ترک فوج نے شامی شہر عفرین ڊا کنٹرول سنبھال گھیدا، طیب اردگان نے تصدیق کر ݙیتی
دمشق، انقرہ (اے این این ۔ سرائیکی نیوز) ترک افواج تے حامہ ملیشیا گروھاواں نے شامی علاقے عفرین اچ کرد باغیاں کوں پسپا کریندے ہووے عفرین شہر دا کنٹرول سنبھال گھیدا ھِ میڈیا رپورٹس دے مطابق ترک افواج نے کامایب پیش قدمی کریندے ہووے شامی ڈسٹرکٹ عفرین دے وسطی شہر عفرین دا کنٹرول سنبھال گھیدے تے شہر دے مرکزی علاقے اچ ترک افواج نے ترکی دا پرچم لہرا ݙیتا ھِ اتھاں کرد باغیاں نے ایں عزم دا اظہار کیتا ھِ کہ او عفرین کوں ترک فورسز توں آزاد کرویسن، شامی کرداں نے آکھیا ھِ کہ عفرین دی لڑائی دا ھک نواں باب شروع تھیا ھِ ھن جنگجو براہ راست لڑائی دی بجائے گوریلا جنگ شروع کریسن۔ گزشتہ ڈو ماہ توں جاری ایں لڑائی اچ ترک افواج کوں مقامی شامی ملیشیا گروواں دا تعاون وی حاصل ھا ، عفرین دی ایں لڑائی اچ ڈھایئی لکھ شہری متاثر تھئے ھن ترک صدر نے عفرین شہر تے کنٹرول حاصل کرݨ دی تصدیق کر ݙیتی ھِ واضح رھاوے کہ ترک فورسز گزشتہ ڈو مہینے توں ایں علاقے اچ فوجی کارروائی اچ مصروف ھائی۔
