اسلام آباد۔11جولائی :وزیراعظم شہبازشریف ترکیہ دے صدر رجب طیب اردوان نال ٹیلی فونک رابطہ کیتے۔ وزیراعظم پاکستان دی حکومت تے عوام دی طرفوں ترکیہ دی حکومت تے عوام کوں عید الاضحیٰ دے پرمسرت موقع تے مبارخ ݙتی اے ۔وزیراعظم آفس دے میڈیا ونگ توں جاری بیان موجب وزیراعظم دی طرفوں عید الاضحیٰ دی پرتپاک مبارخ دا جواب ݙیندے ہوئیں صدر ایردوان وی پاکستان دی حکومت تے عوام کیتے نیک خواہشات دااظہار کیتے ۔ترکیہ دے صدر بلوچستان اچ تباہ کن سیلاب دے متاثرین کیتے دعا وی کیتی ، ایں تناظر اچ ، صدر اردوان آزمائش دے اوکھے ویلھے پاکستان کیتے اپݨی حکومت دی مستقل حمایت دا اعادہ کیتے۔ترکیہ دے اپݨے اڄوکے دورے تے انہاں دے وفد دی گرمجوشی نال کیتی ڳئی مہمان نوازی دا ذکر کریندے ہوئیں وزیر اعظم شہباز شریف تجارت، سرمایہ کاری، توانائی تے ٻئے اہم شعبیں اچ ݙو پاسے تعاون کوں مزید ودھاوݨ دے عزم دا اظہار کیتا۔وزیراعظم شہباز شریف ݙسائے جو او ستمبر 2022 اچ پاکستان اچ تھیوݨ آلے اعلیٰ سطحی سٹرٹیجک کوآپریشن کونسل دے 7ویں اجلاس اچ صدر اردوان دے استقبال دے منتظر ہن۔
وزیراعظم شہبازشریف دا ترکیہ دے صدر رجب طیب اردوان نال ٹیلی فونک رابطہ، عید الاضحیٰ دی مبارخ
