یوم پاکستان، مسلح افواج دی شاندار پریݙ
اسلام آباد (سرائیکی نیوز) قرار داد پاکستان دے 78 سال پورے تھیون تے اج ملک بھر اچ یوم پاکستان روایتی جوش و خروش تے ایں عزم دے نال منایا ویندا پئے کہ قرار داد پاکستان دی روشنی اچ ملک کوں عظیم توں عظیم تر بنڑیسوں۔ یوم پاکستان دی مرکزی تقریب اسلام آباد اچ شکر پڑیاں دے پریڈ گرواڈ اچ ٩ ونجے شروع تئی جیندے اچ مسلح افواج دے چاق و چوبند دستے نے سلامی پیش کیتی ۔ سری لنکا دے صدر متھری پالا سری سینا بطور مہمان خصوصی تقریب اچ شریک تھئے جبکہ متحدہ عرب امارت دی فوج دے دستے وی تقریب اچ پہلی واری شرکت کیتی.
پریݙ اچ پاکستان دی بری ، بحری تے فضائی افواج ، فرنٹیئر کور ، ناردرن لائٹ انفنٹری تے تریھاں مسلح افواج دے اسپیشل سروس گروپ تے کیمل بینڈ پریڈ اچ حصہ گھیدا ملک اچ تیار کیتے گئے ایف 17 تھینڈر طیارے سمیت لڑاکا طیارایاں نے فضائی مظاہرہ پیش کیتا۔ علی الصبح وفاقی دارالحکومت اسلام آباد اچ ٣١ ، تے صوبیاں اچ ٢١ ، ٢١ توپاں دی سلامی ݙیتی گئی بعد ازاں لاہور اچ مزار اقبال تے گارڈ دی تبدیلی دی پروقار تقریب دا انعقاد وی کیتا گئیا جیندے اچ پاک فضائیہ دے دستے نے مزار تے گارڈز دے فرائض سنبھالے۔
پریڈ گراونڈ اچ یوم پاکستان دی تقریب اچ بور مہمان خصوصی صدر مملکت ممنون حسین نے آکھیا ھِ کہ اساݙی تاریخ اچ ٢٣ مارچ جیا کوئی ڈینھ کینی ایں ڈینھ اساݙے بزرگاں نے ھک جدید تے جمہوری ملک بنڑاوݨ دا عزم کیتا۔ انہاں واضح کیتا کہ بعض طاقتاں دی طرفوں ایں خطے اچ دہشت گردی کوں ہوا ݙیون دا عمل جاری ھِ پاکستان دی مسلح افواج نے دہشت گرداں دے خلاف غیر معمولی قربانی ڈیتیاں تے ایں تناظر اچ امن و امان دی بحالی اچ قربانیاں ڈیون والیاں کیتے تمغہ عزم دا اعلان کرینداں ھاں
انہاں آکھیا کہ اساں ایں خواب کوں حقیقت بنڑاون کیتے قربانی ڈیون والیاں کوں خراج عقیدت پیش کریندے ھیں ، نال ھی ایں یوم پاکستان دی پریڈ اچ ترکی ، متحدہ عرب امارت دے دستیاں دی موجودی تے وی شکریہ ادا کریندے ھیں ایں موقع تے ایوان صدر اچ خصوصی تقریب دا انعقاد کیتا گئیا جیندے اچ مختلف شعبیاں اچ نمایاں کاکردگی دا مظاہرہ کرݨ والی اہم شخصیات کوں اعزازات نال نوازا ویسی۔
