وزیراعظم دا شمالی وزیرستان اچ پاک فوج دے شہید جواناں کوں خراج عقیدت
اسلام آباد (اے پی پی)وزیراعظم محمد شہباز شریف شمالی وزیرستان دے علاقے سپن وام اچ دہشت گرداں نال مقابلے اچ شہید تھیوݨ آلے پاک فوج دے جواناں سپاہی عمران اللہ اتے سپاہی افضل خان کوں خراج عقیدت پیش کریندے آکھیے جو پوری قوم اپݨے شہداء کوں سلام پیش کریندی اے اتے اپݨے سیکورٹی فورسز نال کھڑی اے۔ وزیراعظم دہشتگرداں دے خلاف کامیاب کارروائی تے سیکورٹی فورسز کوں خراج تحسین پیش کریندے آکھیے جو ساݙیاں مسلح افواج اتے قانون نافذ کرݨ آلے ادارے دہشت گرداں دے مذموم مقاصد دی راہ اچ وݙی رکاوت ہین۔ انہاں شہیداں دے درجات دی دعا کیتی اتے ورثا کوں پرچاوݨی ݙتی۔
