کراچی اچ میٹھے پانڑیں دا شدید بحران، ٧ ݙینھ توں میٹھے پانڑیں دی سپلائی بند
کراچی(سرائیکی نیوز۔جلیل احمد لاشاری) کراچی اچ میٹھے پانڑیں دا شدید بحران، یکے بعد دیگرے علاقیاں کوں لائن دے ذریعے میٹھے پانڑیں ڈیون دی سپلائی گزشتہ ٧ ڈینھ توں بند، لوگ پریشانی دا شکار، تفصیل دے مطابق کراچی دے نصف آبادی میٹھاں پانڑیں خرید کے پیندے ھِ لیکن ہر ماہ حکومت کوں وی پانڑیں دے بل ہر ماہ ادا کریندی ھِ بل دی متواتر ادائیگی بیشک پانڑی دی لائن آندی پئی ہووے یا نا آندی پئی ہووے کراچی واٹر سپلائی کارپوریشن دی جعل سازیاں دی انتہا تھئی گئی ھِ جیویں گرمیاں دی لہر آئی ھِ اویں ھِ رہے سہے علاقیاں اچ پانڑیں دی ساپلائی بند کر ݙیتی گئی ھِ ، حکومت میٹھی نیندر ستی پئی ھِ عوام میٹھے پانڑیں توں ترس گئے ھن۔ متاثر تھیون والے علاقیاں اچوں کورنگی، قائد آباد ، ملیر ، گلشن اقبال ، نارتھ کراچی دے علاوہ لیاری دے علاقے نمایاں ھن۔ تمام اہلیان کراچی اعلی حکام توں مطالبہ کریندن کی حکومت ایں بارے سنجیدگی نال سوچے تے لوگاں کوں میٹھاں پانڑیں مہیا کرے ورنہ غنڈے ٹیکس پانڑیں دے بل دی صورت اچ ھر گھر توں گھݨ بند کرے، شہریاں سرائیکی نیوز نال گالھ مہاڑ کریدنے ڈسایا کہ اساں کھارے پانڑیں استعمال کریندے پئے ھیں جو اساں خود موٹراں لا تے زمین توں بورنگ کر تے پانڑیں بھریندے ھیں تے پیون واسطے میٹھاں پانڑیں پیسیاں نال گھیندے ھیں ھک پاسے اساں بھاری بل کے الیکٹرک کوں ڈیندے ھیں ڈوجہے پاسے کراچی واٹر سپلائی کارپوریشن دے بل کر ماہ ادا کریندے ھیں ڈوھیں پاسیاں توں اساں کوں لٹیا ویندا پئے۔
