لاہور ھائی کورٹ بہاول پور بنچ ءچ جلد احتساب کورٹ قائئم کر ݙیتی ویسی، جسٹس محمد شمیم خاں
بہاول پور (سرائیکی نیوز) چیف جسٹس لاہور ھائی کورٹ مسٹر جسٹس محمد شمیم خاں نے آکھیا ھِ کہ لاہور ھائی کورٹ بہاول پور بنچ ءچ جلد احتساب کورٹ قائئم کر ݙیتی ویسی ، اے گالھ انہاں اج ھائی کورٹ بار ایسوسی ایشن بہاول پور دے زیر اہتمام منعقدہ تقریب نال خطاب کریندے ہووے کیتی ، تقریب ءچ سینئر جج لاہور ہائی کورٹ بہاول پور جسٹس چوھدری محمد مسعدود جہانگیر ، جسٹس شجاعت علی خان ، جسٹس مزمل اختر شبیر ، جسٹس فاروق حیدر ، جسٹس محمد وحید خاں ، رجسٹرار لاہور ھائی کورٹ لاہور عبدالستار سینئر ایڈیشنل رجسٹرار لاہورہائی کورٹ بہاول پور بینچ چوہدری انوار الحق، ڈسٹرکٹ اینڈ سیشن جج مشتاق احمد اوجلہ، صدر ہائیکورٹ بارایسوسی ایشن چوہدری ندیم اقبال، جنرل سیکرٹری ایاز کلیار، صدر ڈسٹرکٹ بار ایسوسی ایشن میاں محمد اظہر اور وکلاء موجود ھن۔
چیف جسٹس لاہور ہائی کورٹ نے اپنڑیں خطاب ءچ آکھیا کہ اوورسیز پاکستانیاں دے کیساں دے حل کیتے اوورسیز کمیشن بنڑایا گئیا ھِ تاکہ دیار غیر ءچ رھاوݨ والے پاکستانیاں کیتے عدالتی کیساں کوں فوری حل کیتا ونج سکے انہاں آکھا کہ ھݨ تک اوورسیز پاکستانیاں دے ١٦٠٠ کیس پیش تھئے ھن جنہاں ءچوں ٦٠٠ توں ودھ حل کر ݙیتے گئے ھن جبکہ دیگر کیساں کوں تیزی نال نمٹاوݨ کیتے عدالتی کارروائی دا عمل جاری ھِ چیف جسٹس نے مزید آکھیا کہ بہاول پور ءچ وکلاء کالونی دا قیام جلد عمل ءچ آ ویسی ، تے ایں سلسلے ءچ ٩٠ فیصد توں ودھ کم مکمل تھئی چکا ھِ انہاں آکھیا کہ لیڈیز بار روم ءچ توسیع دا کم جلد شروع تھیسی انہاں آکھیا کہ جوڈیشنل اکیڈمی فعال انداز ءچ کم کریندی پئی ھِ جیتھان جوڈیشنل افسران کوں انہاں دے فرائض منصبی دی ادائیگی کیتے اعلی تربیت دا پروگرام مربوچ
انداز ءچ جاری ھِ
چیف جسٹس نے ھائی کورٹ بار ایسوسوی ایشن دے اراکین نال خطاب کریدنے ہووے آکھیا کہ بہاول پور بار ایسوسی ایشن اپنڑیں منفرد تہذیبی تے شاندار تاریخی پس منظر دی وجہہ توں ممتاز مقام رکھیندی ھِ سینئر جج لاہور ھائی کورٹ بہاول پور بینچ جسٹس چوھدری محدم مسعود جہانگیر نے آکھیا کہ چیف جسٹس لاہور ھائی کورٹ جسٹس سردار محمد شمیم خاں انصاف پسندی دے نال نال اعلی انسانی خوبیاں دے مالک ھن انہاں آکھیا کہ خطہ بہاول پور علم و فیض دے حوالے نال بہوں زرخیر ِ انہاں نے وکیلاں کوں آکھیا کہ او پیشہ وارانہ ذمہ داریاں محنت تے دیانت داری نال سر انجام ݙیوون تاکہ او مستقبل ءچ لیگل پروفیشن ءچ نمایاں مقام حاصل کرن، جسٹس شجاعت علی خان نے اپنڑیں خطاب ءچ آکھیا کہ چیف جسٹس لاہور ھائی کورٹ سردار محمد شمیم انتہائی شفیق تے مخلص انسان ھن او جو گالھ کریندے ھن او انہاں دے دل توں نکلدی ھِ
ایں توں پہل صدر ھائی کورٹ بار ایسوسی ایشن چوھدری ندیم اقبال خطاب کریندے ہووئے آکھیا کہ چیف جسٹس لاہور ھائی کورٹ سردار محمد شمیم نہایت سادہ طبیعت دے مالک ھن انہاں سردار محمد شمیم خان کوں یادگار دے طور تے شیلڈ تے گلدستہ تے لائف ممبر شپ دا سرٹیفکیٹ پیش کیتا ایویں سینئر ایڈووکیٹ اعجاز احمد انصاری نے سینئر جج لاہور ھائی کورٹ بہاول پور بنچ مسٹر جسٹس چوھدری مسعود جہانگیر کوں گلدستہ ݙیتے تے صدر بار ڈسٹرکٹ بار ایسوسی ایشن میاں محمد اظہر ایڈووکیٹ نے چیف جسٹس کوں وی گلدستہ پیش کیتا۔
