اسلام آباد(سرائیکی نیوز) موت دی سواری چنگچی دی پھانسی منسوخ، سپریم کورٹ نے تریھ پیاں والی ساری کوں چاریاں صوبیاں اچ چلاوݨ دی اجازت ݙے ݙیتی، سپریم کورٹ دی طرفوں چنگچی رکشے کوں چارے صوبیاں اچ مشروط طور تے چلاون دی اجازت ݙے ݙیتی ھِ ڈرائیور چار توں زیادہ سواریاں نا بھلیسی ۔ چنگچی رکشہ یونین دی اپیل تے سپریم کورٹ نے تیرہ صفحیاں تے مشتمل تحریری فیصلہ جاری کر ݙیتا جیندے مطابق صرف منظور شدہ کمپنیاں دی ݙیزائن دے رکشے چل سکدے ھن۔ عدالتی فیصلے دے تحت چنگچی ڈرائیوراں کوں لائسنس وی ہووے تے فٹنس سرٹفکیٹ وی نال لازمی ہووے، چنگچی رکشہ یونین دی اپیل تے سپریم کورٹ دا تحریری فیصلہ جاری کیتا گئیا ۔ عدالت دا صوبائی حکومتاں کوں رکشے باضابہ رجسٹرڈ کرواوں دا حکم ݙے ݙیتا گئیا

اسلام آباد(سرائیکی نیوز) پاکستان تے روس نے خطے اچ عسکریت پسند گروپ داعش دے ودھدے ہووے خطرے تے تشویش دا اظہار کر ݙیتا ، ڈونہاں ملکاں دی طرفوں اے تشویش دا اظہار انسداد دہشت گردی تے پاک روس مشترکہ ورکنگ گروپ دے ٧ ویں اجلاس اچ کیتا گئیا پاکستان تے روس دی طرفوں مشاہدی کیتا گئیا کہ داعش دے جنگجوواں دی متنازع علاقیاں توں ملکاں اچ واپسی خطے سمیت دنیا دے مختلف حصیاں توں ھ وڈا سیکیورٹی خطرے ھِ تے ایں نال نمٹݨ کیتے علاقائی تعاون ضروری ھِ

خیال رھاوے کہ گزشتہ مہینے پاکستان دے وزیر خارجہ خواجہ آصف تے روس دے سرجے لیورو دی ماسکو اچ ملاقات دے دوران ڈونہاں رہنماواں نے داعش دی افغانستان اچ موجودگی تے گہرے تحفظات دا اظہار کیتا ھا تے ایں صورتحال توں غیر موثر طریقے نال نمٹݨ واسطے امریکا تے نیٹو کوں سخت تنقید دا نشانہ بنڑایا ھا۔

روسی وزیر خارجہ دی طرفوں داعش دے زیر اثر علاقیاں اچ غیر متوقی ہیلی کپٹراں دی پروازاں تے وضاحت ڈیون تے ناکامی تے امریکا تے نیٹو کوں تنقید دا نشانہ بنڑایا ھا جبکہ پاکستانی وزیر خارجہ خواجہ آصف دی طرفوں آکھیا گئیا ھا کہ کج داعش دے دہشت گرداں نے خود کوں مشرقی وسطی توں افغانستان منتقل کر ݙیتے تے انہاں اچ زیادہ تر شمال مشرقی علاقیاں اچ ھن جو ھک خطرناک صورتحال ھِ

ڈوجہے پاسے مشترکہ ورکنگ گروپ دے اجلاس دے حوالے نال دفتر خارجہ دی طرفوں آکھیا گئیا ھِ کہ ڈونہاں ملکاں دی طرفوں انسداد دہشت گردی کیتے ݙو طرفہ تعاون دی لوڑ تے زور ݙیتا گئیا ۔ دفتر خارجہ نے ڈسایا کہ ڈونہاں ملکاں کوں ایں گالھ تے رضا مند ہوون کہ دہشت گردی دے مقابلے کیتے اقوام متحدہ تے دیگر بین الاقوامی اداریاں دے نال تعاون کیتا ویسی۔ واضح رھاوے کہ پاکستان تے روس دے درمیان کجھ عرصے توں تعلقات اچ بہتری آئی ھِ تے ٢٠٠٧ دے بعد ڈونہاں ممالک دے درمیان تعلقات اچ وڈی کامیابی حاصل تھئی ھِ

