روپے کوں خان تے ڈالر کوں سونے ڊا تاج،معاشی ڄاڊوگراں ساوے باغ ݙیکھائے، سینیٹر سراج
دیر(سرائیکی نیوز ) امیر جماعت اسلامی پاکستان سینیٹر سراج الحق نے آکھا ھِ کہ روپے کوں خان اچ ملاوݨ تے ڈالر کوں سونے دا تاج پواوݨ والے اوہو معاشی جادوگر ھن جنہاں نے ہمیشہ لوگاں کوں معاشی ترقی تے خوشحالی دے ساوے باغ ݙیکھا تے دھوکا ݙیتا قومی دولت لٹ تے منی لانڈرنگ دے ذریعے بیرون ملک منتقل کیتی ، لندی ، دبئی تے سوئس بینکاں اچ لٹی گئی دولت جمع کراݨ والیاں نے روپے دی بے قدری کرتے ملک ی معیشت کوں تباہ کر ݙتا۔ اساں حکومت دی معاشی پالیسیاں دی مذمت تے ایکوں مسترد کریندے ھیں جئیں نے عوام کوں مہنگائی تے غربت دے سوا کجھ نی ݙیتا، متحدہ مجلس عمل ھک نویں عزم دے نال میدان اچ آئی ھِ اب ملک توں منفی انتہا پسندانہ نفرت دی سیاست دا خاتمہ تے شائستہ تے با اخلاق سیاست ہوسی ملک دی پنج وڈی دینی جماعتاں دا اتحاد قوم تے امت کیتے خیر و برکت دا پیغام ھِ
