حکومت ملک اچ ایڈز دے موذی مرض تے قابو پاوݨ کیتے پر عزم اے، نگران وفاقی وزیر صحت ڈاکٹر ندیم جان
اسلام آباد۔25اکتوبر(اے پی پی):نگران وفاقی وزیر صحت ڈاکٹر ندیم جان آکھیے جو حکومت ایڈز تے قابو پاوݨ کتیے پر عزم اے، یکم دسمبر کوں ایڈز دا عالمی ݙینھ اے مرض مکاوݨ دے عزم نال منایا ویسی، اے ڳالھ انہاں ورلڈ ایڈز ڈے بارے اجلاس دی اڳواݨی کریندے آکھی۔ اجلاس اچ کامن مینجمنٹ یونٹ، اے پی ایل ایچ آئی وی، یو این ایڈز، یونیسیف، یو این ڈی پی، یو این ایف پی اے اتے ڈبلیو ایچ او دے نمائنداں شرکت کیتی۔ وفاقی وزیر آکھیا جو ساݙا مقصد ہر عمر، جنس اتے آبادی دے گروپاں دے لوکاں کوں جدید ترین سائنس دی بنیاد تے حیاتی بچاوݨ دے اقدامات اتے بہترین علاج معالجہ دیاں سہولتاں ݙیوݨ اے، ایڈز دا عالمی ݙینھ مناوݨ دا مقصد ایچ آئی وی دے مرض اچ مبتلا لوکاں دی حمایت اتے یکجہتی کرݨ اے۔