اسلام آباد( سرائیکی نیوز) چین نے پاکستان دے میزائل پروگرام کوں مزید بہتر بنڑاون کیتے نواں ٹریکنگ سسٹم فراہم کر ݙیتا، ساوتھ چین مارننگ پوسٹ اخبار دے مطابق چین نے پاکستان دے میزائل پروگرام کیتے موثر ٹریکنگ سسٹم فروخت کیتا ھِ جیندی مدد نال ملٹی وار میزائل دی تیاری دی رفتار کوں تیز کیتا ونجن سکدا ھِ نویں چینی ٹریکنگ سسٹم دی مدد نال پاکستان دے واسطے دشمن دے متعدد شہاراں تے فوجی تنصیبات کوں بیک وقت نشانہ بنڑاون ممکن تھئی گئیا ھِ

چینی حکومت نے خفیہ دستاویزات کوں مشتہر کیتا ھِ جیندے نال ایں غیر معمولی میزائل دے سودے دی تفصیل سامنڑیں آئی، چائنیز اکیڈمی آف سائنس سی اے ایس دی طرفوں جاری کردہ تفصیلات دے مطابق چین اے حساس ٹیکنالوجی پاکستان کوں فراہم کرݨ والا پہلا ملک ھِ تاہم اے گالھ سامنڑیں نی آ سکی کہ پاکستان نے کتنی رقم اچ اے سسٹم خریدا ھِ

ساوتھ چائنہ مارننگ پوسٹ دے مطابق پاکستان میزائلز دی جدید قسم ایم آئی آر ویز دی تیاری تے توجہ ڈیندا پیا ھِ ایم ٹی آر ویز میزائل بیک وقت اچ کافی جگہواں تے وار دا حدف حاصل کر سکدے جیندے نال مختلف حصیاں اچ دشمنیاں دی تنصیبات کوں بیک وقت نشانہ بنڑایا ونج سکدے۔

امریکی ڈیفنس انٹیلی جینس کمیٹی نے وی ایں گالھ دی تصدیق کیتی ھِ کہ پاکستان نے جنوری 2017 اچ نیو کلیئر میزائل ابابیل دا تجربہ کیتا ھا جو جنبی ایشیاء دا پہلا ایم آئی آر وی میزائل ھِ جو فضا اچ بلند تھیون دے بعد ھک وقت اچ مختلف سمتاں اچ وار ھیڈز فائر کریندے اے ایم ٹی آر وی دشمن دے میزائل ڈیفنس پروگرام کو ناکام بنڑا ݙیندے ۔ ڈوجہی طرف بھارت تاحال ایم آئی آر وی میزائل بنڑاون اچ ناکام ھِ غیر ملکی دفاعی تجزیہ کاراں دا آکھن ھِ کہ ابابیل میزائل تیاری دے ابتدائی مراحل اچ ھِ تے ایکوں مکمل تھیون اچ کافی وقت لگسی۔

