لائن آف کنٹرول، بھارتی فورسز دی بلا اشتعال فائرنگ، ٩ بندے زخمی

آزاد جموں کشمیر(سرائیکی نیوز) آزاد جموں و کشمیر دے علاقے نکیال سیکٹر اچ بھارتی فوج دی بلا اشتعال فائرنگ نال ٢ چھوکریاں سمیت ٩ بندے زخمی تھئی گئے نکیال دے اسٹنٹ کمشنر ولید انوار دا آکھن ھا کہ بھارتی فوج نے لائن آف کنٹرول دے نال تقریبان تمام دیہات اچ سویرے ٧ وجے شہریاں کوں نشانہ بنڑیندے ہووے بھاری تعداد اچ مارٹر گولے دے فائر کیتے ، بھارت دی طرفوں فائر کیتا ونجن والا ھک شیل پالائی دیہات اچ حاجی اسلم دے گھر دی چھت تے آ ڈھٹا جیندے نتیجے اچ انہاں دیاں ݙو دیھاں زخمی تھئیاں جنہاں دی شناخت ٢٢ سالہ مسرت تے ١٥ سالہ ثمرہ دے ناں توں تھئی ھِ جیر مرگ تے دھاروتی ناری دیہات اچ وی بھارتی گولیاں دے نال ١١ سالہ دلیبہ مجید تے ٣٥ سالہ محمد زہور مغل زخمی تھئے انہاں ڈسایا کہ بالا کوٹ دے علاوے اچ ٣ بندے زخمی تھئے جیندے اچ ١٨ سالہ عبدالعزیز ، ٥٢ سالہ عبدالغنی تے انہاں دی ٤٢ سالہ اہلیہ فرزانہ بیگم شامل ھن۔ ایندے علاوہ نار دبسی دیہات اچ ٥٠ سالہ شمیم اختر وی زخمی تھئے ھن اسٹنٹ کمشنر دے مطابق ٦ زخمیاں کوں ڈسٹرکٹ ھیڈ کوارٹر ہسپتال کوٹلی منتقل کر ݙیتا گعیا ھ، انہاں دا آکھن ھا کہ بھارت دی طرفوں سویرے ھی شروع تھیون والا شیلنگ دا سلسلہ ھن تک نی رکیا ۔

بھارت اچ ٥ بندے ہلاک

بھارتی پولیس دے مطابق مقبوضہ کشمیر اچ مبینہ طور تے پاکستان دی طرفوں فائر کیتے ونجن والے مارٹر گولے نال ھک ھی خاندان دے ٥ بندے ہلاک تھئی گئے فرانسیسی خبر رساں ادارے اے ایس پی دے مطابق اے سانحہ متنازع ہمالیہ دے علاقے اچ پونچ سیکٹر اچ پیش آیا ۔ پولیس دا آکھن ھا کہ شیلنگ نال ٣٥ سالہ بندے ، ٧ تے ١٢ سالہ ڈو بالاں تے ھک ھ نوجوان تے خاتون ہلاک تھئیاں۔ ڈائریکٹر جنرل آف پولیس شیش پال وائڈ دا آکھن ھا کہ پاکستان دی طرفوں فائر کیتا ونجن والا شیل مقتولین دے گھر تے آ ڈھٹا ھا انہاں مزید آکھا کہ ڈو چھوکریاں سمیت پنجھ سالہ بال وی شیلنگ اچ زخمی تھئے جنہاں کوں ہسپتال منتقل کر ݙیتا گئیا۔ واضح رھاوے کہ ایل او سی تے جنگ بندی کیتے ٢٠٠٣ اچ پاکستان تے بھارتی افواج دی طرفوں ھک معاھدے تے دستخط کیتے گئے ھن تاہم ایندے باوجود جنگ بندی دی خلاف ورزی دا سلسلہ وقفے وقفے نال جاری ھِ خیال رھاوے کہ رواں ہفتے اقوام متحدہ دے فوجی مبصرین برائے بھارت تے پاکستان دے تریھ اہلکاراں دے لائن آف کنٹرول دے دورے دے دوران انہاں کوں صورتحال توں آگاہ کرن والے ݙو مقامی بندیاں کوں بھارتی فوج نے بلا اشتعال فائرنگ کریندے ہووے زخمی کر ݙیتا ھا تاہم ایں حملے اچ اقوام متحدہ دے اہلکار محفوظ رہے۔