم دی پیشرفت تے جائزہ اجلاس تھئے۔اجلاس اچ نگران وزیر داخلہ، نگران وزیر توانائی، نگران وزیر اطلاعات و نشریات، صوبائی چیف سیکرٹریز اتے متعلقہ وفاقی سیکریٹریز موجود ہن ۔ اجلاس اچ وزیراعظم کوں مہم دے آغاز توں گھن تے ہݨ تئیں دے نتیجے دے حوالے نال بریفنگ ݙتی ڳئی ۔ اجلاس کوں مہم دے نتیجے دے اعشاریں دا ݙسایا ڳئے ۔