اسلام آباد (سرائیکی نیوز ) چیئرمین پی ٹی آئی عمران خان دا آکھن ھا کہ آصف زرداری توں زیادہ قرضے نواز شریف دے دور اچ گھیدے گئے قرضیاں اچ دبݨ دی وجہہ امریکا دے سامنڑیں سر نی چا سکدے۔ اسلام آباد اچ چیئرمین تحریک انصاف عمران خان نے پریس کانفرنس نال خطاب کریندے ہووے آکھیا کہ آصف زرداری توں زیادہ قرضے نواز دور اچ گھیدے گئے انہاں ڈسایا کہ زرداری دور اچ ٨ ارب ڈالر قرض گھیدا گئیا نواز شریف دے چار سال اچ ١٠ ارب ڈالر قرضہ گھیدا گئیا ، عمران خان دا آکھن ھا کہ پیٹرول دے ھک لیٹر تے ٩ روپے دا اضافہ کیتا گئیا انہاں آکھیا کہ موجودہ حکومت نے قوم کں قرضیاں دے وزن سٹھ ݙیتا۔ اج ہر پاکستانی ھک لکھ ٣٠ ہزار روپے دا مقروض ھِ عمران خان نے مزید آکھیا کہ بجلی تے گیس دی زیمت ٹیکسز دی وجہہ نال زیادہ تھئی گئی خارجہ پالیسی توں متعلق عمران خان نے آکھیا کہ ڈونلڈ ٹرمپ اساں کوں ذلیل کریندے ۔ افغانستان اچ امریکا ناکام تھئے تے ملبہ اساݙے اتے پاتے، چیئرمین پی ٹی آئی دا آکھن ھا کہ قرضیاں اچ دبے ہوون دی وجہہ نال امریکا دے سامنڑیں سر نی چا سکدے۔

اسلام آباد: سینیٹ اچ شیری رحمان کوں نوازں اپویشن لیڈر مقرر کر ݙیتا گئیا ، ایوان بالا اچ اپوزیشن لیڈر کیتے جوڑ توڑ دا مرحلہ ختم تھئی گئیا ڈونہاں نامزد امیدواراں پیپلزپارٹی دی شیری رحمان تے تحریک انصاف دے اعظم سواتی نے تحریری درخواستاں جمع کروائیاں۔ سینیٹر شیری رحمان نے ٣٤ ارکان دی حمایت ے نال تحریری درخواست دی جبکہ اعظم سواتی نے ١٩ ممبران دی حمایت دے نال درخواست جمع کروائی ، پیپلز پارٹی دی نامزد شیری رحمان کوں واضح برتری حاصل تھئی تے او سینیٹ اچ اپوزیشن لیڈر قرار پائی۔ ذرائع دے مطابق سینیٹ سیکریٹری دی طرفوں اج اپوزیشن لیڈر کیتے نوٹیفکیشن جاری کر ݙیتا گئیا ۔ سرائیکی نیوز ۔

اسلام آباد (سرائیکی نیوز) وفاقی کابینہ نے ایل سی ایل اچ لوگاں دے ناں پاوݨ تے کڈھݨ دا فیصلہ کرݨ کیتے ٣ رکنی کابینہ کمیٹی قائم کر ݙیتی، میڈیا رپورٹس دے مطابق کمیٹی دی سربراہی وزیر قانون و انصاف محمود بشیر ورک کریسن جبکہ دیگر ارکان وی وفاقی وزیر برائے سٹیٹس اینڈ فرٹنیئر رینجز عبدالقادر بلوچ تے وزیر اعظم دے خصوصی مشیر برائے قانون بیرسٹر ظفر اللہ خان شامل ھن اے کمیٹی ای سی ایل اچ لوگاں دے ناض پاون یا کڈھن دے حوالے نال قواعد و ضوابط بنڑاوݨ کیتے تجاویز پیش کریسی جیندا وفاقی کابینہ جائزہ گھݨ د بعد منظوری ݙیسی۔

اسلام آباد(سرائیکی نیوز) وزیر اعظم شاہد خاقان عباسی نے افغان سفیر ڈاکٹر عمر ذخیلوال نال ملاقات دے دوران کابل دھماکے اچ ہلاکتاں تے اظہار افسوس کیتا ھِ تفصیل دے مطابق وزیر اعظ شاہد خاقان عباسی تے افغان سفیر ڈاکٹر عمر ذخیلوال دے درمیان ملاقات اچ باہمی دلچسپی دے امور تے امن و امان دی صورتحال توں متعلق تبادلہ خیال کیتا ایندے علاوہ وزیر اعظم نے افغان سفیر توں قابل دھماکے اچ ہلاکتاں تے اظہار افسوس کیتا۔ واضح رھاوے کہ اج افغانستان دے دارالحکومت کابل اچ خود کش حملے اچ ٢٦ بندے جاں بحق ١٨ زخمی تھئی گئے۔

