اسلام آباد  (اے پی پی):اسلامیہ یونیورسٹی بہاول پور تے پاکستان میٹرولوجیکل ڈیپارٹمنٹ وچال موسمیات دے شعبے اچ تحقیق، استعدارکار ودھاوݨ ، موسمیاتی پیشگوئی اتے  متعلقہ امور متعلق سانجھے اشتراک و تعاون کیتے مفاہمتی یادداشت تے دستخط تھئن ۔ پاکستان میٹرولوجیکل ڈیپارٹمنٹ اسلام آباد اچ تھیوݨ آلی ایں تقریب اچ وائس چانسلر اسلامیہ یونیورسٹی بہاول پور انجینئر پروفیسر ڈاکٹر اطہرمحبوب اتے صاحبزاد خان جنرل ڈائریکٹر پاکستان میٹرولوجیکل ڈیپاٹمنٹ دستخط کیتے۔ اسلامیہ یونیورسٹی بہاول پور زرعی شعبے اچ غیر معمولی تحقیق کریندی پئی اے ۔ زراعت دا موسمی حالات نال گھاٹا تعلق اے ایں سلسلے اچ اکیڈمیا، زرعی اتے موسمیات وچال آپت اچ رابطہ تے تعاون ٻہوں ضروری اے معاہدے موجب ݙوہیں ادارے اپݨے ماہرین دی استعدادکار ودھاوݨ کیتے تربیتی پروگراماں دا اہتمام کریسن ۔

موسمیات، زراعت، گلیشیر متعلق معلومات دا ڈیٹا بنک مرتب کیتا ویسی ۔ اسلامیہ یونیورسٹی بہاول پور اچ علاقائی موسمیاتی مرکز قائم کیتا ویسی ۔ کلائمیٹ سائنسز اچ تدریس و تحقیق کیتے ھک سینٹر آف ایکسلینس بݨایا ویسی  گلیشیردے پگھلݨ، دریا وہݨ تے ایندے فوڈ چین تے تھیوݨ آلے اثرات دا جائزہ ڳھدا ویسی ایں سلسلے اچ نوجوان سائنسداناں کوں تربیت کیتے ترجیح ݙتی ویسی ۔ مصنوعی مینھ دے نظام دے ذریعے فروٹ باسکٹ آف پاکستان اچ بدالݨ کیتے تحقیق و تعاون کوں ودھارا ݙتا ویسی ۔