پی آئی سی حملہ، ݙو مقدمات درج ، ٧ مریض جان دی بازی ھار گئے
لاہور(سرائیکی نیوز۔ آن لائن) پی آئی سی حملے دے ݙو مختلف ملزان مقدمات تھانڑاں شادمان ءچ درج کر گھیدے گئے ݙھائی سو وکلاء کوں نامزد کیتا گئیا ھِ دھشت گردی دی دفعہ وی شامل ھِ تفصیل دے مطابق پی آئی سی تے حملہ کرݨ والے ٢٥٠ وکیلاں دیخلاف مقدمہ درج کر گھیدا گئیا ھِ ݙو الگ الگ مقدمات ڈاکٹر ثاقب شیخ تے ایس ایچ او شادمان انتخاب شاہ دی مدعیت ءچ تھانڑاݨ شادمان درج کیتے گئے ھن وکیلاں دیخلاف مقدمات ءچ دھشت گردی دی دفعہ ٧ اے ٹی اے سمیت سرکاری دفتر ءچ توڑ پھوڑ ، فائرنگ ، پولیس ویگن سارݨ اقدام قتل ، بلوہ ، ہنگامہ آرامی تے کار سرکار ءچ مداخلت دی دفعات شامل کیتیاں گئیاں ھن ھک مقدمے ءچ ڈاکٹراں تے ݙوجہے ءچ پولیس مدعی ھِ ایف آئی آر دے مطابق ڈاکٹراں تے ہسپتال عملے کوں نشانہ بنڑایا گئیا ، سرکاری کم ءچ مداخلت نال مریضاں دی جاناں ضائع تھیاں ، وکیلاں نے ہسپتال ءچ کروڑاں روپے دی مشینری تے جگہ کوں نقصان پھجایا پولیس والیاں تے تشدد کیتا گئیا ، ہوائی فائرنگ کیتی گئی تے پولیس دی وین کوں ساڑا گئیا۔