اسلام آباد (سرائیکی نیوز) سابق اہل وزیر اعظم نواز شریف نے آکھیا کہ اداریاں دی عزت کرݨ والا واحد بندہ ھاں جو فیصلہ آئے او میڈی تے قوم دی نظر اچ ٹھیک نا ھا ، وفاقی دارالحکومت دی احتساب عدالت اچ العزیزیہ اسٹیل ملز دی ریفرنس دی سماعت تھئی ۔ ایں موقع تے سابق وزیر اعظم نواز شریف نے میڈیا نال گالھ مہاڑ کریندے ہووے آکھیا کہ میں اداریاں دی عزت کرن والا شخص ھاں میڈے خلاف جو فیصلہ آیا او قوم دی نظر اچ وی ٹھیک نا ہوسی ۔ انہاں مزید آکھیا کہ بلیک لاڈکشنری دا سہارا گھن تے فیصلہ کتا گئیا ھِ فیصلے تے تنقید کرݨ میڈا تے پارٹی دا حق ھِ ھن حالات ایں طرف ویندے پئے ھن کہ میڈے خلاف توہین عدالت تے فل بینچ بنڑاں ݙیتا گئیا ھِ نواز شریف نے آکھیا ھِ کہ انہاں دے پتر توں تنخوان نا گھن تے نا اہل لکھا گئیا ھِ تے او وی بلیک لاء ڈکشنری دا سہارا گھن تے لہذا میں کیں ایں فیصلے کوں قبول کریندا، ھن تاں نیازی صاحب نے وی آکھیا ھِ کہ پاناما دا فیصلہ کمزور فیصلہ ھِ ھن تاں عدالت دے اندر تے باہر ڈونہاں طرفوں آواز چودیاں پیاں ھن۔ نواز شریف نے مزید آکھیا ھِ کہ فیصلے اپنڑیں منہ تے ہمیشہ خود بولیندے ھن کہ کیندا فیصلہ کیویں ہونڑاں چاھیدے، فیصلے ڈیون والے وی غور کرن کہ انہاں دے اے فیصلے لوگاں کوں قبول وی ہوندے ھن یاد رھاوے کہ سابق وزیر اعظم نواز شریف دے خلاف سپریم کورٹ اچ توہین عدالت کیس دی سماعت ٢ ہفتیاں کیتے ملتوی کر ݙیتی گئی ھِ

