رحیم یار خان ءچ واٹر ٹریٹمنٹ پلانٹ سالاں توں غیر فعال
رحیم یار خان (سرائیکی نیوز۔سید وسیم شاہ جیلانی) رحیم یار خان ءچ واٹر ٹریٹمنٹ پلانٹس غیر فعال تھیون دی وجہہ توں شہری زیر زمین آلودہ پانڑیں پیوݨ تے مجبور تھئی گئے ھن۔ ضلعی ادارہ صحت دے مطابق ضلع ءچ زیر زمین پانڑی ءچ آرسنیک دی مقدار زیادہ ہوݨ دے باعث اے پیون دے قابل کینی رھیا ۔ رحیم یار خان ضلع تقریبا: پنجاھ لکھ دی آبادی دا ضلع ھِ تے ایندا سب توں وڈا مسئلہ صاف پانڑیں نا ہووݨ دا ھِ ڈوجہے پاسے صاف پانڑی کیتے لائے گئے واٹر ٹریٹمنٹ پلانٹ انتظامیہ دی نا اہلی دی وجہہ توں ناکارہ تھئی چکے ھن جئیں وجہہ توں شہری زیر زمین مضر صحت پانڑیں پیوݨ تے مجبور ھن۔ ڈی ایج او رحیم یار خان ڈاکٹر غضنفر شفیق نے سرائیکی نیوز نا گالھ مہاڑ کریندے ہووے آکھیا کہ زیر زمین پانڑی ءچ آرسینک دی مقدار زیادہ ہوون نال مختلف بیماری جنم گھیندیاں پیاں ھن جیندے ءچ سرفہرست ھیپاتاٹس ھِ خصوصام بال فوری بیمار تھئی ویندن۔
رحیم یار خان شہر دے علاقے عباسیہ پل دے کول موجود واٹر ٹریٹمنٹ پلانٹ ضلعی انتظامیہ دی عدم توجہی دے باعث کافی عرصے توں خراب ھِ کروڑاں روپے دے نال اے واٹر پلانٹ لایا گیا ھا لیکن ڈیکھ بھال نا تھیون دی وجہہ توں ھن ایندے نلکے تک غائب تھئی چکے ھن۔
صاف پانڑیں دے حصول کیتے شہری دور دراز نہر کنارے نصب ھینڈ پمپ تے موٹراں توں پانڑی بھر تے گھراں زندگی دا سرکل چلائی پئن، شہریاں دے مطابق زیر زمین پانڑیں نال کئی بیماریاں پیدا تھیندیاں پیاں ھن تے خصوصان بال ایندا شکار تھیندے پئے ھن گھراں ءچ موجود واٹر سپلائی سسٹم پرانڑاں ہوون دے وجہہ توں صاف پانڑیں ءچ گٹر لائن دا گندا پانڑیں شامل تھئے تے آندا ھِ
