ملک کوں لوٹݨ والا پنجھ دا ٹولہ انجام کوں پھج چکیا ھِ ، مریم نواز
ملک کوں لوٹݨ والا پنجھ دا ٹولہ انجام کوں پھج چکیا ھِ ، مریم نواز
پاکستان مسلم لیگ ن دی سینئر نائب صدر تے چیف آرگنائزر مریم نواز نے ملک دی خرب معاشی صورتحال دا ذمہ دار عمران خان کوں قرار ڈیندے ہووے آکھیا ھِ کہ ملک کوں بے دردی نال لٹݨ والا پنجھ دا ٹولہ ھا جو اپنڑیں انجام کوں پھج چکیا ھِ
بہاول پور اچ پارٹی ورکراں دے کنونشن نال خطاب کریندے ہووے مریم نواز دا آکھݨ ھا کہ اگر اج پیٹرولیم مصنوعات دی قیمتاں ودھدیاں ھن تاں ایندی وجہ عالمی مالیتی فنڈ آئی ایم نال کیتا گئیا او معاھدہ ھِ جئیں نال عمران خان نے ملک کوں گروی رکھ ڈیتا ھا۔ مریم نواز دا آکھݨ ھا کہ میکوں علم ھِ کہ پاکستان اچ مہنگائی ھِ جیندا میکوں نہ صرف احساس ھِ بلکہ دل کوں تکلیف ھِ انہاں آکھیا کہ ملک اچ آٹا چینی پیٹرول گھیو سمیت تمام چیزاں مہنگیاں ھم جیندا میکوں نہ صرف احساس ھِ بلکہ دل کوں وی تکلیف ھِ کیونکہ جئیں ویلے تساڈے گھراں تے پریشانی آندی ھِ تاں ایں توں وڈی پریشانیاں اساڈے دل تے آندی ھِ
مریم نواز آکھای کہ مشل فیصلیاں توں نواز شریف لندن اچ پریشان ھن لیکن اساں ضرور ڈیکھݨ چاھندے ہیں کہ جو مشکل فیصلے کیتے ویندے پئے ھن ملک ہچکولے کھاندا پئے ایندی وجہ کیا ھِ
انہاں آکھیا کہ ٢٠١٨ توں ٢٠٢٢ تک جئیں حالات توں ملک لنگھ تے آیا ھِ شکر کرو پاکستان بچ گئیا ھِ تے تباھی دے نیڑے پھج تے واپس آئے ورنہ اے تاں اگلے ١٢ سال دا منصوبہ وی بنڑاں تے بیٹھے ھن انہاں دا آکھݨ ھا کہ اج اگر اساں پیٹرولیم چیزاں دی قیمتاں ودھاونڑاں پئی ھِ تاں ایندی وجہ آئی ایم ایف نال کیتا گئیا او معاھدہ ھِ جو عمران خان نے کیتا ھا جیندے بدلے نہ صرف ملک دی تقدیر آئی ایم ایف دے حوالے کر ڈیتی بلکہ ملک کوں وی گروی رکھ ڈیتا۔ پارٹی دی سینئر نائب صدر دا آکھݨ ھا کہ مسلم لیگ ن واسطے ابہوں آسان ھا کہ جئیں ڈینھ عمران خان اسمبلیاں توڑیاں تے اساں الیکشن اچ چلے ویندے تے ایں ویلے وقت الیکشن اچ ونجݨ دے نال ڈو تہائی اکثریت نال جیت تے آندے۔ انہاں آکھیا کہ جو بندی ملک کوں سری لنکا بنڑاوݨ دی خواھش رکھ تے بیٹھا ھِ شہباز شریف تے نواز شریف نے ملک کوں سری لنکا بنڑن توں بچایا ھِ