اسلام آباد(سرائیکی نیوز) کراچی دے علاقے شہ لطیف ٹاون اچ جعلی پولیس مقابلے دے دوران قتل کیتے ونجن والے نقیب اللہ محسود توں متعلق از خود نوٹس کیس اچ سابق سینئر سپرنٹنڈنٹ پولیس ایس ایس پی ملیر راو انوار سپریم کورٹ اچ پیس تھئے تے سماعت دے بعد انہاں کوں گرفتار کر گھیدا گئیا ۔ سابق ایس ایس پی ملیر کوں سپریم کورٹ دے عقبی دروازے توں عدالت اچ پیش کیتا گئیا جبکہ انہاں اپنڑیں چہرے کوں ماسک نال لکا رکھا ھا ، راو انوار دی پیشی دے موقع تے سپریم کورٹ تے ایندے اطراف سیکیورٹی دے سخت انتظامات کیتے گئے جیتھاں اسلام آباد پولیس سمیت سندھ پولیس دی وی بھاری نفری تعینات ھائی ۔ سماعت دے دوران راو انوار دے وکیل نے سابق ایس ایس پی ملیر دی حفاظتی ضمانت دی درخواست دائر کیتی جیندے تے سپریم کورٹ نے مسترد کریندے ہووے آکھیا کہ پہلے وی حفاظتی ضمانت ݙیتی گئی ھائی تاہم ایکوں مسترد کیتا ویندے۔ چیف جسٹس میا ثاقب نثار نے راو انوار دے بینک اکاونٹ کوں وی دوباری بحال کرݨ دا حکم ݙیندے ہووے آکھیا کہ سابق ایس ایس پی ملیر دے بینک اکاونٹ بحال کر ݙیتے ونجنے تاکہ انہاں دے بالاں دی روزی روٹی کھل سکے تے جو تنخواہ انہاں کوں ݙیتی ویندی پئی ھاں او وہ انہاں کوں ملنی چاھیدی ھِ راو انوار دے وکیل دی طرفوں عدالت اچ درخواست جمع کرائی گئی ھائی جیندے اچ نقیب اللہ محسود قتل کیس دے سلسلہ اچ بنڑائی گئی مشترکہ تحقیقاتی ٹیم جے آئی ٹی تے عدم اطمینان دا اظہار کریندے ہووے آکھیا کہ انٹیلی جنس بیورو آئی بی تے انٹر سروسز انٹیلی جنس آئی ایس آئی دے افسران تے مشتمل نویں جے آئی ٹی بنڑائی ونجے۔ چیف جسٹس نے ریمارکس ݙیتے کہ قتل دے مقدمے اچ خفیہ ایجنسیاں دا کیا کم ھِ اگر کوئی گالھ تھئی تاں کمیٹی دی سفارشات کوں عدالت خود ݙیکھ گھنسی اے ھرگز نا سمجھا ونجے کہ کہیں توں پچھن ویندے پئے ھیں کیونکہ عدالت آزاد ھِ تے خود ھی فیصلے کریندی ھِ بعدازاں چیف جسٹس میاں ثاقاب نثار نےاے آئی جی سندھ آفتاب پٹھان دی سربراھی اچ نویں جے آئی ٹی تشکیل ݙیون دا حکم ݙے ݙیتا۔ نویں جے آئی ٹی اچ اے آئی جی اسپیچل برانچ ولی اللہ ݙھل، ݙی جی ساوتھ محمد آزاد احمد خان ، ݙی آئی جی ایسٹ ذوالفقارلاڑک تے ایس ایس پی کورنگی ڈاکٹر رضوان وی شامل ہوسن، سپریم کورٹ نے راو انوار کوں گرفتار کرن دا وی حکم ݙیتا ، تاہم انہاں کوں کمرہ عدالت توں باہر آندے ھی گرفتار کر گھیدا گئیا جیندے بعد پولیس حکام انہاں کوں اپنڑیں نال گھن گئی۔ گزشتہ سماعت دے دوران چیف جسٹس میاں ثاقب نثار نے ریمارکس ݙیتے ھن کہ عدالت اے جاݨ تے ہی رھاسی کہ راو انوار دے سہولت کار کون لوگ ھن تے انہاں عدالت کوں جواب دے وہ ہوونڑیں ۔ عدالت دا گزشتہ سماعت دے دوران اے وی آکھن ھا کہ راو انوار دے کول ھن وی موقع ھِ کہ او عدالت عظمی آ ونجن اگر راو انوار عدالت آندے ھن تے او بچ سکدے ھن تے عدالت نا آوݨ دی صورت اچ انہاں کوں کہیں ݙوجہی جگہ توں وی تحفظ نا ملسی۔

