تاریخ دا سبھ توں وݙا ٢١ روزہ روہی سپورٹس فیسٹیول ختم تھئی گئیا، کور کمانڈر بہاولپور شرکت کیتی
بہاول پور (سرائیکی نیوز) پاک فوج تے سول انتظامیہ دی مشترکہ کاوشاں نال منعقد تھیوݨ والا بہاول پور دی تاریخ دا سبھ توں وݙا ٢١ روزہ روہی سپورٹس فیسٹیول ختم تھئی گئیا ، کور کمانڈر بہاول پور لیفٹینیٹ جنرل سید محمد عدنان ہلال امتیاز (ملٹری) نے اختتامی تقریب ءچ بطور مہمان خصوصی شرکت کیتی بوم بوم شاھد خان آفریدی بطور خاص انہاں د نال شریک تھئے ، فیسٹیول دے پہلے مرحلے ءچ ھاکی ڈوجہے مرحلے ءچ فٹ بال تریجھے تے آخری مرحلے ءچ کرکٹ تے گرلز بیڈ منٹن میچاں دے مقابلے لگے ، کور کمانڈر بہاول پور لیفٹینیٹ جنرل سید محمد عدنان ہلال امتیاز نے روہی سپورٹس فیسٹیول ءچ ھاکی تے فٹ بال دی جتݨ والی ٹیماں جبکہ شاھد خان آفریدی نے کرکٹ فائنل ءچ جیتݨ والی ٹیماں ءچ انعامات تقسیم کیتے ، اختتامی تقریب ءچ ریسلنگ دے شو میچاں دا انعقاد وی تھئیا جیندے ءچ جتݨ والے ریسلرز کوں انعام دے نال نوازا گئیا ایں موقع تے کور کمانڈر بہاول پور نے شرکاء نال خطاب کریندے ہووے آکھیا کہ ایں طرح دی صحت مندانہ سرگرمیاں نہ صرف کھیڈاں کیتے ودھاوے دی وجہہ بنڑی ھِ بلکہ تہذیبی تے ثقافتی ورثے کوں وی اجاگر کریدنی ھِ
