اسلامیہ یونیورسٹی ءچ اعلی درجے دا نرسنگ سکول قائم کیتا ویسی، وائس چانسلر
اسلامیہ یونیورسٹی ءچ اعلی درجے دا نرسنگ سکول قائم کیتا ویسی، وائس چانسلر
بہاول پور (سرائیکی نیوز۔ عرفان جوئیہ) انجینئر پروفیسر ڈاکٹر اطہر محبوب وائس چانسلر اسلامیہ یونیورسٹی بہاول پور نے آکھیا ھِ
کہ جامعہ ءچ ھک اعلی درجے دا نرسنگ سکول قائم کیتا ویسی ، وائس چانسلر نے ایں گالھ دا اظہار گزرن ݙینھ سکول آف نرسنگ اینڈ مڈ وائیفری ، آغا خان یونیورسٹی کراچی دے دورے دے موقع تے ڈین ڈاکٹر روزینہ کرمالیاتی تے فیکلٹی ممبران نال گالھ مہاڑ کریندے وہوے کیتا انہاں آکھیا کہ اسلامیہ یونیورسٹی بہاول پور خطے دی ھک وݙی تے تاریخی درس گاہ ھِ تے ایں ءچ سوشل سائنس، انجینئرنگ ، میڈیکل سائنس تے آرٹ سمیت تعلیمی پروگرام جاری ھن حال ہی ءچ جامعہ ءچ مارکیٹ دی لوڑ ھِ تعلیمی پروگرام شروع کرݨ کیتے اقدامات کیتے گئے ھن
یونیورسٹی ءچ ہیلتھ تے الائیڈ میڈیکل سائنس دی فیکلٹی قائم
یونیورسٹی ءچ ہیلتھ تے الائیڈ میڈیکل سائنس دی ھک نویں فیکلٹی قائم کیتی گئی ھِ تے نرسنگ دے کیتے اقدامات کیتے گئے ھن تے نرسنگ دے شعبے دی اہمیت دے پیش نظر سکول آف نرسنگ دے قیام کیتے تیزی نال اقدامات جاری ھن وائس چانسلر نے ایں موقع تے نرسنگ دے شعبے نصاب تے ݙوجہے تیکنیکی امور دے بارے تبادلہ خیال کیتا انہاں ایں گالھ تے زور ݙیتا کہ نرسنگ دی تعلیم ءچ تدریس تے تحقیق ءچ اعلی معیار کیتے ملکی تے غیر ملکی اداریاں نال اشتراک کیتا ویسی تاکہ نرسنگ دی تعلیم دا ھک مثالی ادارہ قائم کیتا ونج سکے ، ڈاکٹر روزینہ کرمالیانی نے وائس چانسلر دے دورے کوں چنگا آکھیندے ہووے اسلامیہ یونیورسٹی بہاول پور ءچ نرسنگ سکول دے قیام کیتے مکمل تعاون دی یقین دھانی کراوئی۔