اسلام آباد (سرائیکی نیوز ) سپریم کورٹ نے ٹیلی ویزن پروگرام دے اینکر ڈاکٹر شاہد مسعود تے ٣ ماہ دی پابندی لا ݙیتی انہاں توں تحریری معافی نامہ طلب کر گھیدا، سماعت دے دوران ڈاکٹر شاہد مسعود نے عدالت کوں دل دی گہرائیاں نال غیر مشروط معافی دی پیش کش کیتی جیندے تے چیف جسٹس میاں ثاقب نثار دی طرفوں مسترد کر ݙیتا۔ چیف جسٹس دا آکھن ھا کہ میں آپ کوں بغیر سزا ݙیتے معاف نہیں کرونگا، تساڈی دل دی گہرائیاں کوں بہوں چنگی طرح نال جانڑداں تے بہوں عرصے توں سنڑداں وی پیاں، چیف جسٹس نے شاھد مسعود توں استفسار کیتا کہ خود سزا تجویز کرن وگرنہ اساں چھ ماہ دی پابندی عائد کر ݙیسوں ، ڈاکٹر شاہد مسعود نے چیف جسٹس دے سوال تے پہلے ھک ماہ ول ݙو ماہ تک پابندی دی سزا تجویز کیتی ۔ یاد رھاوے کہ قصور اچ ٦ سالہ بالڑی دے ریپ تے قتل دے بعد ڈاکٹر شاہد مسعود دی طرفوں اپنڑیں پروگرام اچ دعوی کیتا ھا کہ ایں واقعے اچ پکڑا گئیا ملزم عمران کوئی معمولی آدمی کینی بلکہ ایندے ٣٧ بینک اکاونٹ ھن تے او ھک بین الاقوامی گروہ دا کارندہ ھِ تے ایندے گروہ اچ مبینہ چور تے پنجاب دے ھک وزیر وی شامل ھن۔ ایں دعوے دے بعد چیف جسٹس نے نوٹس گھیدا تے انہاں کوں سپریم کورٹ اچ طلب کر گھیدا جیتھاں ڈاکٹر شاہد مسعود نے عدالت کوں ملزم دے ٣٧ اکاونٹ دی تفصیلات جمع کریندے ہووے ھک پرچی تے انہاں شخصیات دے ناں لکھ تے ݙے ݙیتے۔

اسلام آباد(سرائیکی نیوز) مریم نواز نے ن لیڳ ڊی صدارت سنٻھالی تاں پارٹی چھوڑ ݙیساں، تفصیل دے مطابق ن لیگی دے سینیئر رھنما چوھدری نثار نے ھک واری ول مریم نواز دے خلاف وڈا اعلان کر ݙیتا تے آکھیا کہ مریم نواز کڈھیں وی پارٹی دی سربراہ بنڑیں تاں ن لیگ چھوڑ ݙیساں ، پاکستان دے ھک نجی ٹی وی کوں انٹرویو ݙیندے ہووے سابق وزیر داخلہ نے ھک بئیا وڈا اعلان کر ݙیتا انہاں آکھیا کہ اگر مریم بی بی مستقبل اچ پارٹی دی سربراہ بنڑی تاں ن لیگ چھوڑ ݙیساں انہاں دا آکھن ھا کہ مریم تے حمزہ ڈونہاں بالاں دی طرح ھن لیکن انہاں دی لیڈر شپ اچ کم نی کر سکدا، ھک سوال دے جواب اچ چوہدری نثار نے آکھیا ھِ کہ عمران خان نال ٣٠ سال دا تعلق ھِ میاں صاحب کوں ڈسایا ھا کہ انہاں دے خلاف نا بولیساں۔ سابق وزیر داخلہ نے راجا ظر الحق دی بطور چیئرمین نامزدگی تے وی تنقید کیتی ھائی تے آکھا ھا جئیں ویلے نمبرز پورے نا ھن تاں سینیئر ترین شخص کوں نامزد کیوں کیتا۔ چوہدری نثار نے اپنڑیں باغی اراکین دی حمایت وی کیتی تے آکھیا ھِ کہ اگر سینیٹ اچ ہووں ھا تاں پارٹی دے آکھن دے باوجود ڈپٹی چیئرمین کیتے ووٹ نا ڈون ھا

