بہاول پور(سرائیکی نیوز۔ ملک مصطفی چنڑ) وزیر اعظم شاہد خاقان عباسی نے آکھیا ھِ کہ اساں کوں تاحیات نا اہل تھیون دا فیصلہ وی منصور ھِ لیکن تاریخ تساں کوں کجھ بیا ھی ڈسیسی، آکھیا ویندا پیا ھِ کہ ن لیگ تروٹ بھج دا شکار تھئی ویسی۔ وزیر اعظم شاہد خاقان عباسی نے تقریب نال خطاب کریندے ہووے آکھیا کہ سیاست دے فیصلے جولائی اچ پولنگ اسٹیشن تے تھیسن ، سیاست دے عدالتی فیصلیاں کوں تاریخ نے کڈھیں عزت نی ݙیتی، انہاں نے آکھیا کہ آئنی ترامیم اتفاق رائے نال تھیندی ھِ بہاول پور تے جنوبی پنجاب کیتے قرار داد پاس کرائی ، پاکستان دی بہتری کیتے تمام جماعتاں کوں مل تے فیصلہ کرنا ہوسی۔ عوام دی نمائندگی مسائل کوں حل کرݨ نال ھی ممکن ھِ
شاہد خاقان عباسی دا آکھن ھا کہ کوئی ھک جماعت نویں صوبے بنڑاون دا فیصلہ نی کر سکدی ، الیکشن توں ٢ ماہ پہلے پریس کانفرنس توں مسائل حل نی تھیندے ، لوگ جھوٹ دی سیاست کوں پسند نی کریندے انہاں آکھیا کہ اساں جمہوریت دے وقار کوں مجروح نی تھیوݨ ݙیتا، دوباری حکومت ءچ آتے تے کم کوں شروع کیتا سیاست دے فیصلے عدالتاں اچ تھیون چنگی روایت کینی۔
وزیر اعظم نے احمد پور شرقیہ کوں ضلع بنڑاوݨ دا عندیہ ڈیندے ہووئے آکھیا کہ احمد پور شرقیہ کوں ضلع بنڑاوݨ دا حمتی اعلان وزیر اعلی کریسن۔ انہاں آکھیا کہ پورا پاکستان دعوی کریندا ھِ کہ ن لیگ دے ترقی دے کماں دا کوئی مقابلہ کینی، سال دے کم ھک طرف تے نواز شریف دے ٥ سال دے کم ڈوجہے پاسے رکھ ڈیوں ، یقین ھِ کہ نواز شریف ٥ سالاں دے کماں دا پلہ بھاری ہوسی، انہاں دا آکھن ھا کہ پورے پاکستان توں ن لیگ بھاری اکثریت نال کامیاب تھیسی۔
