ترکیہ اتے شام دے زلزلہ زدگان کیتے دل کھول تے عطیات ݙیو، وزیراعظم دی صنعتکاراں، مخیر اتے کاروباری لوکاں توں اپیل، امدادی کاروائیاں کوں منظم کرݨ کیتے اعلیٰ سطح دی کمیٹی ٻݨا ݙتی

ترکیہ اتے شام دے زلزلہ زدگان کیتے دل کھول تے عطیات ݙیو

وزیراعظم دی صنعتکاراں، مخیر اتے کاروباری لوکاں توں اپیل، امدادی کاروائیاں کوں منظم کرݨ کیتے اعلیٰ سطح دی کمیٹی ٻݨا ݙتی

اسلام آباد  (اے پی پی) وزیراعظم محمد شہباز شریف آکھیا جو ترکیہ اتے شام دے زلزلہ زدگان کیتے دل کھول تے عطیات ݙیو، وزیراعظم دی صنعتکاراں، مخیر اتے کاروباری لوکاں توں اپیل کیتی اے۔ خمیس کوں وزیراعظم آفس دے میڈیا ونگ توں جاری بیان موجب وزیرِ اعظم محمد شہباز شریف ِدی صدارت ترکیہ اتے شام اچ زلزلہ زدگان کیتے امدادی کماں بارے اجلاس تھیا جئیں اچ زلزلہ متاثرین کیتے امدادی کماں دا جائزہ ڳھدا ڳیا۔ وزیراعظم ہدایت کیتی جو سکولاں، کالجاں اتے یونیورسٹیاں اچ ترکیہ اتے شام دے زلزلہ متاثرین کیتے فنڈ ریزنگ کیتی ونڄے۔

وزیرِ منصوبہ بندی احسن اقبال دی سربراہی اچ وزیرِ ریلوے و ہوابازی خواجہ سعد رفیق، وزیرِ اطلاعات تے نشریات مریم اورنگزیب کمیٹی دے رکن ہوسن۔ وزیرِ تعلیم رانا تنویر حسین، وزیرِ مذہبی امور مفتی عبدالشکور، چیئرمین این ڈی ایم اے ، پاکستان دے ترکیہ اتے شام اچ سفیر اتے معاونِ خصوصی طارق فاطمی وی کمیٹی دے ممبر ہوسن۔ وزیراعظم ہدایت کیتی جو کمیٹی دا ہر ݙینھ اجلاس امدادی سامان دی ترکیہ اتے شام ترجیحی بنیاداں تے ٻھیجا ونڄے۔ اجلاس اچ وفاقی وزرا اسحاق ڈار، احسن اقبال، مریم اورنگزیب، خواجہ سعد رفیق، معاونِ خصوصی طارق فاطمی، چیئرمین این ڈی ایم اے، اتے ترکیہ اچ پاکستان دے سفیر دے علاوہ متعلقہ اعلی حکام شریک تھیے۔

Leave a Reply

Your email address will not be published. Required fields are marked *