اسلام آباد (سرائیکی نیوز) نگران وزیر اعظم کہیں کوں بنڑاوں، اپوزیشن لیڈر تے وزیر اعظم نے تلاش تیز کر ݙیتی، ݙو وڈیاں دی ملاقات وی جلد متوقع ھِ حکومت تے اپوزیشن اچ ھک ناں تے اتفاق نا تھیون دے باعث معاملے الیکشن کمیشن اچ ونجن دے خدشات وی ودھݨ لڳ ڳئے، نگران وزیر اعظم دا تاج کیندے سر تے سجاوں شاہد خاقان عباسی نے امریکہ توں خورشید شاہ وکں فون کیتا تے ایں معاملے کوں طے کرݨ کیتے جلد مل تے بھاوݨ دا فیصلہ وی کیتا ، ذرائ دے مطابق ابتدائی طور تے نگران وزیر اعظم کیتے فخر امام ، رضا ربانی تے عشرت حسین دے ناں زیر غور آئے ھن اپوزیشن لیڈر ایں معاملے اچ تحریک انصاف دی خواش کوں وی مد نظر رکھیسن۔ نگران وزیر اعظم دی تلاش دا عمل مئی دے وسط اچ مکمل کر گھیدا ویسی۔ نگران وزیر اعظم دے ممکنہ امیداواراں دے ناواں دا حتمہ فیصلہ نواز شریف تے آصف زرداری کریسن۔

اسلام آباد (سرائیکی نیوز ) پاکستانی طلبہ ٹیکنالوجی اچ کہیں توں پچھاں نی رھاندیاں، انٹرنیٹ دے بغیر روشنی دی مدد نال ڈیٹا ٹرانسفر کرݨ دا نواں طریقہ ایجاڊ کر گھیدا، ݙو کمپیوٹر آمنڑیں سامنڑیں نا انٹرنیٹ نا کوئی کیبل صرف سینڈر تے ریسیو دے طور تے ݙو ڈیوائس ، اتھاں روشنی بلدی ھِ اتھاں ݙیٹا ٹرانسفر ۔ اسلام آباد دے طلباء نے ٦ ماہ دی لائٹ دے ذریعے کمیونیکشن دا نواں سسٹم تیار کر گھیدا۔ پراجیکٹ تے کم کرن والے مومنہ ولید تے شہروز ایں ون وے کمیونیکشن کوں ݙو وے بنڑاوݨ دا عزم رکھیندے ھن اگر حکومت سرپرستی کرے تاں اے با صلاحیت نوجوان آئی ٹی دی دنیا اچ تہلکہ مچا سکدن۔

اسلام آباد (سرائیکی نیوز) وزیر اعظم دے مشیر برائے قومہ سلامتی لیفٹیننٹ جنرل (ر) نار جنجوعہ نے افغان صدر اشرف غنی نال ملاقات کیتی ھِ قومی سلامتی دے مشیر ناصر جنجوعہ اپنڑیں افغان ھم منصب حنیف اثمر دی دعوت دے افغانستان دے دورے تے ھن ، افغان میڈیا دے مطابق ناصر جنجوہ نے صداری آفس اچ صدر اشرف غنی نال ملاقات کیتی جیندے اچ ڈونہاں طرف دے وفود وی شامل ھن افغان صدر تے ناصر جنجوعہ دی ملاقات اچ افغان اچ امن عمل سمیت ݙو طرفہ امور تے گالھ مہاڑ تھئی ۔ افغان صدر اشرف غنی نے وی سماجی رابطے دی سائٹ ٹوئیٹر تے اپنڑیں ٹوئٹ اچ ناصر جنجوعہ نال ملاقات دی اطلاع ڈیتی ۔ صدر اشرف غنی نے اپنڑیں پیغام اچ پاکستان دے وزیر اعظم کوں افغانستان دے دورے دی دعوت ݙیتی افغان صدر دا آکھن ھا کہ وزیر اعظم پاکستان کوں دعوت ݙو ریاستاں دے درمیان جامع مذاکرات دا اقدام ھِ مشیر قومی سلامتی ناصر جنجوعی افغان چیف ایگزیکٹو ڈاکٹر عبداللہ عبداللہ نال اہم ملاقات کریسن جبکہ او اپنڑیں افغان ہم منصب تے افغان سیکیورٹی ایجنسی این ڈی ایس دے سربراھ نال وی ملسن۔

