پاکستان نے امریکی ݙو مور ڊی رَٹ وَل مسترڊ کر ݙیتی
اسلام آباد(سرائیکی نیوز) پاکستان نے امریکی ݙو مور دا مطالبہ ھک واری ول مسترد کریندے ہووے آکھیا ھِ کہ اساں تمام علاقیاں توں دہشت گرداں دا صفایا کر ݙیتا ھِ ھن افغان سر زمین تے دہشت گرداں دے محفوظ ٹھکانڑیاں کوں ختم کرن کیتے افغان حکومت تے ریزولیوٹ سپورٹ مشن کوں ݙو مور کرنا چاھیدا ھِ بھارت نے سندھ طاس معاھدے کوں غیر فعال کر ݙیتا ھِ اساں اے معاملہ عالمی بینک دے نال چاتا ھِ بھارت دے نال تمام تصفیہ طلب مسائل گالھ مہاڑ دے ذریعے حل کرن کیتے تیار ھیں پاکستان اچ بھارتی سفارتی عملے کوں حراساں کرݨ دا الزام بے بنیاد ھِ نویں دہلی اچ پاکستانی سفارتی عملے تے انہاں دے بالاں دے تحفظ دی ذمہ داری بھارتی حکومت دی ھِ روس دے نال تعلقات کوں مزید وسید تے مستحکم کرݨ کیتے سنجیدہ کوششاں جاری ھن انہاں خیالات دا اظہار دفتر خارجہ دے ترجمان ڈاکٹر محمد فیصل نے جمعرات کوں ہفتہ وار پریس کانفرنس دے دوران صحافیاں دے مختلف سوالاں دے جواب ڈیندے ہووے کیتا۔ ترجمان نے آکھیا کہ پاکستانی فورسز انٹیلی جنس معلومات دی بنیاد تے دہشت گردی دے خلاف کامیاب آپریشن کریندے پئی ھِ تے ایندے نتیجے اچ پاکستان نے سرحدی سمیت تمام علاقیاں توں دہشت گرداں دا مکل صفایا کر ݙیتا ھِ ھن پاکستان اچ دہشت گرداں دا کوئی منظم وجود باقی کینی۔
