داسوڈیم تے دسمبر2021 دے چھیکڑ تئیں 10.6 فیصد کم تھی ڳئے، وزارت آبی وسائل دا قومی اسمبلی اچ تحریری جواب
اسلام آباد (اے پی پی) قومی اسمبلی کوں ݙسیا ڳیا جو داسوڈیم تے دسمبر2021 دے چھیکڑ تئیں 10.6 فیصد کم تھی ڳئے۔
بدھ کوں قومی اسمبلی اچ سوالاں دے وقفے اچ سید ابرار علی شاہ دے سوال دے ولدے اچ وزارت آبی وسائل ولوں ایوان کوں تحریری طور ݙسیا ڳیا جو داسو ڈیم دے ڈائی ورژن ٹنلز، انڈرگراونڈپاورہاوس اتے فلشنگ ٹنل تے کم جاری اے۔
ایوان کوں ݙسیا ڳیا جو دسمبر 2021 دے چھیکڑ تئیں مجموعی حقیقی پیش رفت 10.6 فیصد اے۔ ایوان کوں ݙسیا ڳیا جو منصوبے دی مجموعی لاگت 510980.20 ملین روپے اے جئیں اچوں اڄاں تئیں 126834 ملین روپے خرچ تھین۔