اسلام آباد (سرائیکی نیوز) ایئرمارشل مجاہد انور خان کوں پاک فضائیہ دا نواں سربراہ نامزد کر ݙیتا گئیا ترجمان پاک فضائیہ دے مطابق مجاہد انور خان ایں ویلے ایئر ہیڈ کوارٹرز اسلام آباد اچ بطور ڈپٹی چیف آف دی ایئر فورس دی جی ڈی پی برانچ اچ دسمبر 1983 اچ کمیشن حاصل کیتا ، پاک فضائیہ دے نامزد نویں سربراھ مجاھد انور خان کمبیٹ کمانڈر اسکال، کمانڈ اینڈ اسٹاف کالج اردن توں فارئ التحصیل ھن او چیف آف دی ایئر اسٹاف دے پرسنل اسٹاف آفیسر دے علاوہ ڈائریکٹر جنرل سی فور آئی دے طور تے وی خدمات انجام ݙے چکے ھن۔ ترجمان فضائیہ دے مطابق مجاھد انور نے اپنڑیں کیریئر دے درمیان مختلف تربیتی تے لڑاکا طیارے وی اڈائے۔ واضح رھاوے کہ پاک فضائیہ دے موجودہ سربراہ ایئر چیف مارشل سہیل امان کوں ١٨ مئی ٢٠١٥ کوں ایں عہدے تے تعینات کیتا ھا ، او این مہینے ١٨ مارچ کوں اپنڑیں عہدے توں سبکدوش تھیندے پئے ھن

اسلام آباد(سرائیکی نیوز) الیکشن کمیشن نے پاکستان مسلم لیگ (نں کوں شہباز شریف دے ناں توں رجسٹرڈ کر ݙیتا، نواز شریف (ن) لیگ دے تاحیات قائد تے شہباز شریف قائم مقام صدر منتخب سپریم کورٹ نے الیکشن ایکٹ بل دا فیصلہ سنڑیندے ہووے میاں نواز شریف کوں بچور پارٹی صدر کیتے وی نا اہل قرار ݙیتا ھا جیندے عبد مسلم لیگ ن دی مجلس شوری نے میاں شہباز شریف کوں پارٹی دا نواں صدر مقرر کر گھیدا جیندی منظورہ جنرل ورکرز اجلاس توں گھیدی گئی۔ الیکشن کمیشن نے میاں شہباز شریف دے پارٹی دا صدر بنڑن دے بعد مسلم لیگ ن کوں انہاں دے ناں رجسٹرڈ کر ݙیتا ھِ الیکشن کمیشن دی ویب سائٹ دا عکس، جیتھاں شہباز شریف دا ناں مسلم لیگ ن دے صدر دے طور تے درج کر گھیدا گئیا ھِ واضح رھاوے کہ عدالتی فیصلے دے بعد ن لیگ نے میاں نواز شریف کوں پارتی دا تاحیات قائد مقرر کیتا ھِ

اسلام آباد(سرائیکی نیوز) رفاقی وزیر داخلہ احسن ابال نے ملک اچ لا پتہ بندیاں توں متعلق اپنڑاں تحریری جواب ایران اچ جمع کرا ݙیتا، وفاقی وزیر داخلہ دی طرفوں جمع کرائے گئے تحریری جواب دے مطابق ملک اچ لا پتہ بندیاں دی کل تعداد 1640 ھں جیندے اچ صوبہ سندھ توں 142 بندے لا پتہ ھن جنہاں دا زیادہ تعلق کراچی نال ھِ احسن اقبال نے ڈسایا کہ جبری گمشدگیاں توں متعلق کمیشن آف انکوائری دی آخری ماہانہ رپورٹ 28 فروری کوں آئی ، کمیشن نے سندھ دے 1217 اچ 1075 کیسز نمٹا ڈیتے ھن۔